Proverbios 10:20 - Qullan Arunaca

²⁰ Asqui jaken arunacapajj k'omachata kollkjamawa, ucampis ñankha jaken amuyupasti jan cunataquiwa.

Aymar Bibliia 1986

²⁰ Asqui jaken arunacapajj k'omachata kollkjamawa, ucampis ñankha jaken amuyupasti jan cunataquiwa.

Qullan Arunaka DC

²⁰ Aski jaqin arunakapax q'umachat qullqir uñtatawa, ñanqha jaqin amuyupasti jan kunatakiwa.

Proverbios 10:20 Jak'a apnaqawi uñst'ayäwi

Génesis 6:5

Cunapachatejj Tatitojj jakenacan sinti jan walinaca lurapjjatap uñjän ucqhajja, uqhamaraqui jakejj ñankha lurañacpuni amtascatapatjja,

Génesis 8:21

Cunapachatejj Tatituru ucqha suma k'aphejj purïna ucqhajj Tatitojj aqham sänwa: “Janipuniw mayampsa aca orakerojj maldiscjjäti jaken juchap laycojja, jakesti waynatpacha ñankha lurañacpunwa amtasquejja. Janiraquiw animalanacarojj mayampsa tucj-jjäti, cunjämtejj jichhajj lurcta uqhama.

Salmos 37:30

Asqui jakejj yatiñ cancañampiw parli, lajjrapajj chekap sarnakañ khanañchi.

Proverbios 12:18

Utjapuniwa parlatanacapampi mayniru usuchjirejja, ucampis yatiñan jakenacan arunacapasti mä kolljamawa.

Proverbios 15:4

Suma arunacajj jacaña kokjamawa, ucampis jan wali arunacajj jaken chuymaparojj usuchjiwa.

Proverbios 16:13

Reyinacajj munapjjewa, cusisiñampiw uñjapjjaraqui, qhititejj cheka cancañampi parlasqui ucarojja.

Proverbios 20:15

Acapachan korinacata sipana, uqhamarac suma yänacat sipansa, juc'amp asquiwa qhititejj yatiñampi parlqui ucajja.

Proverbios 23:7

Jupajj jumataquejj mallk'amanjja mä t'awrar uñtatäniwa. Jupasti sätamwa: “Mank'asim, umasim” sasa, ucampis chuymapanjja jan walwa juma tokejj lup'iscani.

Proverbios 8:19

Nayasti juc'amp sumwa churta, suma korita, suma kollketa sipana.

Jeremías 17:9

“Jaken chuymapjama ñankha, c'arintirejj janiw utjquiti. ¿Qhitisa jaken chuymapjja sum uñjaspa?