Oseas 9:12 - Qullan Arunaca

¹² Wawanacapajj jilarcani ucasa, nayaw wawanacapjja jan mayani apakjjä. ¡Ay aca jakenacata, cunaquïcani nayatejj jupanacat jithektjjä ucapachajja!

Aymar Bibliia 1986

¹² Wawanacapajj jilarcani ucasa, nayaw wawanacapjja jan mayani apakjjä. ¡Ay aca jakenacata, cunaquïcani nayatejj jupanacat jithektjjä ucapachajja!

Qullan Arunaka DC

¹² Wawanakapar uywasipkchini ukasa, uka wawanakap jan mayan aparäxa. ¡Jupanakar apanukkä ukapachaxa, kunakïkani aka jaqinakatxa!

Oseas 9:12 Jak'a apnaqawi uñst'ayäwi

2 Reyes 17:18

Ucatwa Tatitojj colerasïna Israel marcataquejja, ucatsti jupan nayrakatapatjja jakonucünwa, Judá tribu sapacwa jilt'ayäna.

2 Reyes 17:23

Tucuyarusti Tatitojja jupan nayrakatapatjja apakänwa Israel marcaru, cunjämatï Tatitojj yatiycäna sirviri take profetanacap toke, ucatsti Israel marcajj Asiria marcaruwa preso apayatäna, ucanracwa jichhürcama jicjjatasisqui.

Job 27:14

Wawanacapajj waljanïcchinisa, guerranwa jiwarjjapjjani, jan ucajj mank'atjamasa.

Jeremías 15:7

Jakenacamarusti t'unjama willitataractjja, aca orakenquir marcanacat apsusajja. Marcajjarusti jan wawanacani antutaractjja, t'unjaractwa jan uca ñankha jacañap apanucuñ munatap laycu.

Jeremías 6:8

Jichhajj Jerusalén yatekamaya, jan ucasti nayajj jumatjja mayjt'ataw sarjjä, mä wasararuw tucuyäma, jan jakeni antutaraquïma.”

Lamentaciones 2:20

Tatay, nanacar uñtanipjjeta, amuyt'araquim, janipuniw qhitirusa nanacarjamajj lurjctati. ¿Taycanacansti waquisipunpachati ñuñusquiri wawanacaparu mank'antasiñapasti? ¿Sacerdotenacansa, profetanacansa kollan utaman jiwarayatäñapapuniti waquispacha?

Lamentaciones 2:22

Jan walt'añanacsti ucsata acsatwa apayaniractajja, mä fiestarusa jutapcaspa uqhamaw purintanipjjaraquejja; Tatay, juman colerasiñama urunsti, janiw qhitis khespcaraquiti. Cawquïrinacarutejj nayajj uywcta, yatichcaracta, ucanacarusti uñisirinacaw jiwayawayjjaraqui.

Oseas 7:13

“¡Cunaquïcan jupanacatjja nayar apanucupjjatap laycojja! K'ala tucjatäpjjaniwa, naya contra sayt'asipjjatanacap laycu. Nayajj jupanacarojj khespiyañ munta, ucampis jupanacajj naya contraw c'arisipjje.

Oseas 9:13

Uñjatajja Efrainajj wawanacaparojj uywiwa, jiwarayirinacan jiwayañäcaspas uqhama; jiwarayatäñataquiwa wawanacapjja ansunejja.”

Oseas 9:16

Efrainajj chhojjriñchjatawa; saphi wañsuta jan achur kokar uñtatawa. Wawanacanïcchinisa, nayaw uca wawanacaparojj jiwarayäjja.”

Malaquías 2:12

¡Walïspawa, Diosajj uqham k'añu sarnaker jakenacaru aca marcat jakonucuñapajja, cawquïrïscpasa, qhitïscpasa, take ch'amani Diosaru ofrendanac loktirïscpasa!

Números 14:34

Jumanacasti pusi tunca urunacaw orakenac uñjasajj sarnakanipjjtajja, uqhamaraquiw jichhajj pusi tunca maranaca mutuñanacamjja phokhapjjäta, mä mara sapa uruta, uqhamatwa yatipjjaraquïta cunjämas naya contra sayt'asiñajj ucsa.’

Números 26:65

Tatituw jupanacarojj satayna, wasarana jiwarapjjäta sasinjja. Ucampisa Caleb sat Jefone chachan yokapa, uqhamarac Josué sat Nun chachan yokapa ucanacaquiw kheparapjjäna, janiw maynisa jupanacatjja kheparcänti.

Deuteronomio 28:18

Maldicitaraquïniwa wawanacamasa, cosechanacamasa, vacaman kallunacapasa, ovejamana kallupasa, take uywanacamana kallunacapasa.

Deuteronomio 28:32

Nayraman uñjcataw yokall wawamasa, imill wawamasa yakha marcanquir jakenacar catuyatäni, ucatsti jumajj sapa cutiw uñjasiñ munäta, ucampis janiw cuna lurañsa puedcätati.

Deuteronomio 31:17

Ucampisa nayan colerasiñajjaw jupanac contra sartani, jupanacarus apanucuraquïwa; janiraquiw jupanacatjja cunansa amtascäti. Waliraquiw jan walt'añanacasa, llaquinacasa jupanacjjaru jutani, ucatsti sapjjaniwa: ‘¿Jiwasan Tatitu Diosasasti janiti jiwasanacampïcjje, ucatti aca t'akhesiñanacan jicjjatastanjja?’ sasa.

Deuteronomio 32:25

Thaquinacansa, wawanacapajj espadampi jiwarayatäpjjaniwa, uta mankhepansa ajjsarañaquiw utjani; yokall wawasa, imill wawasa jiwarapjjaniwa.

Jueces 4:16

Ucañcamasti Barac sat chachajj arctascaquïnwa carronacaru, soldadonacaru Haroset-goim sat chekacama. Uca urusti Sisaran ejercitopatjja soldadonacajj janiw maynis jilt'cänti jan ucasti takeniw jiwarapjjäna.

1 Samuel 16:14

Ucañcamasti Tatitun ajayupajj janiw Saúl reyimpïcjjänti, Tatitun qhitanita mä ñankha ajayuw juparojj t'akhesiyäna.