Oseas 9:4 - Qullan Arunaca

⁴ Janiw Tatitun sutipjjaru juc'ampi vino umcjjapjjaniti, janiraquiw ucansa juc'ampi sacrificionac loktascjjapjjaniti. T'ant'a mank'atanacapas llaqui t'ant'jamäniwa, qhitinacatejj mank'apcani ucanacas k'añöjjapjjaraquiniwa. Jupanacaw uca t'ant'anacjja mank'asipcani, ucampis janiraquiw Tatitun temploparu ucanacjja apañataquejj ch'amanïpcaniti.

Aymar Bibliia 1986

⁴ Janiw Tatitun sutipjjaru juc'ampi vino umcjjapjjaniti, janiraquiw ucansa juc'ampi sacrificionac loktascjjapjjaniti. T'ant'a mank'atanacapas llaqui t'ant'jamäniwa, qhitinacatejj mank'apcani ucanacas k'añöjjapjjaraquiniwa. Jupanacaw uca t'ant'anacjja mank'asipcani, ucampis janiraquiw Tatitun temploparu ucanacjja apañataquejj ch'amanïpcaniti.

Qullan Arunaka DC

⁴ Janiw Tatitur jach'añchas juk'ampi vino umkxapxaniti, janirakiw ukan wilañchanak jupar luqtapkaniti. T'ant'a manq'atanakapas llaki t'ant'jamäniwa, khitinakatix manq'apkani ukanakax q'añur tukutäniwa. Uka t'ant'anakax jupanakatakikïniwa, ukampis janiw Tatitun utapar apapkaniti.

Oseas 9:4 Jak'a apnaqawi uñst'ayäwi

Éxodo 29:40

Nayrïr ovejampi chicsti loktätawa, pä kilo suma jac'u mä litro oliva sat aceitempi chaputa, ucjjarusti suma ofrendäñapataquejja mä litro vinompiraquiw warjjataraquïta.

Éxodo 40:23

Mesa patjjarojja t'ant'anac sum uchäna Tatitun nayrakataparu, cunjämtejj Tatitojj siscäna uqhamarjama.

Isaías 57:6

“Israel, jumajj jawira llust'a kalanacaruw yupaychtajja, ucanracwa jumataquejj mä chekajj waquichat utji. Uca kalanacaruw vino loktäwinac churastajja, granonacsa churaractajja. ¿Take uca luratanacamatsti cusisïti?

Isaías 66:3

Ucampisa utjaraquiwa qhititejj mä orko vaca sacrificiot loktqui, uqhamarac mä jakjja jiwayapjje, mä ovejsa qharinucuraqui, ucamp chicsti anurus jiwayapjjaraquiwa, granonac loktasinsti ucampi chicsti qhuchin wilapsa loktapjjaraquiwa, inciensonac k'aphiyasasti, diosanacarus yupaychasipcaraquiwa. Take qhitinacatejj uqham yupaychañanac ajllipcän ucanacarojja walrac uqham lurañajj munasiraqui.

Jeremías 16:7

Uca jiwaratanacan familianacaparu chuymachañataquisti janiraquiw qhitisa mank'äwinaca waquichcaniti, jiwatajja pachpa awquipa jan ucajj taycapäscpasa.

Jeremías 6:20

¿Cunataquis jumanacajj Sabá sisqui uca oraket incienso apanirapipjjesta? ¿Uqhamaraqui jaya orakenacatpacha suma k'aphini alinacsa? Nayarojj janiw munasquituti uca loktasitanacamajja, ni yakha sacrificionacamasa.”

Ezequiel 24:17

T'akhesiñansti amuqui t'akhesim, janiraqui lutt'asimti cunjämatejj jiwatanacatjja lutt'asipjje uqhama. Jan k'ara p'eke sarnakamti, janiraqui k'ara cayusa saramti; ajanumsa jan ch'okantasimti mä cunatsa t'akhescasma uqhama, uca horasanacan mank'aña t'ant'sti janiraqui mank'amti.”

Ezequiel 24:22

Jumanacasti cuntejj nayajj lurcta uqhamaracwa lurapjjäta, janiw ajanunacamsa ch'okt'asipcätati uqhamat aykonañacama uñacht'ayañataqui, uqhamaraqui uca horasanacan cuna t'ant'atejj mank'atäqui ucsa janiw mank'apcaraquïtati.

Daniel (hebreo) 1:8

Ucampisa Danielajj chuymapanjja amtasiraquïnwa jan uca reyin mank'apampi ni vinopampisa k'añuchasiscaña, ucatsti reyin palaciopan sirvirinacapan jilïriparuwa mayiraquïna, jani uca mank'anacampi k'añuchasiñataqui.

Oseas 3:4

Walja maranacaraquiw israelitanacajj jan reyini, jan jilïri irpirini sarnakapjjanejja, jan sacrificionac loktasa, jan kollana kalanacani, jan sacerdotenacani, ni jupanacan uñt'at yakha diosanacas utjcaraquiniti.

Oseas 7:16

Yakha diosonacaruquiw yupaychir sarjjapjje; k'ewinucut arcor uñtatäpjjewa, flechapasti janiraquiw purquiti puriñapäqui ucqharojja. Jan wali arunac parlapjjatapatsti, jilïrinacapajj espadan jiwayatcamaw jiwarapjjani, Egiptonsti jupanacatjja larusipjjaraquiniwa.”

Oseas 8:13

Jupanacataquisti sacrificionac loktañaw asquejja, ucatsti loktapjjaraquiwa, uca loktat aychanacwa mank'apjjaraquejja; ucampis naya Tatitojj janiw ucanacampejj cusisitäcti: Nayajj amtascaquipunïw cuna jan walinactejj lurapqui ucanacjja, uca juchanacapatsti mutuyaraquïwa, Egipto marcar cuttayasa.

Joel 1:13

Jumanacasti sacerdotenaca, Diosan altarapan irnakerinaca, chhanqha isinacampi isthapisipjjam, llaquisiñatsa jachapjjaraquim, Diosan templopana jan trigosa, ni vinosa ofrenda churañataqui utjatap laycu.

Joel 1:9

uqhamaraquiw sacerdotenacajj jachapjje templonjja jan vinos ni trigos Tatitur loktañataqui utjatap laycu.

Joel 2:14

Inas amtasjjaracchini jumanacar jan mutuyaña, ucatsipana bendicionanac apayanipjjchïtam, trigo uqhamarac vino Tatit Diosar ofrendanaca churañataqui.

Levítico 17:11

Take jaquirinacasti cuna wilatejj jupanjja utjqui ucampiwa jacaraqui. Nayaw jumanacarojj altarajjan wila churapjjsma, uqhamat jumanacajj uca wila toke cutsuyatäpjjañamataqui, uca wilapï phokjjejja jumanacan jacañanïpjjañamataquejja.

Levítico 21:17

“Aaronarusti aqham saraquim: Acat ucsarusti, uqhamarac jichhajj acat kheparusa, wawanacamatjja cawquïrinacatejj cuna usutäpjjanisa, jan ucajj cuna jan walisa jupanacan janchipana utjani ucanacasti janipuniw t'ant'a lurata ofrendanacjja Diosaru loktapcaniti,

Levítico 21:21

Aaronan wawanacapatsti janipuniw cawquïritejj jan c'umaräpqui ucanacajj ofrendanac Diosaru loktapcaniti; jupanacajj janiw c'umaräpquiti, uca laycu janiraquiw Diosan ofrenda t'ant'apsa loktapcaspati.

Levítico 21:6

jan ucasti Tatitu Diosaparuwa catuyasipjjañapa, janiraquiw jupan sutipjja ñankhachapjjañapäquiti, jupanacaw take ofrendanacjja nact'ayasina uqhamarac pachpa Tatitun t'ant'apsa loktapjjejja uca laycu; uqhamasti jupanacajj Tatitutaqui yakhachatapuniw sarnakapjjañapa.

Levítico 21:8

Jupanacarusti yakhachatpuni utjayaraquim, jupanacajj Tatitun t'ant'apa loktirïpjjatap laycu. Jupanacasti jumataqui yakhachatäpjjaraquiniwa; naya Tatitusti kollanätwa, nayaraquiw jupanacarojj kollana tucuyaractjja.

Amós 5:22

Uywanacsa, uqhamaraqui granonacsa sacrificiot naqhantayasa loktasipcam nayatac sasa, granotsa ofrendanaca churasipquita, janiw ucanac muncti, janiw catokcäti liq'i vaca callunaca sumancthapiñ sacrificiot loktatanacamsa.

Malaquías 2:13

Uqhamarus jumanacajj janiw ucanacac lurapctati, jan ucasti jumanacan ofrendanacama Diosajj jan catokjjatap laycusti jachañanacamampi, warariñanacamampiw Diosan altarapjja phokhantayapjjtajja.

Números 19:11

“Cawquïritejj mä jiwat jaken janchipa llamct'cani ucajj pakallko urunacaw k'añuchata uñjasini.

Números 28:2

“Israelitanacarojj wayt'am jan armt'asisa nayar loktapjjañapataqui, t'ant'a, uqhamarac nact'ayat ofrendanaca suma amtasqui uca fiestanacana, mä suma k'apquir ofrenda nayataqui.

Números 4:7

Ucatsti loktaña mesa patjjarojj mä morado telampiw janjjatapjjaraquini, uca patjjaruw uchapjjaraquini platonaca, cucharonanaca, copanaca, jarranaca vino loktañataqui, uqhamaraqui sapür loktañ t'ant'anacsa.

Juan 6:51

Nayätwa alajjpachat sarakanir jacañ churir t'ant'ajja. Qhititejj aca t'ant'at mank'cani ucajja wiñayataquiw jacani. Naya churcä uca t'ant'ajja nayan janchejjawa; ucsti churäwa acapachajj jacañanïñapataqui —sasa.

Deuteronomio 26:14

Ucanacatsti janiraquiwa cunsa mank'caractti, cunapachatejj llaquisitäcta ni juchanacan jicjjatascta ucqhasa, ni jiwatanacarus churcaractti. Nayan Diosajja; take arunacamaruw jaysta, uqhamarac phokharacta.