Oseas 4:16 - Qullan Arunaca

¹⁶ Israel marcajja naya contra sayt'asiriwa mä uri vaca kallur uñtata: uqhamasti, ¿Tatitojj suma pastonacaru awatiraquispati oveja wawanacäpcaspas uqhama?

Aymar Bibliia 1986

¹⁶ Israel marcajja naya contra sayt'asiriwa mä uri vaca kallur uñtata: uqhamasti, ¿Tatitojj suma pastonacaru awatiraquispati oveja wawanacäpcaspas uqhama?

Qullan Arunaka DC

¹⁶ Israelitanakax uri vaca qallur uñtataw nayat jayarst'itu; ukhamasti, ¿Tatitux suma chhuxllanakaru, oveja qallunakäpkaspas ukham awatiskakispati?

Oseas 4:16 Jak'a apnaqawi uñst'ayäwi

Salmos 78:8

nayra pachan jaquir awquinacapjam jan sarnakapjjañapataqui, kallasir t'ajjmar jan jakëpjjañapataqui, pächasir chuyman jan jakëpjjañapataqui, Diosat saraktir jan jakëpjjañapataquiraqui.

Isaías 22:18

mä pelotar uñtatwa korumiyaraquïtam, ucatsti jayaruraquiw liwtätam, mä jach'a pamparu. Ucanwa jiwaraquïta, ucanaracwa carronacamajj sayarapjjaraquini, uca carronacamaruw alcatasiraquïyätajja, jichhasti ucanjja palacionquir jilïrimataquis mä p'enkaw liwisiraquïta.

Isaías 30:23

Tatituw jallu apayanïtam yapuchasitamar purjjatañataqui, ucatsti orakejj walja jilarquiri trigo achuraquini. Uca urunjja uywanacamataquejj mank'ajj walipunïniwa.

Isaías 5:17

Marcanacasti k'ala t'unjatäniwa, uca tincut perkanac taypinsti ovejanacampi cabritonacampiquiw mank'apjjani.

Jeremías 14:7

¡Tata, juchanacajjajj nanacatac sayt'cchi ucasa, sutim laycusay nanacat sayt'amjja! Walja cutiw nanacajj jan jumatacjam sarnakapcti, juma nayrakatan jucha lurapjjaracta.

Jeremías 3:11

Tatitusti saraquituwa: “Nayataqui sayt'asir Israelasti yakhampi sarnaker Judät sipansa juc'a juchaniquiwa.

Jeremías 3:6

Josías reyin urunacapansti, Tatitojj saraquituwa: “¿Uñjtati cuntejj nayataqui sayt'asiri Israelajj lurqui ucjja? Nayar apanucusinjja kollu patanacaruw sari, ucansti jach'a kokanac c'uchunwa yakhanacampi jucha luraraqui.

Jeremías 3:8

nayan Israel marcar nayataqui sayt'asitapat apanucutajjsa uñjaraquiwa, jupampisti jaljtaractwa yakhampi sarnakatap laycu. Ucampisa, Israelan Judá cullacapasti janiw cunsa ajjsarcaraquiti, jan ucasti jupajj sarasinjja yakhampejj sarnakaraquiquiwa.

Jeremías 31:18

Efraín marcan t'akhesitapjja ist'twa, jupanacasti sapjjewa: ‘Nayajj mä uri vaca kallur uñtatäyätwa, ucampis jumajj ajja tucuyista; juman ucaru cuttayanjjeta, jumätaw Tatitojjajja, Diosajjasa.

Jeremías 5:6

Ucatwa jichhajj leonanacajj ch'umit mistunisin jiwarayapjjani, wasaranquiri kamakenacaw jisc'a jisc'a tucjapjjaraquini, marcat mistusinquirinacarusti jisc'a jisc'a tucjaraquini, walja jach'a juchanac lurapjjatap laycu, maynir aljantapjjatap laycu.

Jeremías 7:24

Ucampisa janiw nayarojj ist'apquituti ni jaysapcaraquitusa, jan ucasti kala chuymanacapar jaysasaquiwa ñankha lurañanacaru catuyasjjapjjejja. Nayaru uñtañcamayasti, nayatjja maysaruw uñtapjjänjja.

Jeremías 8:5

Uqhamasti, Israel ¿cunatsa ch'ojjña lurista? Jerusalén, ¿cunatsa nayataquejj wiñayataqui colerasta? ¿Cunatsa nayataqui sayt'asiscacta, ucatsti janiraqui nayan ucarojj cuttaniñ munctati?

Oseas 10:11

“Efrainajj mä suma manso vaca kalljamänwa, trigo jawk'suñas jupataquejj sumänwa. Jichhasti nayajj ucqha suma cuncapjjarojj mä yugo ayjjataracta, uqhamat carro katatiñapataqui, Judästi arado jiyt'araquini, Jacobosti rastrillo jiyt'araquini.

Oseas 11:6

Marcanacapasti espadan tucjataraquïniwa, sayt'asiñ perkanacapasti tucjataraquïniwa, jupanacan pachpa amtatanacap laycu.

Oseas 11:7

Uqhampachas marcajjajj nayat jayancañjja munascaquiwa; arnakasisipcaraquiwa, ucampis janiw qhitis jupanacan arnakasitapjja ist'quiti.

Levítico 26:33

Jumanacarusti marcanac taypiruwa ananucupjjaraquïma, espadampiw arcnakayapjjaraquïma, jumanacan orakenacamasti nayataquejj wasararu tucutaw uñjasiraquini, marcanacamasti k'ala t'unjataw uñjasiraquini, ajjsarcaña t'unjataraquïniwa.

Zacarías 7:11

Ucampis marcajj janiw ist'asiñ munquiti. Takeniw cutt'awayjjapjje, okararaquiw tucupjje.

1 Samuel 15:11

“Saúl chachar reyit utt'ayatajjatsti walpun amtta, nayatsti jithektituwa, arsutanacajjsti janiraquiw phokquiti” sasa. Samuelosti uca ist'asajj wali mayjt'ataw kheparäna, ucat uca aruma pakariraquiw Tatituru mayïna.