Oseas 10:8 - Qullan Arunaca

⁸ C'ari diosanacar yupaychañ chekanacasa t'unjataraquïniwa, Israel marcasti uca chekanacanwa juch luraraquïnjja. Altaranacapansti ch'aphinacaquiw jilantjjani, jakenacasti montenacarojj: “Imantapjjeta” sapjjaniwa, kollunacarusti: “¡Nanacjjar alljjattapjjeta!” sapjjaraquiniwa.

Aymar Bibliia 1986

⁸ C'ari diosanacar yupaychañ chekanacasa t'unjataraquïniwa, Israel marcasti uca chekanacanwa juch luraraquïnjja. Altaranacapansti ch'aphinacaquiw jilantjjani, jakenacasti montenacarojj: “Imantapjjeta” sapjjaniwa, kollunacarusti: “¡Nanacjjar alljjattapjjeta!” sapjjaraquiniwa.

Qullan Arunaka DC

⁸ Yaqha diosanakar yupaychañ utanakapas t'unjatawa, Israel markasti uka chiqanakan jucha luränxa. Altaranakapansti ch'aphinakakiw jilantxani, jaqinakasti qullunakarux: “¡Imantapxita!” sapxaniwa, jisk'a qullunakarusti: “¡Nanakxar allxattapxita!” sapxarakiniwa.

Oseas 10:8 Jak'a apnaqawi uñst'ayäwi

Génesis 3:8

Diosan huerto taypin tarde thayan sarnakasquiri ist'asinjja, chachampi warmimpejj huerton kokanac taypiru imantasiriw jaltjjapjjäna, jan uñjayasiñataqui.

1 Reyes 13:2

Ucatjja Tatitun munañapatwa jach'a arumpi altar toke parläna, aqham sasa: “Altar, altar: Tatitojj aqham siwa: ‘Davidan familiapatwa mä wawajj yurini, ucasti Josías satäniwa, ucatsti juma patjjanjja yakha diosanacan santuario utanacapan sacerdotenacaparuwa sacrificiota loktani, qhitinacatejj jumjjaru incienso nact'ayapqui ucanacaru; ucatsti juma patjjarojja jakenacan ch'aqhanacapwa naqhantayapjjani’ ” sasa.

1 Reyes 13:34

Uqham luratapatwa Jeroboam reyin sarakerinacapajj jucha lurapjjäna, uqhamarac uca laycuraquiwa take tucjata uñjasiraquïna.

1 Reyes 14:16

Jeroboaman juchanaca luratapa laycuwa Tatitojj Israel marcaru catuyani, uqhamarac Israel marcaru jucha lurayatapataraqui” sasa.

2 Reyes 23:15

Nabat chachan Jeroboam yokapajj israelitanacar juch luraycäna ucasti Betel chekana mä altara, yakha diosanacan santuario utap luraycäna ucjja, Josías reyiw k'al tucjäna lak'ar tucuyañcama, ucatsti ninampiwa naqhantayäna, uqhamarac Asera diosan lantiparusa.

2 Crónicas 31:1

Take ucanaca tucuyatatjja, take israelitanacajj ucancapcäna ucanacasti sarjjapjjänwa Judá orakenquir marcanacaru, jupanacajj jisc'a jisc'wa tucjapjjäna ajjsarata kalanaca, Asera diosan lantinacapsa p'acjapjjänwa, uqhamarac diosanacan santuariopsa allthapipjjäna, take ucanaca tucjacama Judá, Benjamín orakenacana, uqhamarac Efraín, Manasés orakenacansa. Ucatwa israelitanacajj cutt'jjapjjäna marcanacaparcama, sapa maynisa orakeparcama.

Isaías 2:19

Cunapachatejj Tatitojj sartascani, aca orakerusti ajjsarañapampi phokhantcani uca urojj, jakenacajj karka p'iyanacaruw imantasjjapjjani, uqhamaraqui orak mankhanacarusa; Tatitun ajjsarcañ nayrakatapatsti imantasjjapjjaniwa, jach'a cancañapan wal khanatapata.

Isaías 2:21

Jakesti uca urojj karka p'iyanacaruw mantjjapjjani, jach'a karka p'iyanacaruraqui, Tatitun ajjsarcañ nayrakatapat imantasjjañataqui, jach'a cancañapan wal khanatapata, cunapachatejj jupajj sartani ucat aca orakerusti ajjsarañampi phokhantcani uca urojja.

Isaías 32:13

Marcajjansti ch'aphinacampi koranacampiquiw jiljjani, take marcana cusisiñ utanacana, cusisiñan cullacapa.

Isaías 34:13

Palacionacapansti ch'aphinacaw jilantjjani, athapillunacampi, cunayman yakha koranacaw perkanacapansa jilani. Kollu anunacan utjäwipaw tucjjaraquini, avestruz jach'a jamach'inacan utjäwiparaqui.

Oseas 10:2

Israelan chuymapajj payar jaljtatawa, jichhasti juchanacapatjja mutuyataraquïniwa. Tatitojj altaranacapjja t'unthapiniwa, kollana kalanacapsa pampa tucjaraquini.

Oseas 10:5

Samarianquir jakenacajj qhathatipjjewa; Bet-avén chekanquir vaca kallu chhakayasisas jachapjjaraquiwa. Uca vaca kallutjamaw wararisipqui jakenacajja, sacerdotenacasa, jach'a cancañapajj chhaktatätap laycu.

Oseas 10:9

Tatitojj siwa: “Cunapachatejj Israel marcajj Gabaa chekan juch lurañ kalltcän ucqhatjja, janiw jucha lurañapjja apanucquiti. ¡Pachpa juchanacapanwa sarnakasipcaraqui! Ucatwa jichhajj jupanacataquejj nuwasiñajj utjani, jupanacarusti jan walïpjjatapatjja guerrajj pachpa Gabaa chekanwa tucjani.

Oseas 2:6

“Ucatwa nayajj ch'aphinacampi thaquipjja jist'antä, uqhamarac thiyanacapatsa muyuntayä, jan thaquinacapa jicjjatañapataqui.

Oseas 4:13

Alto kollunacana loma patanacanwa incienso loktasipjje sacrificionac churasa; uqhamaraqui roble, álamo, encina sat kokanacan ch'iwinacapanwa loktasipjjaraqui, uqhamarus phuchanacamajj wachoka jucha lurapjje, yojjch'anacamas yakha chachanacampi sarnakapjjaraqui.

Oseas 4:15

“Jumatejj Israel marca wachoka jucha lurañan sarnakätajja, Judá marcaquisay jan juchjja lurcpati. ¡Jan jumanacajj Gilgal chekaru sarapjjamti ni Bet-avén kollurus maqhatapjjamti, Janiraqui Tatit laycusa juramento lurapjjamti!

Oseas 5:8

¡Gabaa chekanjja guerra pututu phust'apjjam, Ramá chekansti trompetraqui phust'apjjam! ¡Bet-avén chekansti p'arjjtayapjjaraquim! ¡Benjamín casta jakenacarusti: Amuyasipjjam, sapjjaraquim!

Oseas 8:5

¡Samaria, jumajj vaca kalluru yupaychcta ucajj ajjtasiyituwa! Colerasiñajjasti jupa contraraquiw sarti. ¿Cunapacharac israelitanacasti k'oma uñjasjjapjjpachäni?

Oseas 9:6

Jupanacajj t'unjatäñatjja jaltjjapjjewa: Egiptow jupanacarojj catokjjaraquini, ucatsti Menfis chekaru imantatäjjapjjaraquiniwa. Kollket lurat yänacapasti athapillumpi phokhantatäniwa, carpanacapansti ch'aphinacaw jilantaraquini.

Amós 1:5

Munquir jan munquirwa Damasco marcan puncunacapjja jist'aräjja; Bicat-avén chekan jaquirinacarus tucjaraquïwa, Bet-edén marca apnakquis ucarusa tucjaraquïwa, Sirio jakenacasti Quir marcaru preso apatäpjjaniwa” siw Tatitojja.

Amós 3:14

Cunürutejj nayajj Israel marcaru juchanacapat jaqhuta maycä ucqhajja, Betel marcan altaranacapsa t'unthapïwa; altar esquinan wajjranacapsa jawk'akatatjja orakeruw willirtaraquini.

Amós 7:9

Isaacan alto kollunacapasti tucjatäniwa, Israelan templonacapas t'unjataraquïniwa. ¡Nayasti Jeroboaman utap contraw espada aptaraquï!

Amós 8:14

Samaria marcanquir c'ari diosanacat juramento luririnacajja, qhitinacatejj sapqui: ‘Dan marcan diosap laycu,’ ‘Beerseba marcan diosanacap laycu’ sasa; ucanacajj jan mayamp sartquiriw tincurapjjani.”

Miqueas 1:13

Jumanacasti, Laquis chekan utjasirinaca, Israeljamaraquiw Diosataqui sayt'asipjjayätajja, Sionarus jumanacaraquiw jucharojj puriyapjjtajja, caballonacamjja carronacamaruy chincatapjjam.

Miqueas 1:5

Take acanacasti lurasiniwa Jacobun marcapan Diosataqui sayt'asitap laycu, Israel marcan juch luratap laycuraqui. ¿Cawquincaraqui Jacobon jucha luratapasti? ¡Samaria marcanquiwa! ¿Cawquincaraqui Jacobon yakha diosanacar yupaychaña altaranacapasti? ¡Pachpa Jerusalén marcanquiwa!

Nahúm 3:11

Jumarusti umjayapjjaraquïtamwa; ipiptataw imantasjjaraquïta, uñisirimat jaltañ munasinjja.

Lucas 23:30

Ucapachaw jakejj kollunacar aqham sañ kalltapjjani: ‘Nanacjjar alljjattapjjeta,’ lomanacarusti: ‘Imantapjjeta.’

Deuteronomio 9:21

Ucatsti uca metalat lurat vaca kallur catusinjja, cawquïrimpitï jucha luräwiru puripcatäta, ucjja ninaruw jakontäyäta, ucatsti ñut'u lak'aru tucuyasinjja kollut sarakanir jawir umaruw warantayäta.

Apocalipsis 6:16

Kollunacarus karkanacarus sapjjaraquïnwa: “¡Nanacjjaru jaljjattapjjeta, imantapjjaraquita qhititejj tronon kont'atäqui ucata, uqhamarac cuna ajjsarcañ mutuñtï Corderojj apancani ucatsa imantapjjaraquita! sasa.

Apocalipsis 9:6

Uca urunacanjja jakenacajj: Jiwaquirista, sapjjaniwa, ucampis janiw jiwjja jicjjatapcaniti. Jiwañ munapcani ucqhasa, jiwajj jupanacatjja jaltjjaniwa.