Oseas 10:4 - Qullan Arunaca

⁴ Parlac parlasapänjja, inamayaquiraquiw cunsa parlasapänjja arust'äwinacsa firmasapänjja; cheka cancañapasti veneno alir uñtataquïsapänwa cunjämatejj uca alejj yapu taypin jili uqhama”.

Aymar Bibliia 1986

⁴ Parlac parlasapänjja, inamayaquiraquiw cunsa parlasapänjja arust'äwinacsa firmasapänjja; cheka cancañapasti veneno alir uñtataquïsapänwa cunjämatejj uca alejj yapu taypin jili uqhama”.

Qullan Arunaka DC

⁴ Parlak parlaspaxa, inamayakiw kunsa parlaskaspaxa, arust'äwinaksa sutipampix qillqxataskaspawa; ukampis chiqa kankañapax jiwayir alir uñtatakïspawa kunjämatix uka alix yapu taypin jilki ukhama”.

Oseas 10:4 Jak'a apnaqawi uñst'ayäwi

Isaías 5:7

Take ch'amani Tatitun uva yapupajja, suma munat yapupajja, Israel marcawa, Judá marcawa. Tatitusti jupanacatjja munaraquïnwa leyipajj ajjsaratäñapa, ucampisa jake jiwayañanacacwa jicjjatejja; cheka luräwinacwa suyaraquïnjja, ucampisa t'akhesiñat warariñanacacwa jicjjataraquejja.

Oseas 4:2

C'ari juramentompi, c'arisiñampiquiw utjasqui, jake jiwayañampi, lunthatasiñampi, wachoka jucha lurañampi, nuwasiñampi; jakenac puraw jiwarayasisipcaraqui.

Oseas 6:7

“Ucampis marcajjajja Adán chachjamaraquiw arsutajjarojj jan phokquiti, janiraquiw nayatacjamäcaraquisa.

Amós 5:7

¡Ay cunaquïcani jumanacataquejja leyinacajjsa c'allc'uru tucuyapjjatamatjja, uqhamaraqui cheka uñjäwsti taquichasipjjatamata!

Amós 6:12

¿Caballonacajj karkanac pataru misttapjjaspati? ¿Kotanjja kholliñajj waquisispati? ¡Ucampis jumanacajj cheka uñjäwjja venenoruw tucuyapjjtajja, uqhamarac asqui luräwin achupsti c'allc'ururaqui!

Hechos 8:23

Nayajj yatsmawa juman chuymamajj sinti jucha lurañamp phokhantatawa, uqhamarac ñankha luräwinacampi ñach'antataraquïtawa.

Romanos 1:31

jan amuyt'irinaca, cuntejj arsqui ucar jan phokherinaca, jan qhuyapayasirinaca, jan jake masiparus perdonirinaca, jan munasiñ chuymaniraqui.

Deuteronomio 29:18

Jan jumanac taypinjja utjcpanti ni chachasa, warmisa, ni familiasa, ni tribusa, Tatitu Diosaru apanucurejja, uca marcanacan yakha diosanacar yupaychasa. Jan jumanacat cawquïrisa mä alin c'allc'u, uqhamaraqui venenoni saphipjamäpati.

Deuteronomio 31:16

Ucapachasti Tatitojj Moisesarojj sänwa: “Niyaw jumajj jiwjjäta, aca marcajj naya contra sayt'asisajj yakha diosanacaruwa arcapjjani cawquïri oraktejj catupcani ucanjja; ucapachasti jupanacajj nayarojj apanucupjjetaniwa, uqhamaraquiw suma arust'äwiru jupanacampi mantapcta ucsa p'aquintapjjani.

Deuteronomio 31:17

Ucampisa nayan colerasiñajjaw jupanac contra sartani, jupanacarus apanucuraquïwa; janiraquiw jupanacatjja cunansa amtascäti. Waliraquiw jan walt'añanacasa, llaquinacasa jupanacjjaru jutani, ucatsti sapjjaniwa: ‘¿Jiwasan Tatitu Diosasasti janiti jiwasanacampïcjje, ucatti aca t'akhesiñanacan jicjjatastanjja?’ sasa.

2 Timoteo 3:3

Jan munasiñanïpjjaniwa uqhamarac jan qhuyapayasiñani, arunac apnakerinaca, jan wali luräwinacapjja janiw apanucupcaniti, wali khorunacäpjjaniwa, asqui luräwinacan uñisirinacaparaquïniwa.

Hebreos 12:15

Amuyasipjjamay takenis Diosan yanapt'apa catokapjjañamataqui, jan jumanacata maynisa cunjämatejj mä jan wali c'asc'a korajj mayninaca jan walt'ayqui, uqhamäpjjamti.