Oseas 7:13 - Qullan Arunaca

¹³ “¡Cunaquïcan jupanacatjja nayar apanucupjjatap laycojja! K'ala tucjatäpjjaniwa, naya contra sayt'asipjjatanacap laycu. Nayajj jupanacarojj khespiyañ munta, ucampis jupanacajj naya contraw c'arisipjje.

Aymar Bibliia 1986

¹³ “¡Cunaquïcan jupanacatjja nayar apanucupjjatap laycojja! K'ala tucjatäpjjaniwa, naya contra sayt'asipjjatanacap laycu. Nayajj jupanacarojj khespiyañ munta, ucampis jupanacajj naya contraw c'arisipjje.

Qullan Arunaka DC

¹³ “¡Kunakïkan nayar apanukupxatapatxa! Nayar saykatatapatxa, q'ala tukjatäpxaniwa. Nayax jupanakar qhispiyañ munta, ukampis jupanakax k'arintapxituwa.

Oseas 7:13 Jak'a apnaqawi uñst'ayäwi

Nehemías 1:10

“Nanacawa juman uywatanacamäpjjta, uqhamarac marcamasa, qhitinacarutejj jach'a ch'amamampi, jach'a luräwinacampi khespiyapjjestajja.

Job 22:17

Diosarusti sapjjaraquïnwa: ‘Jan arjjayapjjestati, ¿cunraqui take ch'amani Diosasti jiwasatac luraspa?’ sasa.

Salmos 106:10

Uqham lurasaw uñisirin amparapat khespiyäna, timasirin amparapat antutnucuyäna.

Isaías 30:1

Tatitusti saraquiwa: “¡Ay, cunaquïcan khoru wawjama sarnakapqui ucanacataquejja, jan nayar jisct'asisa cuns amtapjje, jan nayan amuyt'ayat amtäwinac waquichapjjaraqui, uqhamat juchat juchjjaru montonapjje!

Isaías 30:2

Mäquiw Egiptor jalawayapjje jan nayar jisct'asisa, faraonampi arjjatatäñ munapjjaraqui, Egipton ch'iwiparuw samart'añjja thakapjjaraqui.

Isaías 31:1

¡Ay, cunaquïcan qhitinacatejj Egiptor yanap mayir sarapqui ucanacataquejja, uqhamaraqui caballonacaru alcatasipqui, uca walja carronacaparu, walja caballeriaparusa, ucatsti janiraqui Israelan kollan Diosaparu uñtapquiti, Tatiturus thakapquiti ucanacataquejja!

Isaías 41:14

Tatitusti saraquiwa: “Israel, Jacobon marcapa, jisc'äscamsa, pisi ch'amäscaraquimsa, jan ajjsaramti, nayaw yanapascäma. Naya, Israelan Kollan Diosapa, nayaw khespiyirimätjja.

Isaías 43:1

Ucampis jichhajj Israel, Jacobon marcapa, jumar uywiri Tatitojj sistamwa: “Jan ajjsaramti, nayaw khespiysma, nayaw sutimat jawssma, jumajj nayanctawa.

Isaías 59:13

Tatitutaquiw sayt'astanjja, chuymanacasansti janiraquiw jupatacjamäctanti, Diosasarusti janiraquiw arcañ muncayätanti, jaker nuwañampita jan wali lurañampitacpunwa parlascayätanjja, mayninacar sallkjañataquiquiw take cunsa amtascäyätanjja.

Isaías 63:8

Jupajj siwa: “Jupanacajj nayan marcajjawa, janiw aca wawanacajjajj ch'ojjña lurapquitaniti” sasa.

Jeremías 14:10

Tatitojj aqham siw Israel marcatjja: “Aca marcarojj maysat maysaru sarnakañapuniw munasi. Ucatwa nayajj juparojj jan take chuyma uñtctti. Jichhajj juchanacapat amtasï, uca juchanacapatsti jacthapita wayt'araquï.”

Jeremías 42:20

Jumanacajj mä jach'a pantjasïwi lurapjjtajja. Jumanacpachaw mayipjjesta nayan Tatituru jisct'añajjataqui, sapjjaraquïyästawa: ‘Tatitu Diosasat mayim nanacataqui, ucatsti yatiyapjjaraquita cuntejj jupajj siscani uca, nanacan arsutaparu phokhapjjañanacajjataqui’ sasa.

Jeremías 51:9

Babiloniarojj kollanacampi kolljjatatänwa, ucampisa janiw kollasquiti. ¡Pachparu apanucupjjam! Acat sarjjaraquiñäni, sapa maynis marcaparcama, Babilonian jach'a juchanacapasti alajjpachcamaw purjjaraqui, kenayanaccamaw maqhataraqui.

Jeremías 7:15

Jumanacarusti, naya nayrakatatjja jayaruw jakonucupjjäma, cunjämatejj jilanacamaru lurctjja uqhama, Efrainan wawanacaparu.’

Lamentaciones 5:16

P'ekenacasatsti pillus mä p'enkaw jalaktjjaraquistu; ¡cunaquïcani jiwasa juchararanacatjja!

Ezequiel 16:23

“Acsti naya Tatituw arsta: ¡Ay, cunaquïcan jumataquejja! Take uqham jan walinac lurasinsti,

Ezequiel 18:2

“¿Cunats Israel marcana parlasi aqham säwejja: ‘Awquinacaw c'allc'u uvanac mank'antapjjatayna, ucat jichhajj wawanacajj laca c'amancamaqui’ sasajja?

Ezequiel 18:25

Jumanacajj sapjjätawa: ‘Tatitojj janiw chekaparu uñjquiti’ sasa, ucampisa ist'am Israel marca: ¿Jumanacasti amuyapjjtati nayan jan chekaparu uñjascatajja? ¿Janit jumanacaqui jan chekaparu cunanacsa lurapcta?

Ezequiel 34:6

Take kollu tokenacaru jach'a kollunac tokeruw aywitatawayjjapjje, take acapacha tokenacaruw aywitatawayjjapjje, ucatsti janiraquiw qhiti jupanacat llaquiris utjcänti, ni qhitis jupanacaru thakerejj sarcaraquïnti.

Oseas 11:12

“Efrainajj c'arimpiw muyuntitu; Israel marcasti sallkjañampiraqui. Judästi Diosatjja jithekjjaraquiwa, jichhasti yakha diosanacaruw take chuyma arcaraqui.”

Oseas 11:2

Ucampis cunapachatejj nayajj juc'ampi jupar jawsayät ucqhajja, juc'ampiraquiw jupajj nayatjja jayarst'awayi. Marcajjasti c'ari diosanacaruquiw sacrificionac loktasïnjja, yakha diosanacaruquiraquiw incienso nact'ayasïnjja.

Oseas 5:7

Tatitutaquejj janiw take chuymäpcänti, ucatpï wawanacapas yakha awquinïpjjaraquejja. Uqham yakhampïpjjatap laycusti, mä phajjsinacwa orakenacapajj k'ala tucjatäni.

Oseas 7:1

cunapachatejj marcajjar kolljjañ munta, Efrainampiru, Samariampiru ucqhajja, juchapampi jan wali luratanacapampiquiw uñsti. Takenis c'aricamaquiwa; lunthatanacjamaw, utanacarus mantasipcaqui, callenacansa jakenacatjja lluch'susipcaquiwa.

Oseas 7:3

“Marcajjajj ñankha luräwinacapampi, c'arisiñanacapampejj reyirus, jilïrinacaparus cusisiyiwa.

Oseas 9:12

Wawanacapajj jilarcani ucasa, nayaw wawanacapjja jan mayani apakjjä. ¡Ay aca jakenacata, cunaquïcani nayatejj jupanacat jithektjjä ucapachajja!

Oseas 9:17

Aca marcajj janiw Diosarojj ist'añ munquiti; ucatracwa Diosajjajj jupanacarojj apanucuni, ucatsti marcat marca muyupjjaraquini.

Jonás 1:10

Barco apnakerinacasti walipuniw sustjasipjjäna, ucatsti jisct'apjjänwa: —¿Cunats uqham lurta? —sasa. Jonasasti jupanacarojj arsjjänwa. Diosan nayrakatapat jaltanitapa.

Jonás 1:3

Jonás chachajj Tatitur ist'añ lantjja, nayrakatapat jayaru jaltañaruw uchasi, Jope puertoruw sari, ucansti mä barco jicjjati Tarsis toker mistusquiri; pasaje alasisinsti ucsar sarañataquiw sarjjatawayi.

Miqueas 6:12

Aca marcanquir kamiri jakenacajj takenis jaker t'akhesiyircamaquiwa; c'arinaca, sallkjirinaccamaquïpjjewa takenisa.

Miqueas 6:4

Nayaw jumarojj Egipto marcat apsunsma, t'akhesiñat khespiyanisa; nayawa Moisés, Aarón, uqhamarac María jupanacaru qhitanta, jumar irpañapataqui.

Mateo 23:37

“¡Jerusalén, Jerusalén, jumawa profetanacarojj jiwaytajja, Diosan qhitanitanacaparusti kalampiraquiw c'upjaractajja! ¡Nayasti kawkha cutiraquiw jumanacarojj tantacht'añ munapjjäyäsmajja cunjämtï mä wallpajj jisc'a chhiwchhinacaparojj jawsthapqui uqhama, ucampis janiw munapctati!

Deuteronomio 15:15

Janirac Egipto marcan esclavo sarnakatamjja armasimti, ucatsti Tatitu Diosamaw khespiyaniractam. Ucatwa jichhajj jumaru aca ewjjanaca chursma.

1 Juan 1:10

Ucampis jiwasatejj: “Janiw cuna juchs lurcti” sisna ucajja, Diosaruw c'arir tucuytan, chekpachansa janiw arup catokctanti.

Apocalipsis 8:13

Ucat uñtasinsti mä angelaruw uñjta chica alajjpachan jalnakasquiri, wali jach'at aqham sas art'asisa: “¡Ay! ¡Cunaquïcani aca oraken jaquir jakenacatjja, cunapachatï yakha quimsa angelanacajj trompetanacapa phust'asipcani ucapachajja!”