Oseas 11:6 - Qullan Arunaca

⁶ Marcanacapasti espadan tucjataraquïniwa, sayt'asiñ perkanacapasti tucjataraquïniwa, jupanacan pachpa amtatanacap laycu.

Aymar Bibliia 1986

⁶ Marcanacapasti espadan tucjataraquïniwa, sayt'asiñ perkanacapasti tucjataraquïniwa, jupanacan pachpa amtatanacap laycu.

Qullan Arunaka DC

⁶ Markanakapasti espadan tukjatäniwa, jupanakan pachpa amtatanakapatxa, sayt'asiñ pirqanakapas tukjatarakïniwa.

Oseas 11:6 Jak'a apnaqawi uñst'ayäwi

Salmos 106:39

luräwinacapampiw k'añuchasipjjäna, ñankha luratanacapampiw wachokapjjäna.

Salmos 106:43

Walja cutiw Tatitojj jupanacar khespiyäna: jupanacasti amtataparojj saycatapjjänwa, pachpa juchanacapampiw aynacht'apjjäna.

Isaías 18:5

Cunapachatejj uva yapunacan pankarajj pasaquipjjani, uca pankaras suma pokt'ata uvar tucjjaraquini, ucampis cosecha nayräjjajja, cuchillonacampiw layminacapjja qhuchhurapjjani, qhuchhurasinsti apanucjjapjjaraquiniwa.

Isaías 27:10

Wali suma perkantat marcasti k'ala tucjataw uñjasi, mä apanucut utjama, wasara jan jakenacani. Uywa awatisiñ chekaquëjjewa, cawqhantejj uywanacajj layminac mank'apjje, jipirt'jjapjjaraqui.

Isaías 30:1

Tatitusti saraquiwa: “¡Ay, cunaquïcan khoru wawjama sarnakapqui ucanacataquejja, jan nayar jisct'asisa cuns amtapjje, jan nayan amuyt'ayat amtäwinac waquichapjjaraqui, uqhamat juchat juchjjaru montonapjje!

Isaías 9:14

Ucatwa Tatitojj Israel marcarojj jach'a arumpi saraqui; camisatejj mä uywarojj p'ekepa, wich'inqhapa apake, uqhama, cunjämatejj maynejj palmeranaca, sokosanaca mayaqui qhuchhurejja uqhama. ¡Take ucanacsti mä urunacwa lurjani!

Jeremías 5:17

Jupanacasti yapunacamwa catuntasipjjani, t'ant'amsa mank'antapjjaraquini, imill wawanacamsa, yokall wawanacamsa mank'antapjjaraquiniwa, ovejanacamsa, vaca kallunacamsa mank'antapjjaniwa, uqhamaraqui uva yapunacamsa, higo yapunacamsa. Jumajj alcatascta uca jach'a perkani marcanacamsa armanacapampiw t'unjapjjani.”

Jeremías 50:35

Tatitu Diosajj siwa: “¡Babilonia marcaru ucan jaquir jakenacarusa nuwjatäpan! ¡Jilïrinacaparusa, yatiñani jakenacaparusa!

Lamentaciones 2:9

Marcasti jan puncuni, jan jist'catañaniw uñjasi, puncunacasti t'unjata, pampanwa liwisisipqui. Reyinacapasa, jilïrinacapasa jan Diosar uñt'ir jakenacampi chicaquëjjewa; janiraquiw Diosan leyipas utjcjjeti. ¡Janiraquiw profetanacapasa Tatitutjja uñjäwinac catokcjjapjjeti!

Ezequiel 20:47

aqham sasa: ‘Naya Tatituw arsta: Nayasti mä nina nactayaraquï, uca ninasti take kokanacwa naqhantaraquini, kawkha jakenacatejj orakeman utjqui ucanacan ajanunacapsti k'alwa naqhantaraquini, amstat kalltasina aynacha toker tucuyasa.

Oseas 10:14

jan walt'añanacaquiw jumanac taypinjja utjani, ucatsti take sayt'asiña perkanacamasa tucjatäniwa, cunjämatejj Salmán reyejj Bet-arbel marcarojj tucjcäna nuwasiñ urupanjja, cunapachatï warminacarusa wawanacapamppacha jiwarayapjjänjja uqhama.

Oseas 10:6

Uca pachpa vaca kallus Asiriaru apataraquïniwa, ucan jach'a reyiru churañataqui. Uqhamwa Efrainajj p'enkachjat uñjasini; Israelasti uca yakha diosapatjja p'enkasiraquiniwa.

Oseas 13:16

Samaria marcasti mutuyäwi catokaraquini, Dios contra sayt'asitap laycu. Espadampi jiwarayatäpjjaniwa, wawanacapasti oraker jisctascama jiwarayataraquïniwa, usur jake warminacan puracanacapas jist'ataraquïniwa.

Oseas 4:16

Israel marcajja naya contra sayt'asiriwa mä uri vaca kallur uñtata: uqhamasti, ¿Tatitojj suma pastonacaru awatiraquispati oveja wawanacäpcaspas uqhama?

Oseas 4:17

Efrainajj yakha diosanacar yupaychañaruw catuyasjje takeniw umat tama jakenacäpcaspas uqham liwirtawayapjje. Mayampi mayampwa wachoka jucha lurapjje, suma jach'añchäwit sipansti p'enkachatäñacwa munapjje.

Levítico 26:25

Jumanacjjarusti mä guerra jutayaraquëjja, ucaw jumanacarojj juchanacam uñt'asiyapjjätam nayan arust'äwi arunacajj p'aquintapjjatanacamatjja, jumanacasti marcanacamaru imantasiriw jaltjjapjjäta; ucampis nayajj jumanacjjarojj usunacwa apayanipjjäma, jumanacasti uñisiriman amparaparuw jalt'apjjaraquïta.

Levítico 26:31

jumanacan marcanacamsti, uqhamarac kollana chekanacamsa t'unjaraquïwa; uqhamarac cuntejj jumanacajj nayaru loktanipquitäta ucanacatsti janiw juc'ampi cusiscjjaraquïti.

Levítico 26:33

Jumanacarusti marcanac taypiruwa ananucupjjaraquïma, espadampiw arcnakayapjjaraquïma, jumanacan orakenacamasti nayataquejj wasararu tucutaw uñjasiraquini, marcanacamasti k'ala t'unjataw uñjasiraquini, ajjsarcaña t'unjataraquïniwa.

Amós 6:8

Tatitu quipcaw juramento lurawayi; take ch'amani Tatitu Diosasti siwa: “Uñistwa Jacobun marcapan jach'a jach'a tucutapjja, uñisiractwa palacionacapsa, marcsa, uqhamaraqui cunanacatejj ucan utjqui ucamppacha, uñisiriruraquiw catjjaruyäjja.”

Miqueas 5:11

Marcanacamsti k'alwa tucjaraquëjja, sayt'asiña chekanacamsti liwisiyaraquïwa;

Malaquías 4:1

Take ch'aman Diosasti siwa: “Cunürutejj hornjama naccani uca urojj jac'achasinquiwa, uca urusti take jach'a jach'a tucuri jakenacajja, uqhamaraqui ñankha luriri jakenacasa jichhu t'unaru uñtataw naqhantapjjani. Uca uru purincani ucapachasti take jupanacaw saphitpacha nacsutäpjjani, janiraquiw cunas jupanacatjja jilt'caniti.

Deuteronomio 28:52

“Take marcanacamaruw muyuntasina t'unjapjjaraquini, jach'a alto perkanacap tincuñapcama, cawqhanacarutejj jumanacajj iyawsañ uchapcäyat ucanaca, uqhamaraquiw muyuntapjjani, t'unjapjjaraquini take cawquïri oraktejj churctam ucanacan marcanacaparusa.

Deuteronomio 32:25

Thaquinacansa, wawanacapajj espadampi jiwarayatäpjjaniwa, uta mankhepansa ajjsarañaquiw utjani; yokall wawasa, imill wawasa jiwarapjjaniwa.