Oseas 6:8 - Qullan Arunaca

⁸ Galaad marcajj ñankha lurir jakenacan marcapawa, marcpacha wilararcamaquiraquiwa.

Aymar Bibliia 1986

⁸ Galaad marcajj ñankha lurir jakenacan marcapawa, marcpacha wilararcamaquiraquiwa.

Qullan Arunaka DC

⁸ Galaad markax ñanqha lurir jaqinakan markapawa, jaqinakapax jaqi jiwayirinakäpxiwa.

Oseas 6:8 Jak'a apnaqawi uñst'ayäwi

2 Samuel 20:8

Cunapachatejj Gabaón jac'anquiri jach'a karka jac'ancapcän, ucqharuw Amasa jakejj jupanacaru jicjjatäna. Joab jakesti guerra isipampi ist'atänwa, mä cinturonampi wac'antata, cinturaparusti mä espada warct'ataraqui, uca espadasti imañapatjja jasaqui apsuñaquïnwa aynach tokeru jiyt'asa.

2 Samuel 3:27

Cunapachatejj Abnerajj Hebronar purinïna ucqhasti, Joab jakejj marcat mistuña puncut qhursa tokeruw irpäna, jupa sapampiqui parlañataqui, ucanwa puracat chhokhontasin jiwayäna, Asael jilaparu jiwayatapat phoksusisa.

1 Reyes 2:5

“Jumajja yattawa cuntï Sarvia jaken Joab yokapajja lurquitäna ucjja, cunjämtï lurcäna Israelana ejercitopana pani generalanacapampi: Ner jaken Abner yokapampi, uqhamarac Jeter jaken Amasa yokapampisa, jupanacarusti sumancañ horasanwa jiwayäna, guerran jiwayatanacat cutsuyasiñataqui, uca jiwayatanacata nayar jucha jakosina.

Salmos 10:8

Jamas chekanacar kont'asaw suyanti, jamasat jan juchan jakerojj jiwayi. Jan arjjatirin jakerojj jan phisayaw uñch'uqui:

Salmos 141:4

Ñankha lup'iñ amuy apakt'ita, ñankha lurañanac jan lurayistati; janirac ñankha lurir jakenacamp chicajj jach'a mank'äwincayistati.

Salmos 59:2

Ñankha lurir jakenacat khespiyita, jake jiwayirinacat jarc'aketa,

Isaías 59:6

Uca simpanacampisti janiw cuna isis lurascaspati, janiraquiw qhitis jupanacan sawutanacapampejj ist'ascaspati. Take luratanacapasti ñankhacamaquiwa, amparanacapasti jakeru nuwañacwa munasipcaraqui,

Jeremías 11:19

Nayajj mä qhariñ ovejar uñtata sumaquïscäyätwa, janiraquiw naya toke amtapjjatanacapsa yatcäyätti. Sapjjaraquïnwa: “Jichhajj aca koka tincuyañäni, cunapachatejj wali suma ch'ojjñasqui ucapacha; aca jaquir jakenacan orakepatjja jiq'inucuñäni uqhamat jan qhitis mayampi amtasjjañapataqui.”

Oseas 12:11

Galaad chekanjja yakha diosanacaquiw utji, ucampis c'ari diosanacaquïpjjewa. Gilgal chekansti toro vacanacraqui sacrificiot loktapjje; altaranacapasti kala montonaquiraquiwa yapunac taypina.”

Oseas 12:12

Jacobosti Aram tokenacaruw jaltjjäna, ucansti warmi jicjjatañataquejj ovej awatïna.

Oseas 4:2

C'ari juramentompi, c'arisiñampiquiw utjasqui, jake jiwayañampi, lunthatasiñampi, wachoka jucha lurañampi, nuwasiñampi; jakenac puraw jiwarayasisipcaraqui.

Oseas 5:1

“Sacerdotenaca, ist'apjjam aca arunaca; Israel marca, ist'apjjam jumanacasa; jumanaca, reyin utapan utjirinacasa ist'apjjaraquim: Taripäwisti jumanac conträniwa, jumanacajj Mizpanjja mä sipitjama uchatäpjjäyätawa ucata, uqhamarac Tabo kollu patansti mä känaru uñtata jant'acutäpjjaraquïyätawa,

Miqueas 7:2

Aca orakensti janiraquiw mayni jakes utjcjjeti cheka sarirejja ni Diosatacjamasa; takenis nuwasiñampi lurañ horasacwa suyt'asipqui; maynit maynicamaraquiw aynacht'ayasisipqui.

Hechos 25:3

Jupanacasti mä jach'a yanapt'wa mayipjje Festo marca apnakerirojja, Pablor Jerusalenar irpayaniñapataqui. Ucampis jupanacajj Pablor thac jutquïpana jiwayañwa amtapjjäna.

Josué 21:38

Ucatsti Gad tributjja Galaad orakenquir Ramot sat marca churapjjäna, jake jiwayir jaken imantasiñapataqui, uqhamaraqui Mahanaim marca.