Proverbios 17:19 - Qullan Arunaca

¹⁹ Qhititejj tokesiñ munqui ucataquejja, nuwasiñawa jupatac suma; qhititejj sinti parlqui ucajja, aynacht'añapwa thakasqui.

Aymar Bibliia 1986

¹⁹ Qhititejj tokesiñ munqui ucataquejja, nuwasiñawa jupatac suma; qhititejj sinti parlqui ucajja, aynacht'añapwa thakasqui.

Qullan Arunaka DC

¹⁹ Tuqisiñ munir jaqitakix, nuwasiñax jupatak sumarakiwa; khititix sinti parlki ukaxa, aynacht'añap thaqhaski.

Proverbios 17:19 Jak'a apnaqawi uñst'ayäwi

2 Samuel 15:1

Take ucanac pasatatsti Absalonajj guerran nuwasiñ mä carro jicjjataraquïna uqhamaraqui caballonacampi, ucatsti mä guardia jupataqui pheska tunca jakenacwa utt'ayasiraquïna.

1 Reyes 1:5

Uccañcamasti Davidampina, Haguit warmipampina Adonías sat yokapasti, jupa toke sayt'asisinjja sänwa: “Nayaw reyëjjajja” sasa. Ucatsti waquicht'asïnwa nuwasiñ carronaca, caballería carronacsa, uqhamarac pheska tunca guardia jakenacaraqui jupar imapjjañapataqui.

Proverbios 16:18

Jach'a jach'a tucuñanjja aynacht'añawa utji; pek'e waytat sarnakañansti tincuñaw utji.

Proverbios 17:14

Ch'ajjwaña kalltañasti, umasa jilarcaspa uqhamawa; uca ch'ajjwañata jithektañasti juc'ampi asquiwa.

Proverbios 18:12

Jach'a jach'a tucuñanjja, aynacht'añawa utji; llamp'u chuyma tucuñansti, jach'ar aptatäñawa utjaraqui.

Proverbios 24:27

Ankan negociomäqui ucjja tucuyam, pampan lurañanacamäqui ucjja luram, ucatwa utama lurasismajja.

Proverbios 29:9

Janiw walïquiti mä yatiñan jakena jan amuyt'an jakempi ch'ajjwañapajja; jan amuyt'ani jakejj colerasiwa, sawcasiraquiwa, ucatsti janiw cuna ascsa jupampejj apscaniti.

2 Corintios 12:20

Mä toketjja ajjsararactwa, cunapachatï purincä ucqhajj jan inas jumanacarojj cunjämtï muncta uqham jicjjatapcchïmati, ni jumanacas nayarojj cunjämtï munapcta uqham jicjjatapcchitätati. Inas utjchini ch'ajjwañanaca, envidiasiñanaca, colerasiñanaca, maynic cuns munirïñanaca, c'umisiñanaca, jach'a jach'a tucuñanaca, pejjtusiñanaca.

Santiago 1:20

Colerat jakesti janiw cunatejj Diosataquejj sumäqui ucjja lurquiti.