Proverbios 12:23 - Qullan Arunaca

²³ Ch'iqhi jakejj yatiñapatjja janiw jach'achasquiti, ucampis jan amuyt'an jakejja, pachpa jan amuyt'apampiw t'ajjmarätap khanañchasiraqui.

Aymar Bibliia 1986

²³ Ch'iqhi jakejj yatiñapatjja janiw jach'achasquiti, ucampis jan amuyt'an jakejja, pachpa jan amuyt'apampiw t'ajjmarätap khanañchasiraqui.

Qullan Arunaka DC

²³ Ch'ikhi jaqix janiw yatitapat jach'achaskiti, jan amuyt'an jaqisti t'axmarätap qhanañchasi.

Proverbios 12:23 Jak'a apnaqawi uñst'ayäwi

Nehemías 2:12

arumaw sartasta mä kawkha chachanacampi sarañataqui, ucampisa janiw qhitirusa cunsa camscti cuntï Diosajj Jerusalenataqui luraña amuyt'ayquitäna ucjja. Nayajj janiw yakha uywa irpcäyätti, jan ucasti cawquïri uywarutejj lat'jjatata sarcäyäta ucacwa irpasïyäta.

Nehemías 2:16

Marca apnakerinacasti janiw yatipcänti nayan cawquiru saratajjsa, ni cun luratajjsa. Judionacarusa, sacerdotenacarusa janiraquiw nayajj yatiycäyätti ucqhacamajj, ni jilïrinacarusa, ni marca apnakerinacarusa, ni qhitinacatejj uca perkañana jicjjatasipcani ucanacarusa.

Proverbios 10:14

Yatiñan jakenacajj wali amuyt'ampiwa parli, ucampis jan yatiñani jakenacan parlatapasti jan walt'añanac utjayirjamawa.

Proverbios 10:19

Wali parlañanjja jucha lurañawa utji, ucampis horasapar amuct'añasti yatiñ cancañanquiwa.

Proverbios 11:13

Arunaca apnakerejj takwa parli, ucampis asqui jakejja imjjäsiwa, janiw qhitirus arsquiti.

Proverbios 13:16

Qhititejj ch'iqhïqui ucajja, ch'iqhi cancañampiwa cuns luri; jan amuyt'an jakesti lokhe luratanacapatwa cawqui cawc tucu.

Proverbios 14:33

Yatiñ cancañajj amuyt'asiri jakenacanwa utji; jan amuyt'an jakensti janiw yatiñajj uñt'atäquiti.

Proverbios 15:2

Yatiñan jakenacajj yatiñ cancañampiw parlapjje, ucampis jan amuyt'an jakenacajja lokhe arunacacwa parlapjje.

Proverbios 18:2

Jan amuyt'an jakejj janiw yatekañ munquiti; jan ucasti jupan amuyt'äwipacwa parlañ muni.

Proverbios 29:11

Jan amuyt'an jakejj mäquiwa cunatsa colerasi, ucampis yatiñan jakejja colerasiñapjja mäquiwa apanucu.

Eclesiastés 10:3

Pisi amuyun jakejj take luratanacapanjja, uñacht'ayiwa juc'a amuyt'aniquïtapa, kawkhasay sascpan “pisi amuyuninacajj jupanacäpjjew” sasa.

1 Samuel 10:16

Saúl waynajj tioparojj saraquïnwa: —Khanwa sapjjetu kachu asnonacajj uñstjjatapata —sasa. Ucampisa Saúl waynajj janipuniw cuntejj reyïña toket Samuelojj parlcatayna ucanacjja arsuscänti.