Proverbios 18:18 - Qullan Arunaca

¹⁸ Ch'ajjwañanacarojj Tatituw chekaparu uñjañapampi tucuyi, ucatsti yakha yakharacwa ch'amaninacar jaljtayi.

Aymar Bibliia 1986

¹⁸ Ch'ajjwañanacarojj Tatituw chekaparu uñjañapampi tucuyi, ucatsti yakha yakharacwa ch'amaninacar jaljtayi.

Qullan Arunaka DC

¹⁸ Tatitun taripäwipaw ch'axwañanakar tukuyi, yaqha yaqharak ch'axwirinakar jaljtayi.

Proverbios 18:18 Jak'a apnaqawi uñst'ayäwi

1 Crónicas 24:31

Jupanacasti uqhamaraquiw sorteasipjjäna jaljasiñataqui, jilïrin familiapasa, sullca jilapansa, jupanacajj lurapjjänwa Aarón chachat jutir wawanacapa familianacapjama. Ucsti lurapjjänwa Davidana, Sadoc, Ahimelec ucanacan nayrakatapana, uqhamarac sacerdotenacan familianacapan jilïrinaca nayrakatana, uqhamarac levitanacan nayrakatapana.

1 Crónicas 6:63

Merari chachan wawanacaparusti churapjjänwa kawkhay familianacapajj utjchïna ucarjama, jupanacarusti suertetjamajj wact'änwa tunca payan marcanaca, ucanacasti Rubén, Gad, uqhamarac Zabulón uca tribunacatänwa.

Nehemías 11:1

Marcana jilïrinacapasti Jerusalén marcanwa utt'asipjjäna; ucjjaru jilt'iri jakenacajja suertwa jaktapjjäna tunca familiatjja maya familia Jerusalén kollan marcar jaquir sarañapataqui, uqhamaraqui llätunca familianacasti yakha marcanacana jacapjjañapataquiraqui.

Proverbios 16:33

Jakenacajja suertenacwa apsuyasipjje, ucampis Tatituw phokhayi munañaparjama cunjamäñapataquisa.

Proverbios 18:17

Qhititejj jupa pachpata arsusqui ucan arupajja walicjamaquiwa, ucatsti cunapachatï jupa conträqui ucajj purini ucqhasti, takwa khansuyi.

Proverbios 18:19

Chuyma usuchjat jilatajja, jach'a perkanacampi muyuntayat marcjamäjjewa, janiraquiw cun ist'añsa munquiti. Jila pura ch'ajjwañanacasti, cunjämatï mä palacion rejanacapajj jan pascaya wali uchantatäquejja uqhamaw jaljtayaraqui.

Josué 14:2

Uca orakenacasti suertetwa laquintasïna uca llätunca chicani tribunacaru, cunjämatï Dios Tatitojj Moisesar siscatayna uqhamarjama.

1 Samuel 14:41

Ucat Saúl reyejj art'araqui: —Tatitu, Israelan Diosapa, ¿cunatsa jichhürojj jan ist'ista naya sirvirimarojja? Nayatejj juchanïstjja, jan ucajj Jonatán yokajjas juchanïchejja, suerte jaktatatjja Urim ucaw mistuni; ucampisa juchatejj israelita jakenacancchejja, suerte jaktatasti Tumin ucaraquiw mistuni —sasa. Suertesti Saúl reyimpiru Jonatán yokapampiruw mistüna, uqhamat janiw jakenacajj juchañchatäcjjänti.

1 Samuel 14:42

Ucat janc'aquiw Saúl reyejj saraquïna: —Jichhajj Jonatán yokajjampita nayampitaraqui suerte jaktapjjam —sasa. Suertesti Jonatán yokapjjaruw purïna,