Oseas 7:11 - Qullan Arunaca

¹¹ Efrainajj ipi palomjamawa, jan amuyuni. Egiptoruw yanapjja mayi, ucatsti Asiriaruquiw sararaqui.

Aymar Bibliia 1986

¹¹ Efrainajj ipi palomjamawa, jan amuyuni. Egiptoruw yanapjja mayi, ucatsti Asiriaruquiw sararaqui.

Qullan Arunaka DC

¹¹ Israelax jan amuyuni ipirat palomjamaw jikxatasi. Egipto markaruw yanap mayi, Asiria markaruw yanap mayirix sari.

Oseas 7:11 Jak'a apnaqawi uñst'ayäwi

2 Reyes 15:19

Ucatsti Asiria marcana Pul sat reyipawa Israel oraker catuntir jutäna. Ucatsti Manahem reyejj juparojj quimsa tunca quimsani waranka kilo kollkenaca churäna jupan apnakäwiparu ch'amañchasin yanapt'añapataqui.

2 Reyes 16:7

Ucatsti Acaz reyejj yatiyirinacwa qhitäna Asirianquir Tiglat-pileser sat reyiru, aqham sasa: “Aca sirvirimajj, juman wawamjamawa. Ucatsti jutamaya khespiyiri Sirianquir reyipata, uqhamarac Israelanquir reyipatsa, jupanacajj nayarojj nuwiriw jutasipquitu” sasa.

Proverbios 15:32

Yatichäwiru jisc'achirejj jupa pachpawa jan wal lurasisqui; chekachäwiru ist'iristi, amuyt'asiñwa jicjjati.

Proverbios 17:16

Jan amuyt'ata laycusti inamayaquiw jan amuyt'an jakejj yatiñ cancaña kollkempis alasiñ munascaspa.

Proverbios 6:32

¡Jake masipan warmipampi sarnakerejja, jan amuyt'asiriwa! ¡Qhititejj uqham jan wal lurqui ucajja, jupa pachpawa tucjasisqui!

Jeremías 2:18

Jichhasti, Egiptor sarasasti ¿cunraqui jicjjatta? Nilo jawiran umanacapat umt'asasti ¿cunsa jicjjatta? ¿Asiria oraker sarasasti, ucat Eufrates jawirat umt'asasti cunrac jicjjatta?

Jeremías 2:36

¿Cunatraqui janc'aqui cawquïrinacampitejj arust'ascta ucanacsti trocañ munta? Egiptos apanucuraquiquïtamwa, cunjämatejj Asiriajj apanucctam uqhama.

Oseas 11:11

“Egiptotsti jamach'inacjamaw qhathatisisa jutjjapjjani; Asiriatsti palomanacjamaraquiw jutjjapjjani; ucatsti wasitatwa utanacapanjja utjasiyjjä. Ucsti, naya Tatituw arsta.

Oseas 12:1

“Efrainajj thaya pitaquiw sarnake; sapürusa inti jalsu toket jutiri thayaruquiw arcasqui. C'arisiñanacapampi, nuwasiñanacapampisti waliw jiljjattaraqui, Asiriampisti arust'asiraquiwa, Egiptorusti aceitenacrac apayi.”

Oseas 12:2

Tatitojj Israelampejj ch'ajjwaniwa. Jacobon marcaparusti sarnakäwipatjamawa mutuyani; luräwinacapatjamracwa pago catokapjjani.

Oseas 14:3

Asiriajj janiw khespiyapquitaspati, janiraquiw caballotsa jaltapquiristti. Janiraquiw jichhajj: ‘Nanacan Diosajja’ sapcäti, cuntejj nanacajj lurasipcta ucanacarojja, juma sapanacwa Tata, wajchajj qhuyapayasiñjja jicjjati uca laycu.”

Oseas 4:11

“Wachoka juchanacan sarnakañampi, vino machañanacampejja, jakerojj jan amuyun tucuyi.

Oseas 4:6

Marcajjasti janiw amuyanïcjjeti, ucatwa t'unjata uñjasiraqui. Jumasti sacerdote, yatiñamsa apanuctawa, ucatracwa jichhajj jumarojj nayar loktañanacatsa apanucuracsmajja, niyaquejjay jumajj Diosan yatichäwinacapsa armanucstajja, nayajj wawanacamatsa armasiraquïwa.

Oseas 5:13

“Cunapachatejj Efrainajj usutätap amuyasjjani ucqhajja, uqhamarac Judästi chhojjrinacapa uñjjatasjjaraquini ucqhajja, Efrainajj Asiriaruw sarani ucanquir jach'a reyit yanapa mayiñataqui, ucampis jupajj janiw c'umaraptayancaniti, janiraquiw chhojjrinacapsa kolljjatancaniti.

Oseas 5:4

Jakenacan jan wali luratanacapaw Diosaparojj jan cuttayanquiti. Wachoka juchampi atipjatäsinwa, Tatiturojj jan uñt'cjjeti.

Oseas 8:13

Jupanacataquisti sacrificionac loktañaw asquejja, ucatsti loktapjjaraquiwa, uca loktat aychanacwa mank'apjjaraquejja; ucampis naya Tatitojj janiw ucanacampejj cusisitäcti: Nayajj amtascaquipunïw cuna jan walinactejj lurapqui ucanacjja, uca juchanacapatsti mutuyaraquïwa, Egipto marcar cuttayasa.

Oseas 9:3

Efrainasti Egiptoruraquiw cuttjjani, Asiria marcansti k'añu mank'anacwa mank'araquini. Janiw jichhajj juc'ampi Tatitun marcapan jacjjapjjaniti:

Oseas 9:6

Jupanacajj t'unjatäñatjja jaltjjapjjewa: Egiptow jupanacarojj catokjjaraquini, ucatsti Menfis chekaru imantatäjjapjjaraquiniwa. Kollket lurat yänacapasti athapillumpi phokhantatäniwa, carpanacapansti ch'aphinacaw jilantaraquini.

Abdías 1:7

Take jumampi arust'asir marcanacasti sallkjapjjtamwa; pachpa orakematsa jayaruw apanucupjjaractamjja. Pachpa amigonacamas juma contraquiraquiw sayt'asjjapjje, cawquïri amigonacamarutejj wal confiascäyäta ucanacas sipita waquicharapiractamjja. ¡Edomasti jan amuyt'asiriwa!”

Mateo 10:16

“¡Amuyasipjjam! Nayasti jumanacarojj ovejanacjamwa kamakenac taypiru qhitapjjsma. Catarinacjam ch'iqhïpjjam, palomanacjam llamp'u chuymaniraqui.