Oseas 2:4 - Qullan Arunaca

⁴ Wawanacapatsa janiw qhuyapt'ayascäti, jan wal sarnakäwin jicjjatat wawanacäpjjatap laycu.

Aymar Bibliia 1986

⁴ Wawanacapatsa janiw qhuyapt'ayascäti, jan wal sarnakäwin jicjjatat wawanacäpjjatap laycu.

Qullan Arunaka DC

⁴ 4 (6) Wawanakapatsa janiw khuyapt'ayaskäti, jan wal sarnaqäwin jikxatat wawanakätap layku.

Oseas 2:4 Jak'a apnaqawi uñst'ayäwi

2 Reyes 9:22

Joram reyejj Jehú capitanar uñjasinjja sänwa: —¿Jehú, jumajj nayampïtati, jan ucajj nayamp nuwasirïtacha? —sasa. Ucjjarusti Jehú capitanajj sänwa: —¿Cuna sumancañaraqui jumampi utjaspasti Jezabel taycamajj jan walinacana sarnakascaqui yakha chachanacampi, uqhamarac walja laykasiñanacapampisa ucqhajja? —sasa.

Isaías 27:11

Cunapachatejj mä kokan layminacapajj wañsjje ucqhajj p'aquirtjjewa, warminacasti uca layminac apthapisipjje phayasiñataqui. Mä jan amuyt'asir marcawa. Ucatpï jupanacar uscuri Diosajj jan qhuyapt'ayascanitejja.

Isaías 50:1

Tatitojj siwa: “¡Jan amuyapjjamti nayan Israelaru qhitanucutajj-jja, jupasti taycamawa, cunjämtejj mä jakejj warmiparojj apanucqui uqhama, jan ucajj nayan jumanacar esclavot aljatajjsa, qhitimpisa manunïtajj laycu! Jumanacajj aljatäpjjayätawa, jucha lurapjjatam laycu; jumanacan taycama Israelasti apanucutaraquïnwa, jumanacajj nayatac sayt'asipjjatam laycu.

Isaías 57:3

“Layka warmin wawanacapa, jutapjjam jac'achasinipjjaraquim, yakha warmimpi, uqhamaraqui yakha chachampi sarnaker warmin wawanacapa:

Jeremías 13:14

Ucatsti sañunacjamwa p'aquiraraquëjja, maynejj maynimpi, awquimpi yokampsa mayaqui p'aquiraraquï. Janiw jupanacatjja qhuyapt'ayascäti, jupanacarusti jan sintt'asisa, jan qhuyapt'ayasisaraquiw t'unjäjja. Naya Tatituw ucjja arsta’ ” siw Tatitojja.

Jeremías 16:5

Tatitusti saraquituwa: “Cawquïri utantejj maynin jiwatap laycu lutt'atäsipqui ucarojj jan mantamti; uca jiwatatjja jan jachamti ni llaquisiñamsa uñacht'ayaraquimti jupan jiwatapatjja. Aca marcatsti suman sarnakasiñjja jayaruw apakjjta, munasiñajjsa, qhuyapayasiñajjsa uqhamaraqui. Naya Tatituw ucjja arsta.

Ezequiel 23:25

Nayasti jumjjarojja colerasiñajjwa warjjataniraquëjja, jupanacasti wali khoru cancañampiraquiw jumarojj uñjapjjätam; nasamsa, jinchunacamsa murokapjjaraquïtamwa, qhitinacatejj jacasipcäta ucanacarusti espadampiw jiwarayapjjaraquïtam. Yokall wawanacamsa, imill wawanacamsa aparapjjaraquïtamwa, ucatsti jumajj ninampi mank'antataw tucusiwayjjaraquïta.

Ezequiel 8:18

Ucampisa nayajj wali jach'a colerasiñampiw jichhajj lurjjäjja. Janipuniw jupanacatjja qhuyapayascäti. Kawkhas arnakasisinipcpan, janipuniw jupanacarojj ist'cäti” sasa.

Ezequiel 9:10

Jichhasti janipuniw jupanacatjja qhuyapt'ayascäti, jan ucasti luratanacapatjja wayt'apuniraquïwa” sasa.

Oseas 1:2

Tatitojj aqhamwa kalltäna cuntejj Oseas toke sañ muncän uca arunacjja: “Israel marcajj yakhampiw sarnakjje nayar apanucusajja. Uqhamarac jichhajj jumajj saram ucatsti yakha chachanacampi sarnaker warmi catusim, jupampisti wawanacanïpjjaraquim; uqhamatwa uca wawanacajj yakha chachanacampi sarnaker warmin wawanacapäpjjani”.

Oseas 1:6

Gomer warmisti wasitatwa usur jakeptaraquiqui, ucatsti mä imill wawa wawachasiraqui. Tatitojj Oseasarojj sänwa: “Jichhajj uca imill wawarojj Lo-ruhama sas suticham, nayasti janiw juc'amp qhuyapt'aycjjäti Israel marcarojja uca laycu. Janiraquiw perdoncäsa.

Oseas 5:7

Tatitutaquejj janiw take chuymäpcänti, ucatpï wawanacapas yakha awquinïpjjaraquejja. Uqham yakhampïpjjatap laycusti, mä phajjsinacwa orakenacapajj k'ala tucjatäni.

Zacarías 1:12

Tatitun angelapasti siwa: —Take ch'amani Tatitu, pakallko tunca maraw niy coleratäjjtajja Jerusalén marcampi, Judá marcanacampejja, ¿kawkha marampïscanisa wasitat qhuyapt'ayascäta ucqhacamajja? —sasa.

Juan 8:41

Jumanacajj awquinacaman luräwinacapwa lurapjjta —sasa. Jupanacasti sapjjaraquïnwa: —Nanacajj janiw k'ajjat wawanacäpcti, mä sapa awquiniquïpjjtwa, ucasti Diosawa —sasa.

Romanos 11:22

Uñtamaya cunja sumas Diosajja, ucampis khoruwa chekaparaquiwa. Jumasti janiw jupat jithektañamäquiti, jan ucajj jumajj qhuchhokataraquïyätawa.

Romanos 9:18

Uqhamasti Diosajj qhuyapt'ayasiwa qhitirutejj munquis ucaruqui, uca quipcaraquiw chuyma kalarayi qhitinacarutejj chuymaps kalarayañ munqui ucanacarojja.

Santiago 2:13

Qhitinacatejj jan qhuyapt'ayasis mayniru uñjapjjchejja, jan qhuyapt'ayasiñampi juchañchataraquïniwa, ucampis qhuyapayasirinacajja taripäwi urunjja take cuna atipjasaw mistupjjani.