Oseas 4:14 - Qullan Arunaca

¹⁴ Ucampis janiw nayajj phuchanacamar wachoka jucha luratapatjja ni yojjch'anacamarus yakha chachanacampi sarnakatapatjja mutuycäti, jumanacpacha jan wali warminacampi sarnakapjjatam laycu; sacrificionac loktañataquisti jan wali sarnaker warminacampiw chicachasipjjtajja, jumanacataquisti uca jan wali sarnacañajj mä cultjamawa. ¡Uqhamwa mä marcajj aynacht'awayi jan amuyt'asitap laycojja!

Aymar Bibliia 1986

¹⁴ Ucampis janiw nayajj phuchanacamar wachoka jucha luratapatjja ni yojjch'anacamarus yakha chachanacampi sarnakatapatjja mutuycäti, jumanacpacha jan wali warminacampi sarnakapjjatam laycu; sacrificionac loktañataquisti jan wali sarnaker warminacampiw chicachasipjjtajja, jumanacataquisti uca jan wali sarnacañajj mä cultjamawa. ¡Uqhamwa mä marcajj aynacht'awayi jan amuyt'asitap laycojja!

Qullan Arunaka DC

¹⁴ Ukampis janiw phuchhanakamarusa, yuxch'anakamarus wachuqa juchanak luratanakapat mutuykäti, jumanakpachaw jan wali warminakampix wachuqa juchanak lurapxtaxa; wilañchanak luqtañatakis jan wali warminakampiw mayachasipxtaxa, uka warminakan ukham luratanakapax diosanakapar yupaychäwïkaspas ukhamawa. ¡Ukatpï mä markax jan amuyt'asitapat aynacht'awayixa!

Oseas 4:14 Jak'a apnaqawi uñst'ayäwi

1 Reyes 15:12

Uca oraketjja jakonucünwa c'ari diosapataqui amtani, chacha pura jan wali luriri chachanacarojja, ucatsti apanucünwa nayra awquinacapajj lurasipcäna uca take yakha diosanaca.

2 Reyes 23:7

Uqhamaraquiw tucjayaraquïna chachapura juch lurañataqui waquichatäcäna uca utanacsa, ucasti lurasïnwa Tatitun templopana yakha diosar yupaychasina, ucanracwa warminacajja isinaca p'itapjjäna Asera sat diosapataqui.

Proverbios 28:5

Jucharar jakenacajj janiw amuyt'apquiti cheka cancañatjja, ucampis qhitinacatejj Tatitur thaktapqui ucanacaw take cun amuyt'apjje.

Isaías 1:5

Jumanacajj Dios toke sayt'asiñacpun munasipctajja, janchinacamansti janiw cawqhas jawk'jañataquejj utjcjjeti. P'ekenacamajj k'ala chhojjriñchjatawa, janiraquiw cunataquis ch'amamajj utjcjjeti.

Isaías 27:11

Cunapachatejj mä kokan layminacapajj wañsjje ucqhajj p'aquirtjjewa, warminacasti uca layminac apthapisipjje phayasiñataqui. Mä jan amuyt'asir marcawa. Ucatpï jupanacar uscuri Diosajj jan qhuyapt'ayascanitejja.

Isaías 56:11

mank'at jiwat anunacäpjjewa, janiraquiw sisthapipquisa, jan cun amuyiri awatirinacäpjjaraquiwa; sapa maynis thaquipanac sarasipqui, cunatejj jupanacataquejj asquïqui ucacwa thakhasipqui.

Daniel (hebreo) 12:10

Cuna t'akhesïwinacatejj yatiyatäqui ucanac toksti waljaniw pasapjjañaparaqui, uca t'akhesïwitsti k'omachata, uqhamaraqui asquiru tucuyataw mistjjapjjaraquini. Ñankha jakenacasti ñankhanacapjja lurasipcaquiniwa, cunatejj pasasqui ucanacjja jan amuyt'asa, ucampisa yatiñani jakenacasti take acanacjja amuyt'apjjaraquiniwa.

Oseas 14:9

Yatiñani, uqhamaraqui ch'iqhi jakenacajj aca arunacjja amuyt'apjjpan: Tatitun thaquipajj chekapawa, cheka jakenacaquiraquiw ucanjamjja sarapjje; ucampis ñankha jakenacajj uca thaquinjja liwisipjjewa.

Oseas 4:1

Israel jakenaca ist'apjjam cuntejj Tatitojj sisqui ucjja. Jupajj jichhajj ch'ajjwaruw manti, qhitinacatejj aca marcan jacapqui ucanacampejja, jupanac pura jan sum sarnakapjjatap laycu, janiraquiw cheka chuymanïñas utjquiti, ni Diosar uñt'añas utjcjjaraquiti.

Oseas 4:17

Efrainajj yakha diosanacar yupaychañaruw catuyasjje takeniw umat tama jakenacäpcaspas uqham liwirtawayapjje. Mayampi mayampwa wachoka jucha lurapjje, suma jach'añchäwit sipansti p'enkachatäñacwa munapjje.

Oseas 5:4

Jakenacan jan wali luratanacapaw Diosaparojj jan cuttayanquiti. Wachoka juchampi atipjatäsinwa, Tatiturojj jan uñt'cjjeti.

Amós 2:7

Pobrenacarusti wali t'akhesiyasaw jisc'aru tucuyapjje, janiraquiw chekapar uñjapquiti llamp'u jakenacarojja. Awquis, yokas pachpa warmimpiraquiw iquintasipjje, uqhamatwa nayan kollan sutejja taquichasipjje.

Amós 7:17

Ucatwa, Tatitojj aqham sejja: ‘Warmimasti yakha chachanacampiw sarnakani marcan uñjcata, yokanacamas phuchanacamas espadampi jiwarayatäpjjaraquiniwa; orakenacamas suerteta jalanokataraquïniwa, jumasti jiwaraquïtawa jan Dios uñt'ir jakenacan orakepana, israelitanacasti preso catuntata, orakepata jayaru apatäpjjaraquiniwa’ sasa.

Números 25:3

Uqhamatwa jupanacajj Baal-peor diosar yupaychañaru uchasipjjäna. Ucatwa Tatitojj jupanacataquejj wal colerasïna.

Juan 8:43

Jumanacasti janiw arunacajj ist'añ munapctati, ucatwa jumanacajj jan amuyt'apctati cuntejj sapjjsma, ucjja.

Romanos 3:11

Janiw utjquiti mayni amuyt'irisa. Janiraquiw maynis Diosar thakerejj utjcaraquiti.

1 Corintios 6:16

Jan ucajj ¿janich jumanacajj yatipcta cunapachatï mä jan wali sarnaker warmimpi wachoka juchan sarnake ucqhajj mä sapa janchiqui tucjjapjjatapjja? Diosan Arunacapasti saraquiwa: “Panpachanejj mä sapa janchiquiw tucjjapjje” sasa.

Efesios 4:18

Uca amuyunacapasti ch'amact'atawa, chuymanacap kalarayasipjjatap laycusti janiw cuns yatipquiti, ucatwa Diosat jutqui uca jacañsa jan catokapquiti.

Deuteronomio 23:17

“Janiw cawquïri israelit chachasa, warmisa yakha diosanacan jan wali k'añu sarnakäwinacap lurapjjätati.

Hebreos 12:8

Diosatejj jumanacaru jan chekachapcätamjja, cunjämatejj awquejj wawanacaparu chekachqui uqhamjja, janiw cheka wawanacapäpctati, jan ucasti k'ajjatanacaquïpjjtawa.