Proverbios 17:15 - Qullan Arunaca

¹⁵ Walwa Tatitojj uñisi aca paya luräwinacaru: jucharar jaker asquit uñt'aña, asqui jaker juchañchaña.

Aymar Bibliia 1986

¹⁵ Walwa Tatitojj uñisi aca paya luräwinacaru: jucharar jaker asquit uñt'aña, asqui jaker juchañchaña.

Qullan Arunaka DC

¹⁵ Juchan jaqir juchap jan uñt'ayañampi, aski jaqir ina ch'usat juchañchañampi, uka pä luräwinakaruw Tatitux uñisi.

Proverbios 17:15 Jak'a apnaqawi uñst'ayäwi

1 Reyes 21:13

Ucjjarusti purinipjjänwa pä c'ari testigonaca, ucatsti khanañchapjjänwa Nabot chacha contra take jakenacan nayrakatapana: “Diosaru, uqhamarac reyiruw ñankhachi” sasa. Ucatsti marcat apsusinjja kalamp c'upjascamawa jiwayapjjäna.

Salmos 94:21

Jupanacajj asqui jaker ñankha lurañ amtapjje, jan juchan jaker jiwayañataquiw juchañchapjje.

Éxodo 23:7

“Jithektätaw c'ari parlañanacatjja, uqhamarac jan juchani asqui jakerojja janiw jiwayätati; nayasti juchanirojja janiwa uñjcäti janis juchanïcaspa uqhamar uñtatjja.

Proverbios 11:1

Tatiturojj c'ari pesanacajj ajjtasiyiwa, ucampis phokhat pesanacajj juparojj cusisiyiwa.

Proverbios 15:8

Tatitojj ñankha jakenacan loktatanacapjja janiw uñjañ munquiti, ucampis cusisiñampiwa catoke cheka jakenacan mayisitanacapjja.

Proverbios 17:26

Jan juchanir multa apsuñajja janiw walïquiti, janiraquiw aytata jakeru jawk'añas walïquiti.

Proverbios 18:5

Janiw asquïquiti taripirinacan juchan jaket arjjatañapajja; janiraquiw asquïquiti jan juchan jaken sarnakasiñaparus janiw sañajja.

Proverbios 31:5

uqham machasin ewjja arunacjja armasipjjaspa, ucatsti llaquitanacaru chekapar uñjañäqui ucsti janiw chekapar uñjcjjapjjaspati.

Proverbios 6:16

“Tatitojj sojjta jan walinacaruw uñisi; ucat juc'ampisa pakallkcama:

Isaías 5:20

¡Ay, cunaquïcani jumanacataquejja qhitinacatejj jan walïqui ucarojj ‘Waliw’ sapcta ucanacataquejja, uqhamaraqui walïqui ucarusti ‘Janiw walïquiti’ sapjjaracta, khansti ch'amacaru tucuyapjjta, ch'amacsti khanaruraqui, c'allc'üqui ucsti mojjsaru, mojjsäqui ucsti c'allc'ururaqui!

Isaías 5:23

Jumanacasti juchan jakerojj kollke laycojj jan juchan mistuyapjjtajja, jan juchanïqui ucanacarusti juchañchapjjaractawa.

Lamentaciones 3:35

Tatitun nayrakatapana jaken jacañapa t'unañasa,

Ezequiel 13:19

Jumanacajj marcajj nayrakatanwa nayarojj jisc'achapjjesta, mä jach'ta cebada laycu, uqhamaraqui mä jisc'a t'ant'a laycuraqui; jumanacajj jan juchani jakenacaruw jiwarayapjjtajja, qhitinacatejj jiwapjjañapäcän ucanacarusti janiw jiwayapcaractati. Uqhamwa jumanacajj nayan marcajjarojj sallkjapjjtajja, jumanacan c'ari arunacamar jaysapjjatap laycu.

Amós 5:12

Nayajj yattwa walja ñankha lurapjjatanacama, uqhamarac jach'a juchanacamsa; asqui jakerojj t'akhesiyapjjtawa, kollke catokasina, quejanacansti pobrerojj janiw arjjatapctati.

Amós 5:7

¡Ay cunaquïcani jumanacataquejja leyinacajjsa c'allc'uru tucuyapjjatamatjja, uqhamaraqui cheka uñjäwsti taquichasipjjatamata!

Amós 6:12

¿Caballonacajj karkanac pataru misttapjjaspati? ¿Kotanjja kholliñajj waquisispati? ¡Ucampis jumanacajj cheka uñjäwjja venenoruw tucuyapjjtajja, uqhamarac asqui luräwin achupsti c'allc'ururaqui!

Romanos 4:5

Tatitojj juchan jakerojj pampachiwa, jupar iyawsir jakerusti iyawsäwip laycuw asqui jaket catoke, luräwinacap uñachayañatac jan utjquipansa.

Deuteronomio 25:1

“Cunapachatejj yakhepanacajj ch'ajjwañana sarnakapjjani, ucanacajj tribunalaruwa uñstapjjañapa, juezanacan uñjañapataqui, ucatsti juezanacaw cawquïritejj juchanïqui ucarojj juchañchascani, jan juchanïqui ucarus janirac juchañchcaniti.

Santiago 5:6

Jumanacajj jan juchan jakenacarojj juchañchasinwa jiwarayapjjtajja, janiraquiw jupanacas sayt'asipcänti.