Oseas 10:13 - Qullan Arunaca

¹³ Ucampis jumanacajj ñankhac yapuchapjjtajja, cunatejj jan chekäqui ucacrac apthapipjjtajja, c'ari achunacacracwa mank'apjjtajja. “Jumanacajj guerrar sarir carronacamaru, uqhamarac walja soldadonacamaru iyawsapjjatam laycojja,

Aymar Bibliia 1986

¹³ Ucampis jumanacajj ñankhac yapuchapjjtajja, cunatejj jan chekäqui ucacrac apthapipjjtajja, c'ari achunacacracwa mank'apjjtajja. “Jumanacajj guerrar sarir carronacamaru, uqhamarac walja soldadonacamaru iyawsapjjatam laycojja,

Qullan Arunaka DC

¹³ Ukampis jumanakax ñanqhak yapuchapxtaxa, kunatix jan chiqäki ukakarak apthapipxtaxa, k'ari achunakak manq'apxtaxa. “Jumanakax nuwasiñar sarir carronakamaru, walja soldadonakamar alkatapxatamatxa,

Oseas 10:13 Jak'a apnaqawi uñst'ayäwi

Job 4:8

Nayarojj sarnakäwiwa yatichitu, qhitinacatejj ñankha lurañanacan sarnakapqui ucanacajj cuntejj yapuchapcäna ucacracwa apthapipjje.

Salmos 33:16

Janiw cawquïr reyis jach'a nuwasir tamanïtap laycu atipquiti, janiraquiw nuwasir jakes wali ch'amanïtap laycu khespquiti,

Salmos 52:7

“Uñtapjjam, jan ajjsarir jakeru, Diosar jan iyawsañ munir jakeru, kamir yänacaparojjay alcatchïnjja, ñankha lurañanacapanjjay jach'achaschïnjja” sasa.

Salmos 62:10

Ch'ajjwañanacarojj jan wayusipjjamti; janirac lunthatasiñar chuym catuyasipjjamti; kamiris tucusipcätajja, kollker jan alcatapjjamti.

Proverbios 1:31

¡Ucatsti jumanacajj jan wali sarnakapjjatanacamatjja t'akhesiñwa catokapjjäta! Ñankha amtatanacamampisti amjayasipjjätamwa.

Proverbios 12:19

Qhititejj chek parlqui ucan arunacapajja wiñayataquiwa, ucampis qhititejj c'ari parlqui ucan arunacapajja mäquiwa chhaktawayjje.

Proverbios 13:2

Asqui jakejj parlatapatjama catokani, ucampis ñankha jakejja jan walinaca lurañacpun munasqui.

Proverbios 19:5

C'ari testigojj, c'ari arunac parlir jakesa mutuyatapunïniwa; janiw cunjämatsa jaltcaniti.

Proverbios 22:8

Qhititejj jan walinaca lurqui ucajja, jan walinacwa catokaraquini; ¡juparusti Tatituw tucjani colerasiñapampi, jach'a cancañapampi!

Eclesiastés 9:11

Aca orakenjja yakhampwa uñjta, t'ijuñanjja janiw wali t'ijurinacapuniti atipt'apquejja, jan ajjsaririnacapunisa nuwasïwina atipjapquejja; janiw yatiñanïpqui ucanacapuniti t'ant'anïpquejja, ch'iqhinacapuniti kamirïpquejja, suma yatichatanacapunisa suma catokatäpquejja; jan ucasti horasajj jan walt'añajj takeniruw puri.

Isaías 17:11

ayruntcta uca urusti sum uñjaractajja, khepürpacharaquiw uca alinacajj misturanjje. Ucampis cunapachatejj usojj jutani jan kollcañjama, uca urojj k'alaw cosechajj chhaktani.

Oseas 11:12

“Efrainajj c'arimpiw muyuntitu; Israel marcasti sallkjañampiraqui. Judästi Diosatjja jithekjjaraquiwa, jichhasti yakha diosanacaruw take chuyma arcaraqui.”

Oseas 4:2

C'ari juramentompi, c'arisiñampiquiw utjasqui, jake jiwayañampi, lunthatasiñampi, wachoka jucha lurañampi, nuwasiñampi; jakenac puraw jiwarayasisipcaraqui.

Oseas 4:8

Marcajjan juchan luratapatwa mank'apjjejja; ucatwa jakenacajjan juc'ampi jucha lurapjjañapa munapjjejja.

Oseas 7:3

“Marcajjajj ñankha luräwinacapampi, c'arisiñanacapampejj reyirus, jilïrinacaparus cusisiyiwa.

Oseas 8:7

Jupanacajj thaya yapuchapjje, ucatsti jach'a tutucanacwa apthapipjjaraquini: janiw cuna yapunacapas utjcaniti yawthapiñataquejja, janiraquiw jac'sa trigo puyanacatjja apsupcaniti; apsupcan ucasa, yakha marcanquiri jakenacaquiw mank'apjjani.

1 Samuel 24:14

Uqhamarusa, ¿qhitin khepapsa Israelan reyipajj mistunejja? ¿Qhitirus arcnakasquejja? ¡Nayaru, qhititejj mä anu jiwatjamäcta, mä c'utiru uñtataquiraquïtwa!