Oseas 13:11 - Qullan Arunaca

¹¹ Jumampi coleratäsinwa reyinacjja churayäsma, ucatsti coleratäsinracwa jumatjja apakjjsma.

Aymar Bibliia 1986

¹¹ Jumampi coleratäsinwa reyinacjja churayäsma, ucatsti coleratäsinracwa jumatjja apakjjsma.

Qullan Arunaka DC

¹¹ Jumampi phiñasitäsin reyinak churäyäsma, jumampi phiñasitäsin uka reyinak apaqxaraksma.

Oseas 13:11 Jak'a apnaqawi uñst'ayäwi

Proverbios 28:2

Cunapachatejj mä marcan jan walt'añanacajj utji ucqhajja, apnakerinacapajja waljaw jakortapjje, ucampis suma yatiñampi apnakerejj yatiwa sum apnakaña.

Oseas 10:3

Jichhajj aca marcajj saniwa: “Janiw jichhajj reyinïcjjtanti, Tatitur jan ajjsartatas laycu. Ucampisa ¿cunrac mä reyisti jiwasatac luraspasti?

Oseas 10:7

Samarianquir reyejj chhaktjjaraquiniwa, uma jupokor uñtata.

Oseas 3:4

Walja maranacaraquiw israelitanacajj jan reyini, jan jilïri irpirini sarnakapjjanejja, jan sacrificionac loktasa, jan kollana kalanacani, jan sacerdotenacani, ni jupanacan uñt'at yakha diosanacas utjcaraquiniti.

Oseas 8:4

“Jan nayar yäkasaw reyinacjja utt'ayasipjje, jilïrinacapsti jan nayar yatiyasaraquiw uscusipjje. Kollkepa, koripa aptasipjje yakha diosanac lursusiñataqui, ucat jupanacpacha tucjasiñataqui.

1 Samuel 10:17

Ucjjarusti Samuelojj take israelitanacaruw jawsaraquïna, Mizpa sisqui uca chekan Tatitur yupaychañataqui.

1 Samuel 10:19

Ucampis jichhajj jumanacajj Diosamarojj jisc'achapjjtawa, jupaw take jan walt'añanacatsa, llaquisiñanacatsa khespiyanipjjtam, mä rey jumanacar apnakañapataqui mayisasti jumanacajj Diosaruw jisc'achasipctajja. Uca laycu jichhajj Tatitun nayrakataparu uñstapjjam, sapakat tribunacata, uqhamarac jach'a familianacatsa” sasa.

1 Samuel 12:1

Ucat Samuelojj take israelitanac nayrakatan aqham saraquïnwa: —Jumanacajj uñjapjjtawa, nayat take cuntejj mayipjjesta ucanacjja churapjjsmawa, uqhamarac mä reysa uscurapipjjaracsmawa.

1 Samuel 12:13

Ucampisa jichhajj acajj jumanacan ajllit reyejja. Tatitojj churapjjtamwa cuna reytejj mayipcta uca.

1 Samuel 15:26

—Janiw jumampi chica sarquiristti, Tatitun arunacapar jan jaysatam laycu. Jichhasti jupajj jumarojj Israelan reyipäñatjja apanucjjtamwa —sasaw Samuelojj saraquïna.

1 Samuel 16:1

Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.