Oseas 12:1 - Qullan Arunaca

¹ “Efrainajj thaya pitaquiw sarnake; sapürusa inti jalsu toket jutiri thayaruquiw arcasqui. C'arisiñanacapampi, nuwasiñanacapampisti waliw jiljjattaraqui, Asiriampisti arust'asiraquiwa, Egiptorusti aceitenacrac apayi.”

Aymar Bibliia 1986

¹ “Efrainajj thaya pitaquiw sarnake; sapürusa inti jalsu toket jutiri thayaruquiw arcasqui. C'arisiñanacapampi, nuwasiñanacapampisti waliw jiljjattaraqui, Asiriampisti arust'asiraquiwa, Egiptorusti aceitenacrac apayi.”

Qullan Arunaka DC

¹ 1 (2) Israelax thayapitakis sarnaqkaspa ukhamawa; sapürus inti jalsu tuqit jutir thayarukiw arkaski. K'arisiñanakapampi, nuwasiñanakapampisti waliw jilxatti, Asiria markampis arust'asiwa, Egipto markarusti aceitenak apayi.”

Oseas 12:1 Jak'a apnaqawi uñst'ayäwi

Génesis 41:6

Uca khepatsti pakallko ch'usu trigo puyanacaraquiw mistunïna, inti jalsu toket jutir thayan aynacht'ayata.

2 Reyes 15:19

Ucatsti Asiria marcana Pul sat reyipawa Israel oraker catuntir jutäna. Ucatsti Manahem reyejj juparojj quimsa tunca quimsani waranka kilo kollkenaca churäna jupan apnakäwiparu ch'amañchasin yanapt'añapataqui.

2 Crónicas 21:11

Ucjjarusti jupajj Judá kollunacarojja yakha diosanacan santuarionacapwa lurayäna, ucatsti jupaw juchanïnjja Jerusalenanquir jakenacana jan sum Tatitur arcapjjatanacapatjja, ucatsti Judá marcarojj maysaruw saranucuyäna.

Salmos 78:36

Lacaquiw juparojj parlapjjäna, lajjrampisti c'arintapjjänwa,

Jeremías 2:36

¿Cunatraqui janc'aqui cawquïrinacampitejj arust'ascta ucanacsti trocañ munta? Egiptos apanucuraquiquïtamwa, cunjämatejj Asiriajj apanucctam uqhama.

Jeremías 22:22

Thayaw take jilïrinacamjja apasjjani, munirinacamasti jayaru apatäpjjaraquiniwa. Jisc'achata, p'enkachataw uñjasiraquïta take ñankhanaca luratam laycu.

Jeremías 7:15

Jumanacarusti, naya nayrakatatjja jayaruw jakonucupjjäma, cunjämatejj jilanacamaru lurctjja uqhama, Efrainan wawanacaparu.’

Lamentaciones 5:6

T'ant'a mayt'asiñataquisti Egiptonquiri, Asirianquiri jakenacaruquiw mayisjjtanjja.

Ezequiel 17:10

Wasitat ayruntapcani ucasa, janiw ch'ojjñatatcaniti, inti jalsu toket thayt'aniri thayaw wañsuyjjaraquini, cawqhantejj ch'ojjñatatañapäcän ucqhansa wañsjjaraquiniwa.’ ”

Oseas 11:12

“Efrainajj c'arimpiw muyuntitu; Israel marcasti sallkjañampiraqui. Judästi Diosatjja jithekjjaraquiwa, jichhasti yakha diosanacaruw take chuyma arcaraqui.”

Oseas 11:9

Janiw colerampi atipayascäti, janiraquiw Efrainarus tucjcäti; nayasti Diosätwa, janiw jakëcti uca laycu. Nayajj jumanac taypin utjasiri Kollana Diosätwa, janiraquiw jumar tucjiri jutcti.”

Oseas 4:15

“Jumatejj Israel marca wachoka jucha lurañan sarnakätajja, Judá marcaquisay jan juchjja lurcpati. ¡Jan jumanacajj Gilgal chekaru sarapjjamti ni Bet-avén kollurus maqhatapjjamti, Janiraqui Tatit laycusa juramento lurapjjamti!

Oseas 4:19

¡Mä thayaraquiw jupanacarojj apasjjani, yakha diosanacar yupaychapjjatapatsti p'enkasipjjaraquiniwa!”

Oseas 5:13

“Cunapachatejj Efrainajj usutätap amuyasjjani ucqhajja, uqhamarac Judästi chhojjrinacapa uñjjatasjjaraquini ucqhajja, Efrainajj Asiriaruw sarani ucanquir jach'a reyit yanapa mayiñataqui, ucampis jupajj janiw c'umaraptayancaniti, janiraquiw chhojjrinacapsa kolljjatancaniti.

Oseas 7:1

cunapachatejj marcajjar kolljjañ munta, Efrainampiru, Samariampiru ucqhajja, juchapampi jan wali luratanacapampiquiw uñsti. Takenis c'aricamaquiwa; lunthatanacjamaw, utanacarus mantasipcaqui, callenacansa jakenacatjja lluch'susipcaquiwa.

Oseas 7:11

Efrainajj ipi palomjamawa, jan amuyuni. Egiptoruw yanapjja mayi, ucatsti Asiriaruquiw sararaqui.

Oseas 8:7

Jupanacajj thaya yapuchapjje, ucatsti jach'a tutucanacwa apthapipjjaraquini: janiw cuna yapunacapas utjcaniti yawthapiñataquejja, janiraquiw jac'sa trigo puyanacatjja apsupcaniti; apsupcan ucasa, yakha marcanquiri jakenacaquiw mank'apjjani.