Oseas 8:14 - Qullan Arunaca

¹⁴ Israel marcajj palacionacwa utachasi, ucampis jupanacar irnokeritjja armasipjjewa. Judá marcajj walja jach'a marcanacwa perkanacampi suma muyuntayasa sayt'ayapjje, ucampis nayajj ucanacjja ninampiw naqhantayä, palacionacapsa k'al naqhantaraquini.”

Aymar Bibliia 1986

¹⁴ Israel marcajj palacionacwa utachasi, ucampis jupanacar irnokeritjja armasipjjewa. Judá marcajj walja jach'a marcanacwa perkanacampi suma muyuntayasa sayt'ayapjje, ucampis nayajj ucanacjja ninampiw naqhantayä, palacionacapsa k'al naqhantaraquini.”

Qullan Arunaka DC

¹⁴ Israelita jaqinakasti reyin jach'a utanakap utachapxi, ukampis jupanakar irnuqirit armasipxiwa. Judá markax walja jach'a markanakwa pirqanakampi muyuntayas sum sayt'ayi, ukampis nayax ukanak ninampiw nakhantayä, reyin jach'a utanakapas q'alaw nakhantani.”

Oseas 8:14 Jak'a apnaqawi uñst'ayäwi

1 Reyes 12:31

Ucjjarusti lurayaraquïnwa santuario utanaca yakha diosanacataqui, ucatjja jakenac taypitacwa sacerdotenaca utt'ayäna, janiw jupanacajj levitanacäpcänti.

1 Reyes 16:31

jupajj mäquiw Nabat chachan Jeroboam yokapan pachpa juchanacapjja luräna. Jupasti casarasïnwa Sidón chekanquir Et-baal reyin Jezabel sat phuchapampi, ucatsti Baal sat diosaruw alt'asïna yupaycharaquïna.

2 Reyes 18:13

Cunapachatï Ezequías reyejj tunca pusini maranaca apnakascäna ucqhawa Asirianquiri Senaquerib reyejj nuwantäna, Judá marcanquir nuwasiñatac take lurat marcanacaparu, uqhamarac catuntasiraquïna.

2 Crónicas 26:10

Ucjjarusti wasaranjja torrenacwa lurayäna, walja uywanacapa jupan utjatap laycusti walja uma phujunacwa jist'arayäna, pamparusa, uqhamarac kollurusa. Jupansti irnakeri jakenacapawa utjäna pampansa, uva yapunacansa. Ucanacasti jupanjja utjänwa kolluna, uqhamarac frutanac achuri alinacasa, jupajj yapu lurañaru munirïtap laycu.

2 Crónicas 27:4

Ucjjarusti marcanacwa lurayaraquïna Judá oraken kollunacaru, uqhamarac nuwasiñataqui perkanaca, torrenaca lurayäna uca orakenacana.

Salmos 106:21

Khespiyir Diosapat armasipjjäna; muspharcañanac Egipton lurquipansa,

Salmos 95:6

Jutapjjam, orakcam konkort'asipjjañäni; Tatitun nayrakatapar quillt'asipjjañäni, jupaw jiwasanacarojj irnokestu.

Isaías 17:10

qhititejj khespiyctam uca Diosar armatam laycu, janiraquiw amtasctati jupajj juman arjjatirimätamjja. Jumajj uqham suma pankar yapunacwa uscustajja, mä jan uñt'ata diosataquiraquiw pankaranacsa ayrustajja,

Isaías 29:23

cunapachatejj wawanacapajj nayan luratanacajj uñjapjjani ucapachajj nayan kollan Diosätajjwa yatipjjani, ajjsarapjjaraquitaniwa Israelan kollan Diosaparojja.

Isaías 42:13

Tatitusti mä atipjirjamaw mistuni, take ch'amampiraquiw nuwasiraquini mä nuwasir jakjama; art'asiniwa, ucatsti nuwasipjjam saraquiniwa, uñisirinacaparusti atipjaraquiniwa.

Isaías 42:25

Ucatpï jupanacataquejj colerasïnjja, mutuyaraquïnsa mä jach'a guerrampi naqhantayasa, uqhamas janiw jupanacajj yatekañ munapcänti.

Isaías 43:21

Cawquïr marctejj nayajj uywasta nayan sutejja yupaychañapataqui.

Isaías 9:10

“Ladrillonacajj liwisjjewa, ucampis kalampiw jichhajj perkt'jjañäni. Sicómoro sat viganacsa qhuchhurapjjewa, ucampis jichhajj cedro sat suma ch'ollkhe lawatwa uscuñäni” sasa.

Isaías 9:9

take Efraín marcpacha, kawkhatejj Samarian jacqui ucjpachaniw ucjja amuyapjje. Jupanacasti wali jach'a jach'achasiñampiraquiw sapjje:

Jeremías 17:27

Ucampisa, jumanacatejj nayan arunacajja jan ist'apquitäta, nayan samarañ urojja jan nayar loktasa, uqhamaraqui uca urojj carganacamsa Jerusalén marcan puncunacap cheka apantapcäta ucapachajj nayajj nina uscü Jerusalén puncunacarojja, uca ninasti Jerusalenanquir palacionacjja k'alwa naqhantani, janiraquiw qhitis jiwaraycaspati.’ ”

Jeremías 2:32

¿Mä warmejj armasispati cunanacampitejj c'achachatäcän casarasïwipanjja, ucanacjja? Ucampisa marcajjajj nayraw nayatjja armasjjetu.

Jeremías 23:27

Cuna samcanactejj jupanacajj maynit mayniru parlaquipasipjje ucanacampejj marcajjarojj nayatwa armasiyañ munapjje, cunjämatejj nayra awquinacapajj nayat armasisin Baal diosan khepapa sarjjapjjänjja uqhama.

Jeremías 3:21

“Arunacaw wasara kollu tokenacan ist'asi: ¡ucanacasti Israelitanacan jachatanacapawa, uqhamaraqui qhuyapayasiña mayitanacapawa! Jupanacajj cheka thaquitjja saranucuwayapjjewa, naya Dios Tatitupatsti armasipjjaraquiwa.

Jeremías 5:17

Jupanacasti yapunacamwa catuntasipjjani, t'ant'amsa mank'antapjjaraquini, imill wawanacamsa, yokall wawanacamsa mank'antapjjaraquiniwa, ovejanacamsa, vaca kallunacamsa mank'antapjjaniwa, uqhamaraqui uva yapunacamsa, higo yapunacamsa. Jumajj alcatascta uca jach'a perkani marcanacamsa armanacapampiw t'unjapjjani.”

Ezequiel 23:35

Ucatpï Tatitojj saraquejja: “Jichhajj nayar apanucutam laycu, khipa uñtatam laycuwa, jan wali sarnakäwinacamatjja mutuyäwi catokäta.”

Oseas 13:6

“Ucampisa cunapachatejj jumanacan mank'añanacamajj jilarjjän ucqhajja, chuymanacamanjja wal jach'achasipjjäyätajja, nayatsti armasjjapjjaraquïyätawa.

Oseas 2:13

Juparusti mutuyaraquïwa, yákha diosanacar incienso loktatapatjja, cunapachatï anillonacampi, collaranacampi munirinacapar arcañataqui c'achachascänjja nayar armanucusina. Take ucanacatjja mutuyäwa. Naya, Tatituw ucjja arsta.

Oseas 4:6

Marcajjasti janiw amuyanïcjjeti, ucatwa t'unjata uñjasiraqui. Jumasti sacerdote, yatiñamsa apanuctawa, ucatracwa jichhajj jumarojj nayar loktañanacatsa apanucuracsmajja, niyaquejjay jumajj Diosan yatichäwinacapsa armanucstajja, nayajj wawanacamatsa armasiraquïwa.

Amós 1:10

Ucatwa ninampi phichcatäjja Tiro marcan uyunacapjja, uca ninasti k'al naqhantaraquini palacionacapsa” sasa.

Amós 1:12

Ucatwa Temán marcarojj ninampi phichcatäjja, uca ninasti Bosra marcan palacionacapsa naqhantaraquiniwa” sasa.

Amós 1:14

Ucatwa ninampi phichcatäjja Rabá marcan uyunacapjja, uca ninasti k'alwa palacionacapsa, guerran arnakasitanacapampi naqhantani mä thaya uruna.

Amós 1:4

Ucatwa ninampi phichcatäjja Hazael reyin utaparojja, uca ninasti k'al naqhantaraquini Ben-Hadadan palaciopsa.

Amós 2:5

Ucatwa Judá marcarojj ninampi phichcatäjja, uca ninasti Jerusalén marcan palacionacapsa k'alwa naqhantanejja” sasa.

Efesios 2:10

Diosaw jiwasanacar luristu, Cristo Jesusampi asqui luräwinac lurañasataqui, jupan nayratpach waquicht'ataparjama.

Deuteronomio 32:18

“Israel marca, arjjatiri awquimatjja armastawa; armasiractaw jacañ churiri Diosamatsa.