Oseas 12:8 - Qullan Arunaca

⁸ Efrainasti saraquiwa: “Jïsa, kamiriw tucta, take cunwa jicjjatt'asiracta; ucampis janiraquiw qhitis juchañchquitaspati ganancianac uñjatajjatjja, lunthatasiñampi jicjjatasitajjatjja.”

Aymar Bibliia 1986

⁸ Efrainasti saraquiwa: “Jïsa, kamiriw tucta, take cunwa jicjjatt'asiracta; ucampis janiraquiw qhitis juchañchquitaspati ganancianac uñjatajjatjja, lunthatasiñampi jicjjatasitajjatjja.”

Qullan Arunaka DC

⁸ 8 (9) Israelitanakasti sarakiwa: ‘¡Jïsa, qamiriw tukta, taqi kun jikxatt'asirakta; ukampis janiw khitis jalaqtanak uñjataxat juchañchkitaspati, lunthatasiñampi jikxatatäkchi ukasa!’

Oseas 12:8 Jak'a apnaqawi uñst'ayäwi

Salmos 49:6

Jupanacajj yänacaparuw chuymap uchapjje, kamir cancañapat jach'a jach'ajj tucupjjaraqui,

Salmos 52:7

“Uñtapjjam, jan ajjsarir jakeru, Diosar jan iyawsañ munir jakeru, kamir yänacaparojjay alcatchïnjja, ñankha lurañanacapanjjay jach'achaschïnjja” sasa.

Salmos 62:10

Ch'ajjwañanacarojj jan wayusipjjamti; janirac lunthatasiñar chuym catuyasipjjamti; kamiris tucusipcätajja, kollker jan alcatapjjamti.

Proverbios 11:1

Tatiturojj c'ari pesanacajj ajjtasiyiwa, ucampis phokhat pesanacajj juparojj cusisiyiwa.

Proverbios 30:12

Yakhep jakenacajj amuyasipjjewa k'omäpcaspasa uqhama, ucampis janiw juchanacapatjja k'omachasipquiti.

Proverbios 30:20

Jan wali sarnakeri warmin luratapajja aqhamawa: Jupajj jucha luratapjja imt'asiwa, ucatsti “Janiw cuna ñankhsa lurcti” saraquiwa.

Jeremías 2:23

¿Cunjämraqui sätasti: ‘Janiw nayajj k'añucht'ascti, janiraquiw yakha diosanacarus yupaychcaractti’ sasasti? Amuyasim cunjämänsa valle token sarnakatamajja, take luratanacamatsti wali amuyasiraquim, kachu camellor uñtata, orko camellon khepapjja cawcsarusa jalaquiractawa.

Jeremías 2:35

Ucampisa sascactawa: ‘Nayajj janiw cuna juchanïctsa, Diosajj janiw nayataquejj coleratäquiti’ sasa. Jichhajj waliquiwa. Niyaquejjay ‘Janiw juchanïcti’ sistajja, ucatwa jichhajj jumampi nayampejj juiciorojj mantañäni.

Jeremías 5:27

Utanacapasti lunthatata yänacampi phokhantatawa, cunjämatejj jaulanacarojj jamach'inacajj phokhantatäqui uqhama. Uqhamatwa jupanacajj kamiri, ch'amani tucupjjaraqui,

Ezequiel 28:5

Alaquipañataquisti wali ch'iqhïtawa, kamir cancañamjja yapjjataractawa, uca kamir cancañamasti wali jach'a jach'a tucuyaractamjja.

Oseas 13:6

“Ucampisa cunapachatejj jumanacan mank'añanacamajj jilarjjän ucqhajja, chuymanacamanjja wal jach'achasipjjäyätajja, nayatsti armasjjapjjaraquïyätawa.

Oseas 14:1

¡Cuttanjjam, Israel, Tatit Diosamaru, jucham laycuw aynacht'tajja!

Oseas 4:8

Marcajjan juchan luratapatwa mank'apjjejja; ucatwa jakenacajjan juc'ampi jucha lurapjjañapa munapjjejja.

Amós 8:5

Jumanacajj sapjjtawa: “¿Cunapachas wawa phajjsi fiestasti pasani trigo aljasiñasataquejja? ¿Cunapachas pasjjani samarañ urusti, tupunac jisc'aptayasa, balansa pesanac jisc'aptayasina, jila alaru aljañataquejja?

Habacuc 1:16

Ucatwa chawlla caturejj känanacaparu, ansuelonacaparu yupaychejja, sacrificio loktäwinac churasa, uqhamarac inciensonacampi k'apichasa suma mank'a walja utjayatapata.

Zacarías 11:5

Alasirinacajj jan juchañchasisaw qharirapjje, aljirinacasti sapjjaraquiwa: ‘¡Yuspagaratäpan Tatituru, nayajj kamirëjjtwa!’ sasa. Awatirinac quipcans janiquiw qhuyapayasiñapajj ovejanacatjj utjquiti.

Malaquías 2:17

Diosasti karitäjjew jumanacan arunacama isch'uccäwejja; jumanacasti jisqhisisipcactawa: “¿Cunaraqui jiwasasti lurtan jiwasaru isch'uccäwi karjasiñapataquisti?” sasa. Jumanacasti sapjjaractawa: “Jan wali lurir jakenacajj Diosataquejj waliquïsquiwa, jupanacarusti Diosajj suma chuymampiw uñji” sasa. Jan ucajj cunapachatejj sapcta: “¿Cawquincaraqui chekaparu uñjiri Diosasti?” sasa ucapacha.

Malaquías 3:13

Diosasti siwa: “Jumanacasti jan wali arunacampiw nayatjja parlapjjtajja. Ucatsti sapjjaractawa: ‘¿Cunaraqui nanacasti jumatsti parlapjjtsti?’ sasa.

Lucas 10:29

Ucampis ley yatichirejj jisct'atapampi asquit uñt'ayasiñ munasinjja Jesusarojj sänwa: —¿Qhitirac jake masejjasti? —sasa.

Lucas 12:19

Ucatsti saraquïwa: Walja yänacaw jichhajj utjitu, walja maranacatac imata, ucatsti samarasï, mank'asï, umasï, cusisiraquï’ sasa.

Lucas 16:13

“Janiw qhiti sirviris pä patronarojj sirvcaspati; maynirojj uñisiniwa, maynirusti munaraquiniwa; jan ucajj maynirojj sum arcchini, maynirusti janirac yäkcchiniti. Janiw sirvipcasmati Diosampiru kollkempirojja.”

Lucas 16:15

Jesusasti jupanacarojj saraquïnwa: “Jumanacasti jakenac nayrakatanjja asquit uñt'ayasipjjtajja, ucampis Diosajj chuymanacamjja sumwa uñt'apjjtamjja. Cunatejj jakenacataqui asquïqui ucajj Diosataquejj janiw walïquiti.

Deuteronomio 8:17

“Janiraqui ucatjja chuymanacaman amuyapjjaraquimti: ‘Aca take yänacjja jiwasan ch'amanacasampiw jicjjatasisctan’ sasa.

1 Timoteo 6:17

Aca orakenquir kamirinacarojj sañamawa: “Jan jach'a jach'a tucupjjamti” sasa, janiraqui kamir cancañaparus alcatasipjjpati, ucanacasti tucusiriquiwa. Ucat sipanjja jacquiri Diosaru catuyasipjjpan, qhititejj take cunsa jilarquir churquistu cusisit jacañasataqui ucaru.

1 Timoteo 6:5

uqhamaraqui alekat jan wali amtañani jakenacampi nuwasiñasa. Janiw cuna cheka arunacsa yatquiti, jan ucasti amuyatanacapatjja saräwipajj kollke jicjjatañäcaspas uqhamawa. [Acanacatjja jithektam.]

Apocalipsis 3:17

Ucampis jumajj: Kamirïtwa sistawa, waliquïsctwa, take cunan phokt'atätwa saractawa; janiraquiw amuyasctati mä aynacht'ata jan cunanïscatamjja, juyqhuraquïtawa uqhamarus k'alalaraquïtawa.