Proverbios 16:1 - Qullan Arunaca

¹ Jakejj chuymapanjja cunanac lurañataquis amtaquiwa, ucampis Tatituw munañani uca amtäwiru phokhasiñapataquisa jan phokhasiñapataquisa.

Aymar Bibliia 1986

¹ Jakejj chuymapanjja cunanac lurañataquis amtaquiwa, ucampis Tatituw munañani uca amtäwiru phokhasiñapataquisa jan phokhasiñapataquisa.

Qullan Arunaka DC

¹ Amtäwinak lurañax jaqinkiwa, ukampis Tatituw munañani uka amtäwin phuqhasiñapatakisa, jan phuqhasiñapatakisa.

Proverbios 16:1 Jak'a apnaqawi uñst'ayäwi

2 Samuel 7:5

“Saram, ucat David sirvirejjampi parlam, yatiyaraquim, naya Tatitun arsutajja: ‘Janiw jumati nayataquejj mä templo utacharapquitäta, ucan nayajj jacañajjataqui.

2 Crónicas 18:31

Cunapachatï carronacan capitänanacapajj Josafat reyiru ujapjjäna ucqhajja, amuyapjjänwa jupätapa Israelan reyipajja, ucatjja muyuntapjjänwa nuwañataqui. Ucatsti Josafat reyejj jach'at art'asinwa yanapa mayïna, ucatjja Tatitojj juparojj yanapänwa, Diosasti jupatjja uca jakenacjja jithektayaraquïnwa,

Esdras 7:27

Ucatsti Esdras chachajj oracionwa luräna: “Bendicitäpan awquinacasan Tatit Diosapajja, reyiru ch'amañchatapata Jerusalenana Tatitun temploparu jach'añchatapata,

Nehemías 1:11

Nayajj mayissmawa Dios Tata, oracionajj ist'añamataqui, uqhamaraqui sirvirinacaman mayisitanacapsa, nanacasti juma sapar jach'achañacwa munapjjta. Uqhamarac mayisiracsmawa nayar atipt'ayañama, reyirusa amuyt'ayaraquim nayar ist'añapataqui” sasa.

Job 17:11

“Urunacajjajj pasacwa pasawayjje, amtatanacajjasa, munatanacajjasa ina ch'usaruw tucusiwayjjaraqui.

Salmos 10:17

Tatay, jumaw jan yäkat jakenacan mayisitap ist'asctajja, jumaw chuymachasctajja, ch'amañchascaractajja.

Salmos 119:36

Arsutanacamaruy chuymajj alcatayita, janiquiy inampst'añar puriyistati.

Éxodo 4:15

Jumasti jilamaruwa yatiyäta cunanactejj parlañamäqui uca arunaca. Nayasti jumanacampïscäwa cunapachatejj parlapcäta ucqhajja, uqhamarac nayaraquiw yatichasipcäma cunanacatejj lurapjjañanacamäqui ucanacsa.

Proverbios 15:33

Tatitur ajjsarañajj yatiñ cancañwa utjayi; llamp'u chuyman tucuristi jach'ar aptatawa.

Proverbios 16:9

Jakejj chuymapanjja sarnakañapatwa lup'isqui, ucampis sarnakäwipjja Tatituw irpasqui.

Proverbios 19:21

Jakejj waljanacwa amti, ucampis Tatitun munañapaquiwa phokhasi.

Proverbios 20:24

Tatituwa jaken sarnakäwipa sarayasqui; janiwa qhitis yatisquiti jupa pachpan tucuyäwipjja.

Proverbios 21:1

Reyin amtatanacapajj Tatitun amparapanquiwa; Tatituraquiwa sarayasqui, cunjämatï jawiranacajj sarasqui uqhama.

Jeremías 10:23

Tata, nayajj yattwa jakejj janiw alasquiti pachpa jacañapjja, janiraquiw tucuyäwipsa munañapar apnakcaspati.

2 Corintios 8:16

Ucampis Diosajj yuspagaratäpan, cuna llaquisiñatejj nayan jumanacatac utjcän ucracwa Titon chuymaparojj ucharaqui.

Filipenses 2:13

Diosaw suma amtäwinac churapjjtam, jupa pachparaquiw yanapasipctamjja uca lurañanac phokhañanjja jupan munañaparjama.