Oseas 5:14 - Qullan Arunaca

¹⁴ Cunjämatejj mä leonajj jaljjatejja, uqhamracwa nayajj lurä Efrainampiru Judá marcampirojja; naya pachpaw jupanacarojj jisc'a jisc'a tucjawayasinsti, sarjjaraquïwa; catuntaraquïwa, ucatsti janiraquiw qhitis aparquitaniti.

Aymar Bibliia 1986

¹⁴ Cunjämatejj mä leonajj jaljjatejja, uqhamracwa nayajj lurä Efrainampiru Judá marcampirojja; naya pachpaw jupanacarojj jisc'a jisc'a tucjawayasinsti, sarjjaraquïwa; catuntaraquïwa, ucatsti janiraquiw qhitis aparquitaniti.

Qullan Arunaka DC

¹⁴ Kunjämatix mä leonax wal qhurutasixa, ukhamaw nayax Israel markampiru, Judá markampirux qhuruchasis katjarakï; naya pachpaw jisk'a jisk'a tukjä, janirakiw khiti arxatt'iris utjkaniti.

Oseas 5:14 Jak'a apnaqawi uñst'ayäwi

Job 10:16

Nayatejj sayt'asiristjja, jumajj mä leonjamaw nayataquejj sarttajja, nayar t'unjañataquisti cunsa lurirjamätawa.

Job 10:7

Jumajj yatisctawa nayan jan juchanïtajj-jja, yatiractawa nayarojj janiw qhitis amparamatjja khespiyquitaspati.

Salmos 50:22

Diosat armasirinaca, sum ist'apjjam, ucatarac k'al tucjasipquirisma; janirac qhiti arjjatirs jicjjatasisipcasma;

Isaías 5:29

Wararitapasti mä leonan wararitapjamawa, cunjämatejj mä cuna mank'antañataquis catjasin wararejj uqhama, ucatsti jan qhitin apakcayaraquiw mank'antejja.

Jeremías 25:38

Mä leonajj putupat mistunqui uqhamaw mistuniraqui, ucatsti jupanacan marcapajj pampa t'unjataw uñjasiraqui, Tatitun colerasiñapajj mä ninjam naqhatap laycu, uqhamaraqui mä jach'a nuwasïwi apayanitapata.

Lamentaciones 3:10

Jupasti nayataquejj mä imantata leonjamawa, mank'antañ muniri osor uñtataraquiwa.

Oseas 13:6

“Ucampisa cunapachatejj jumanacan mank'añanacamajj jilarjjän ucqhajja, chuymanacamanjja wal jach'achasipjjäyätajja, nayatsti armasjjapjjaraquïyätawa.

Oseas 2:12

Uva yapunacapsa, higo yapunacapsa tucjäwa, jupasti uca yapunacatjja, sänwa: ‘Aca yapunacwa munirinacajjajj pagota churapjjetu’ sasa. Nayasti uca yapunacapjja korampiw korantayä, ucatsti pampanquir animalanacaraquiw uca yapunacjja mank'apjjani.

Oseas 6:1

Takeni jutapjjam, Tatitun ucar cuttjjañäni. Jupaw usuchjistu, juparaquiw c'umarachjjestani; chhojjriñchjistuwa, juparaquiw kolljjatjjestani.

Amós 2:14

Cawcsa jaltasipcpan, janiw atipapcaniti; wali ch'amanïqui ucarus ch'amajj pist'aniwa, ni qhiti ch'amampi atipt'irïqui ucasa khespcaniti.

Miqueas 5:8

Ucapachasti, walja marcanac taypinjja, Jacobun marcapat jilt'irinacajja monte animalanac taypinjja, mä leonjamäniwa, cunjämatejj leonajj mä ovej tamjja, pascasajj tucjawayejja jach'a sillunacapampi, janiraqui maysa uqhamaqui jilt'ayquiti uqhamäniwa.

Deuteronomio 28:31

vacamasa nayräjjaman jiwayatäniwa, ucampis janiraquiw aychapjja mank'cätati; juman uñjcataraquiw asnomjja aparapjjätam, ucatsti janiw cuttayapcätamti. Ovejanacamas uñisiriman amparaparuw purini, janiraquiw ucatjja qhitis uc apakañataquejj yanapcätamti.

Deuteronomio 32:39

Naya sapaquïtwa Diosajja. Janiw yakha diosanacajj nayat sipan utjquiti. Nayaw jacañ churta, uqhamaraqui apakaractsa, nayaw usuchjaracta, uqhamaraqui kollaractsa. ¡Janiraquiw qhitis ch'amajjat khespiyirejj utjquiti!