Proverbios 16:17 - Qullan Arunaca

¹⁷ Asqui jakenacan sarnakäwipasti jan walinacata jithektañawa; asqui thaquin sarnaker jakesti, jupa pachpawa jacañapa imasisqui.

Aymar Bibliia 1986

¹⁷ Asqui jakenacan sarnakäwipasti jan walinacata jithektañawa; asqui thaquin sarnaker jakesti, jupa pachpawa jacañapa imasisqui.

Qullan Arunaka DC

¹⁷ Aski jaqinakan saräwipax jan walinakat jithiqtañawa; sarnaqäwip imiristi, jupa pachpaw jakañap imasiski.

Proverbios 16:17 Jak'a apnaqawi uñst'ayäwi

Job 1:1

Uz sat chekan mä chachaw utjäna Job sutini. Jupasti asqui, cheka jakënwa, Diosarus ajjsartiriraqui; ñankha lurañatsa jithektataraqui.

Proverbios 10:9

Jan cuna manunïqui ucajj, janiw cunarus ajjsarquiti; jan wal sarnakeristi, jan waliwa tucusiraqui.

Proverbios 19:16

Tatitun camachi arunacapa imirejj jacañapwa imasisqui, ucampis Tatitun yatichäwi arunacaparu jisc'achirejja jiwaniwa.

Proverbios 21:23

Qhititejj suma amuyt'ampi cunsa parlqui ucajja, janipuniw jan walt'añanacarojj mantquiti.

Proverbios 22:5

Ñankha lurir jaken sarnakäwipajj sipitanacampi phokt'atawa, ucampis suman sarnakañ muniristi uca jan walt'añanacatjja saraktiwa.

Proverbios 4:23

Take cuna imatäqui ucat sipansa chuymam imam, jacañamasti uca chuymamatwa juti.

Isaías 35:8

Ucansti mä thaquiw utjaraquini, uca thaquisti “Kollana” satäniwa; qhitinacatejj jan k'omachatäpqui ucanacajj janiw uca cheka pasapcaniti; pisi amuyu jakenacas janiraquiw uca cheka sarnakapcaraquiniti.

Mateo 24:13

Ucampis qhititejj tucuycama sayt'cani ucawa khespiyatäni.

Hechos 10:35

Jupasti cuna cast jakerus catokaquiwa, qhitinacatejj jupar ajjsarqui, uqhamarac asqui lurapqui take ucanacarusa.

Hechos 24:16

Ucatwa ch'amañchasipunta Diosan nayrakatapansa, jakenacan nayrakatapansa, k'oma chuymanïñpuni jacasiña.

Hebreos 10:39

Ucat sipan janiw jiwasanacajj khepar cutt'irinacäctanti, janiraquiw t'unjatäñan sarirïctansa, jan ucasti iyawsañaninacätanwa, uqhamatwa almasjja imasipjjtanjja.

Judas 1:21

Diosan munasiñapan jacapjjam, cunürutï Tatit Jesucristosajj qhuyapayasiñapanjja wiñay jacañjja churquistani uca uru suyt'asina.

Judas 1:24

Mä sapa Dios, jiwasan Khespiyirisaraqui, jupajj ch'amaniw jumanacar imañataquejja jan tincupjjañamataqui, ucatsti jan k'añuni cusisiñan phokt'ata jupan c'ajquir nayrakatapan uñstapjjañamataqui.

Apocalipsis 3:10

Llamp'u chuymanïma satajj-jja ist'istawa, ucataracwa jichhajj jumar imäma cuna yant'anacatejj aca orakpacharu jutcani ucanacatjja. Uca yant'anacasti aca oraken utjiri jakenacar yant'añataquiw jutani.