Oseas 6:6 - Qullan Arunaca

⁶ Jumanacajj nayar munapjjetasma ucwa muntjja, janiw jumanacan sacrificio loktatanacamjja muncti; nayarojj Diosarjam uñjapjjetasma ucwa muntjja, janiw jumanacan altarjjaru loktatanacamjja muncti.

Aymar Bibliia 1986

⁶ Jumanacajj nayar munapjjetasma ucwa muntjja, janiw jumanacan sacrificio loktatanacamjja muncti; nayarojj Diosarjam uñjapjjetasma ucwa muntjja, janiw jumanacan altarjjaru loktatanacamjja muncti.

Qullan Arunaka DC

⁶ Jumanakax nayar munapxitasma uk munta, janiw jumanakan wilañchanakam munkti; nayarux Diosarjam uñjapxitasma uk munta, janiw jumanakan nakt'at luqtäwinakam munkti.

Oseas 6:6 Jak'a apnaqawi uñst'ayäwi

1 Crónicas 28:9

Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.

Salmos 50:8

Janiw loktanacamar jisc'achcti, janiraquiw wilañchanacamataquis k'apiscti.

Proverbios 21:3

Sacrificionaca loktañata sipansa, juc'amp asquiwa Tatitutaquejj cheka cancañana sarnakañamajja.

Eclesiastés 5:1

Cunapachatï Diosan temploparu saräta ucqhajja, sarnakañanjja sum amuyasim, juc'amp jac'achasim ist'añataqui, pisi amuyt'an jakenacjama mäqui jan arscamti sacrificio churañataqui, jupanacasti janiw amuyasipquiti jan wali luratanacapsa.

Isaías 1:11

Tatitojj siwa: “¿Cunataquis ucatak wilañchanac loktapjjesta? Karitäjjtwa jumanacan wilañchat orko ovejanac loktapjjatanacamampejja, uqhamaraqui liq'i vaca kallu loktatanacamampisa; orko vacanacana, ovejanacana, cabritonacana wilanacapajj ajjtasiyjjetuwa.

Isaías 58:6

Chekpachansa janiw ucajj uqhamäquiti, cawquïri ayunotejj cusisiyquitu ucajj acawa: Cunatejj jan chekapäqui uca ñach'jjäsir cadenanac t'akjjaña, yugor ñach'jjäsquis uca chinunaca jararaña, t'akhesiyatanacarusti jan juc'ampi t'akhesiyjjaña, uqhamarusa take cunatejj jan walïqui ucanac tucjaña;

Jeremías 22:16

T'akhesiyatanacarusa, pobrenacarusa arjjataraquïnwa, jupanacarus chekaparuw uñjänjja, ucatwa jupajj sum sarnakänjja. Uqham lurañampiw nayar uñt'aña satajja. Naya Tatituw ucjja arsta.

Jeremías 7:22

Ucampisa cunapachatejj nayajj nayrapacha awquinacamaru Egiptot apsunta ucapachasti janiw nayajj cunsa uca loktasiñanac toketjja jupanacarojj siscti ni maycaractsa.

Daniel (hebreo) 4:27

Uca laycu, jichhajj, jach'a rey, aca ewjja aru ist'ita: Juma, jach'a reyejj, take cunsa chekaparupuni uñjam, janiraqui juc'ampi juchsa lurcjjamti, ñankha luräwinacamsti apanucum, pobrenacaru yanapt'araquim. Inampisa uqhamata, jach'a reyejj, sumancañampina, kamir cancañampina jacascasma sasa.

Oseas 14:2

Tatitur cuttanjjapjjam, aqham mayt'asisa: “Perdonapjjet take ñankha luratanacajjata, suma chuymampirac catokapjjeta, nanacan jumaru yupaychatanacajj-jja.

Oseas 2:20

Esposajjaruw tucuyasïma, jumaruquiraquiw munäma, ucapachaw jumajj Tatiturjam uñt'asitäta.

Oseas 4:1

Israel jakenaca ist'apjjam cuntejj Tatitojj sisqui ucjja. Jupajj jichhajj ch'ajjwaruw manti, qhitinacatejj aca marcan jacapqui ucanacampejja, jupanac pura jan sum sarnakapjjatap laycu, janiraquiw cheka chuymanïñas utjquiti, ni Diosar uñt'añas utjcjjaraquiti.

Oseas 8:13

Jupanacataquisti sacrificionac loktañaw asquejja, ucatsti loktapjjaraquiwa, uca loktat aychanacwa mank'apjjaraquejja; ucampis naya Tatitojj janiw ucanacampejj cusisitäcti: Nayajj amtascaquipunïw cuna jan walinactejj lurapqui ucanacjja, uca juchanacapatsti mutuyaraquïwa, Egipto marcar cuttayasa.

Amós 5:21

Fiestanacamjja uñistwa, janiw yäkcaractsa, jach'a tantachasïwinacamas janiw nayatacjamäcaraquiti.

Miqueas 6:6

“¿Cunampirac alajjpachanquir Dios Tatitur yupaychañataqui uñstästi? ¿Jupan nayrakataparusti maran vaca callunacampiti uñstäjja, altarjjan uca vaca callunac jupar loktañataqui?

Miqueas 6:8

Jake, Tatitojj sistamwa, cunatejj asquïqui ucjja, uqhamarac cuntejj jupajj jumatjja suyqui ucsa; jumajj chekapäqui uc luram, qhuyapayasiriraquim, uqhamarac Tatit Diosamarus alt'at chuymamampirac jaysam.

Mateo 12:7

Jumanacajj chekpachansa janiw amuyt'apctati cuntejj aca Kellkatanjja sisqui ucjja: ‘Nayajj muntwa jumanacan qhuyapt'ayasirïpjjañama, janiw sacrificionacjja muncti.’ Jumanacatejj amuyapjjasma ucajja janiw jan juchaninacarojj juchañchapcasmati.

Mateo 5:7

“Cusisiñanïpjjew qhitinacatejj qhuyapayasirïpqui ucanacajja, Diosasti jupanacatjja qhuyapt'ayasiraquiniwa.

Mateo 9:13

Sarjjapjjam, amuyt'apjjaraquim cuntejj uca arsüwejj sañ munqui uca. ‘Nayajj muntwa jumanacan qhuyapt'ayasirïpjjañama, janiw sacrificionacjja muncti.’ Janiraquiw asqui jakenacaru jawsiri jutcti jan ucasti juchararanacar arrepientisipjjañapataqui jawsiriw jutta —sasa.

Marcos 12:33

Jupar take chuymamp munañasti, uqhamarac take amuyumpi, take almampi, take ch'amampi, ucatsti jake masisar jiwas quipcarjam munañajja, juc'amp asquiwa take sacrificionacatjja, cunatejj altaran loktatäqui take ucanacat sipansa.

Josué 5:5

Take Egiptot mistunir jakenacasti circuncidatcamaquïpjjänwa; cawquïrinacatï wasaran jutcasina nacipcän ucanacajj janiw circuncidatäpcänti.

1 Juan 2:3

Jiwasatejj Diosan camachinacaparu ist'asctanjja, uqhamanwa Diosar uñt'atasjja yattan.

1 Juan 3:6

Uqhamasti take qhitinacatejj Tatit Jesucristompi mayanac jacapqui ucanacajja, janiw juchan sarnakcjjeti; ucampis take qhitinacatejj juchan sarnakasipqui ucanacajj, janiw jupar uñjquiti, ni uñt'caraquisa.

1 Samuel 15:22

Ucat Samuelojj saraquïna: “Tatitutaquejj arsutanacapar phokhañaw juc'ampi sumajja, sacrificionaca, uqhamarac holocaustonaca loktañat sipansa; arsutap phokhañaw, uqhamarac jupar ist'añawa sumajja, ovej liq'inaca sacrificiot loktañat sipansa.