Oseas 13:3 - Qullan Arunaca

³ Ucatwa jichhajj alba urpur uñtata, willjta sullar uñtataraqui mäqui chhaktapjjani, thayan apat t'unar uñtata, cocinat mistur jiwk'er uñtataraqui.

Aymar Bibliia 1986

³ Ucatwa jichhajj alba urpur uñtata, willjta sullar uñtataraqui mäqui chhaktapjjani, thayan apat t'unar uñtata, cocinat mistur jiwk'er uñtataraqui.

Qullan Arunaka DC

³ Ukat jichhax qhantati urpur uñtata, willjta sullar uñtat chhaqtapxani, thayan apat waña laphir uñtata, phayañ utat mistur jiwq'ir uñtat chhaqtapxani.

Oseas 13:3 Jak'a apnaqawi uñst'ayäwi

Job 21:18

¿Cunapachas jupanacajj t'unar uñtata willinucutäpjjänjja? ¿Cunapachas jupanacarojj thayas aparaquejja?

Job 30:15

Nayjjarusti ajjsarañaw liwjjattitu, nayan jake cancañajjasti mä thayjamaquiw sarawayjje, kamir cancañajjasa, kenayjamaquiw chhaktawayjje.

Salmos 1:4

Jan wali jakenacampisti janiw uqhamäquiti: jupanacajj thayan apat jipir uñtatäpjjewa.

Salmos 68:2

jiwk'er uñtataw chhaktapjje, ninamp umatatayat liq'jamaw umatatapjje, ñankha lurir jakenacajj Diosan nayrakatapan tucusipjje.

Isaías 17:13

Ucampisa cunapachatejj Diosajj jupanacar tokenoke uqhajj jayaruw jaltjjapjjani, cunjämtejj thayajj kollunacaru t'unjja apasjjejj uqhama, jan ucajj cunjämtejj tutuca thayajj ch'aphinac apasjjejj uqhama.

Daniel (hebreo) 2:35

Ucapachasti hierro, ñek'e, bronce, kollke, uqhamaraqui kori ucanacasti lak'aru tucuyataw uñjasiraquïna, cunjämatejj jawk'a horasajj trigojj jawc'sutajj uqhama, ucatsti thayaw take ucanacjja apasjjaraquïna jan cunsa jilt'ayasa. Ucampisa uca jakeru t'unjcäna uca kalasti mä jach'a kolluruw tucuwayjjaraquïna ucat uca kollojj take aca orakpacharuw phokhantäna.

Oseas 6:4

Tatitojj siwa: “¿Cunsa lurä jumampejj, Efraín? ¿Cunsa lurä jumampejj, Judá? Jumanacan munasiñanacamajj nayataquejj alba urpur uñtataquiwa, khantati sullar uñtataquiraquiwa, ucatsti mäquiraquiw chhaktawayjje.

Sofonías 2:2

Janïra t'unar uñtata thayampi qhuysutäcasina, uqhamaraqui janïra Diosan jach'a colerapajj ninjama jumanacjjaru jutquipana, uqhamaraqui janïra uca Diosan taripäwi urupajj purinquipana.

Zacarías 8:12

Sumancañaw jupanac taypinjj satatänejja, uva yapunacasti achupjjaniwa, orakesti sumwa achuraquini, alajjpachasti sullanaca apayaniraquini. Nayasti churäwa take ucanaca aca marcan kheparasa utjnokapqui ucanacaru.