Oseas 12:10 - Qullan Arunaca

¹⁰ “Nayaw profetanacarojj parlta, visionanacapsa yapjjataractwa, ucatsti jupanac tokeraquiw amuyt'äwinacsa uscuractjja.

Aymar Bibliia 1986

¹⁰ “Nayaw profetanacarojj parlta, visionanacapsa yapjjataractwa, ucatsti jupanac tokeraquiw amuyt'äwinacsa uscuractjja.

Qullan Arunaka DC

¹⁰ 10 (11) “Nayaw profetanakarux parlta, unañchäwinakapsa yapxataraktwa, jupanak tuqirakiw uñtasïwinak parlarakta.

Oseas 12:10 Jak'a apnaqawi uñst'ayäwi

1 Reyes 13:1

Cunapachatï Jeroboam reyejj incienso altarana naqhantayascäna, ucqhawa Betel chekaru mä profetajj Judá oraketa purinïna, Tatituna qhitanita.

1 Reyes 17:1

Elías profetajj Tisbe sat chekanquirïnwa, Galaad sat orakena, jupasti Acab reyerojj sänwa: “Juramentompiw arsta Israelan Tatit Diosap laycu, qhitirutejj yupaychcta, aca maranacanjja janiw jallojj purcaniti, ni sullasa cunapachatï nayajj siscä ucqhacama” sasa.

1 Reyes 19:10

Jupasti sänwa: “Nayajj uñjtwa jumana munasiñama take ch'amani Dios Tata, israelitanacasti juman sumancäwi arunacamjja apanucupjjewa, uqhamarac altaranacamsa allinucupjje, ucatsti espadan puntapampiwa profetanacamarojj jiwarayapjje. Naya sapaquiwa kheparjjta, jichhasti thakasipquituwa jiwayañataqui” sasa.

2 Reyes 17:13

Tatitusti Israelit jakenacarojj ewjjänwa take profetanaca qhitatanacap toke jan wali thaquinacapata cutjtanjjapjjañapataqui, cuntejj Tatitojj churcäna uca phokhapjjañapataqui camachi arunacaparu, uqhamarac take yatichäwinacata leyinaca churcäna nayra awquinacaparu sirvir profetanacap toke.

Nehemías 9:30

Walja maranacawa jupanacarojj pacienciampi uñch'uctajja, ucatsti ajayuma tokes ewjjt'aractawa, uqhamarac profetanacam tokesa; ucampis janiw ist'apcäyätamti, ucatwa catuyaractajja aca orakenquir jakenacan apnakapjjañapataqui.

Éxodo 20:2

“Nayätwa juman Tatitu Diosamajja, nayaw Egiptotjja apsunsma cawqhantejj sirviñampi t'akhesiscayäta ucqhatjja.

Jeremías 19:1

Tatitusti saraquituwa: “Saram, ucatsti ñek'et lurata mä wayucha alasiraquim, ucatsti marcanquiri jilïrinacaru, uqhamaraqui yakhepa jilïri sacerdotenacaru jawsaraquim.

Jeremías 19:10

“Ucanaca sasinsti, cawquïri jakenacatejj jumamp chicäqui ucanac nayrakatana uca ñek'et lurat wayuchamjja p'acjaraquim jisc'a jisc'a tucjasa.

Jeremías 25:4

Tatitojj jumanacarojj mayampi mayampwa profeta sirvirinacapjja qhitanipjjtam, ucampis jumanacajj janiw ist'apctati, janiraquiw jupanacan parlatanacaparusa ist'añ munapcäyätati ni uca parlatanacapsa phokhañ munapcaraquïyätati.

Jeremías 7:25

Cunapachatejj nayra awquinacapajj Egiptot mistunipcäna ucat jichhacamasti, nayajj jumanacarojj maynit mayniruwa profetanacjja qhitanipjjsma.

Ezequiel 17:2

“Jumasti chacha, Israel marcarojj mä uñtasïwi churaraquim.

Ezequiel 20:49

Nayasti ucjjarojj saractwa: “Tata, jakenacajj sapjjewa nayajj jan amuyt'caña arunacaqui parlascatajja” sasa.

Oseas 13:4

Tatitojj siwa: “Naya Tatituwa juman Diosamätjja, Egiptonccäyätasa ucqhatpacha; jan qhitirus Diosamatjja uñt'asimti, jan ucasti nayaruqui, nayaquiraquïtwa juman khespiyirimajja.

Oseas 3:1

Tatitojj wasitatwa saraquitu: “Saram ucatsti maynin munat warmiru munaraquim wachoka jucha lurirïcchi ucasa; uqhamaracwa Tatitojj israelit jakenacarojj muni, jupanacajj yakha jan uñt'at diosanacar cuttapcchi ucasa, ucatsti cuna waña uvat lurat tortanactejj loktapqui uc mank'apcchi ucasa.”

Joel 2:28

“Take acanaca khepatsti, nayajj take jakenacjjaruwa ajayojj qhitanï; yokanacamasa, phuchanacamasa nayjjatwa parlapjjani, chuymani jakenacasti samcanacwa samcapjjani, waynanacasti unañchäwinacwa uñjapjjaraquini.

Levítico 23:42

Uca pakallko urunacasti take jumanaca, cawquïrinacatejj nacïwitpacha israelitanacäpjjta ucanacasti chhujllanacanwa jacapjjäta,

Amós 7:14

Ucatsti Amós profetajj juparojj saraquïnwa: —Janiw nayajj profetäcti, ni profetan wawapäcaractsa. Nayajj uywa awatiriquïtwa, uqhamaraqui ch'umi higonac apthapisisa jacasiriquiraquïtwa.

Números 12:6

Tatitusti jupanacarojj sänwa: “Ist'apjjam cuntejj sapcäma uca arunaca. Jumanac taypintejj mä profetajj nayat parliri utjani ucqhajj nayaw jupampi parlasï; visionanac toke, uqhamarac samcanac toke jupampejj parlasiraquï.

Hechos 2:17

‘Khepa urunacansti nayaw Kollan Ajayojj take jakenacjjar qhitanï. Yokanacamasa phuchanacamasa jan uñjcañanac uñjapjjani. Chuyman jakenacasti samcanac samcasipjjaraquini.

2 Corintios 12:1

Naya pachpat jach'achasiñajjajj janiw waquisquiti, cuna unañchäwinäctï uñjcta uqhamaraqui cuna yatiyäwinactï Tatitojj churquitu, ucanacatwa parläjja.

2 Corintios 12:7

Uca uñachayäwinacasti wali muspharcañaraquïnwa, ucampis ucatjja jan nayan jach'a jach'a tucuñajjataquejj mä t'akhesiñwa nayajj catokta mä ch'aphir uñtata. Ucasti Supayan qhitapawa nayar t'akhesiyitu.