Oseas 11:11 - Qullan Arunaca

¹¹ “Egiptotsti jamach'inacjamaw qhathatisisa jutjjapjjani; Asiriatsti palomanacjamaraquiw jutjjapjjani; ucatsti wasitatwa utanacapanjja utjasiyjjä. Ucsti, naya Tatituw arsta.

Aymar Bibliia 1986

¹¹ “Egiptotsti jamach'inacjamaw qhathatisisa jutjjapjjani; Asiriatsti palomanacjamaraquiw jutjjapjjani; ucatsti wasitatwa utanacapanjja utjasiyjjä. Ucsti, naya Tatituw arsta.

Qullan Arunaka DC

¹¹ “Egiptotsti jamach'inakjamaw khathatt'asis jutxapxani; Asiriatsti palomanakjamarakiw jutxapxani; wasitat utanakapan utjasiyxä. Uksti, naya Tatituw arsta.

Oseas 11:11 Jak'a apnaqawi uñst'ayäwi

Isaías 11:11

Uca urunacanjja Tatitojj wasitatwa ch'amap uñacht'ayani, marcapat jilt'irinacaru wasitat jicjjatjjasa, Asiriatsa, Egiptotsa, Patrosatsa, Etiopiatsa, Elamatsa, Sinaratsa, Hamatatsa, kota tokenquir marcanacatsa cuttayanjjaraquiniwa marcaparojja.

Isaías 60:8

“¿Qhitinacas ucanacajja kenayar uñtata jalnakapjje, palomanacar uñtataraqui utanacaparu jalapjje?

Jeremías 31:12

“Jutapjjaniwa, ucatsti Sión kollu patan cusisiñat k'ochupjjani, cuna asquinactejj Tatitojj jupanacaru lurcani ucanacatwa cusisipjjaraquini: trigo, vino, aceite, ovejanaca, uqhamaraqui vacanacsa. Suma karpata fruta yapunacar uñtatäpjjaniwa, ch'amanacapasti janiraquiw mayampsa tucuscjjaniti.

Ezequiel 34:27

Pampanquiri kokanacasti achunac churapjjaraquini, orakes sumwa achuraquini, jupanacasti jan cuns ajjsarasaw pachpa orakepan jacasipjjani. Cunapachatejj nayajj marcajjaru t'akhesirinacapat khespiyä ucapachasti, jupanacajj yatipjjaniwa nayan Tatitütajja.

Ezequiel 34:28

Yakha marcanacasti janipuniw jupanacarojj mayampsa catuntcjjapjjaniti, janiraquiw kamakenacas jupanacarojj mank'antcjjaniti. C'uchiquiw jacasipjjani jan qhitinsa ajjsarayata.

Ezequiel 37:21

Ucatsti jupanacarojj saraquim: ‘Aqham siw Tatitojja: Israelitanacarusti, cawqui marcanacarutejj sarapqui ucatjja irpsunjjäwa, take toketwa jupanacarojj tantacht'jjaraquëjja, orakeparuw cuttayanjjaraquëjja.

Ezequiel 37:25

Cawquïri oraktejj Jacob sirvirejjaru churcta ucanwa jacapjjaraquini, cawquintejj nayra awquinacapajj jacapcäna ucana. Jupanacasa uqhamaraqui wawanacapasa, wawanacapan wawanacapasa ucanwa jacapjjani, David sirvirejjaraquiwa jupanacan jilïripäni.

Oseas 3:5

Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Oseas 7:11

Efrainajj ipi palomjamawa, jan amuyuni. Egiptoruw yanapjja mayi, ucatsti Asiriaruquiw sararaqui.

Abdías 1:17

Ucampis Sión kollojj mä kollana chekawjapunïniwa, ucanwa yakhepanacajj khespiyasipjjaraquini. Jacobon wawanacapasti orakenacapjja wasitatwa aptasjjapjjani.

Zacarías 10:10

Jupanacarojj Egiptot cutt'ayanjjaraquïwa, Asiriatsa apanjjaraquïwa, Galaad orakempiru, Líbano kollunacampiruw apjjäjja, waljätap laycojj orakes pist'aniw jupanacataquejja.

Zacarías 8:7

Nayaw marcajjarojj khespiyäjja inti jalsu tokenquir ch'amani marcata, jalanta tokenquir marcampita,

Zacarías 8:8

apanjjaraquïwa Jerusalenaru ucan jacasjjapjjañapataqui. Jupanacasti ucqhajj marcajjäjjaniwa, nayasti Diosaparaquïyäwa, take chuymampi, chekapar taripañampiraqui.”