Oseas 1:11 - Qullan Arunaca

¹¹ Ucapachawa Israel marcanquir jakenacampi, Judá marcanquir jakenacampejj mayacht'asjjapjjani, ucatsti mä sapa jilïriruwa utt'ayasjjapjjani, take toketsti Jerusalén marcarcamaraquiw cuttanjjapjjani. ¡Jezreelan urupasti wali jach'apunïniwa!

Aymar Bibliia 1986

¹¹ Ucapachawa Israel marcanquir jakenacampi, Judá marcanquir jakenacampejj mayacht'asjjapjjani, ucatsti mä sapa jilïriruwa utt'ayasjjapjjani, take toketsti Jerusalén marcarcamaraquiw cuttanjjapjjani. ¡Jezreelan urupasti wali jach'apunïniwa!

Qullan Arunaka DC

¹¹ 11 (2) Ukapachaw Israel markankir jaqinakampi, Judá markankir jaqinakampix mayacht'asxapxani, mä sapa jilïr irpirik utt'ayasxapxani, taqi tuqitsa Jerusalén markarkamaw kuttanxapxani. ¡Uka urusti wali jach'a urupunïniwa!

Oseas 1:11 Jak'a apnaqawi uñst'ayäwi

Salmos 110:3

Marcamajj atipt'añam urunjja, jumaruw catuyasjjätam. Kollan kollunac patjjanjja, willjta sullar uñtataw wayna cancañamajj sapür machakaptani.”

Jeremías 30:21

Jupanac taypitaracwa mayni jilïrejj mistuni, jupanacar apnakeriraquiw maynejj jupanac taypit mistuni. Nayaruw jac'achasiyaniraquëjja; ucampisa, ¿qhitis nayaru jac'achasiniñ munaspajja? Jupanacajj marcajjäniwa, nayasti Diosaparaquïyäwa. Naya Tatituw ucjja arsta.”

Jeremías 30:3

mä uruw purinini, cunapachatejj nayan Israel marcajjasa uqhamaraqui Judá marcajjasa mayjt'ayatäjjani ucajja. Naya, Tatituw, arsta. Cawquïri oraktejj nayajj nayra awquinacaparu churcta uca orakeruw jupanacarojj cuttayjjä” sasa.

Jeremías 30:7

¡Mä ajjsarcañ uruw jac'achasini, uca urjamasti janiw yakha urojj utjquiti! Uca urusti Jacobon marcapataquejj mä llaquiscañ urüniwa, ucampisa, nayaw jupanacarojj khespiyaraquï.

Jeremías 31:33

Cuna arust'äwtejj qhaya urun Israelampi lurcä ucajj aqhamäniwa: Nayan leyinacajjsti chuymanacaparuw uscü, p'ekenacaparuw kellkantaraquï. Nayasti jupanacan Diosapäyäwa, jupanacasti nayan marcajjaraquïniwa. Naya Tatituw ucjja arsta.

Jeremías 32:37

Nayaw jakenacaparojj take marcanacat anthapinjjä, cawquïri marcanacarutejj ananuccta ucanacata, cunapachatejj nayajj jupanacataqui sinti coleratäcäyät ucapacha. Nayasti jupanacarojj aca pachpa orakeruw cuttayanjjä ucan c'uchiqui jacasjjapjjañapataqui.

Jeremías 50:19

Israel marcarusti cutt'ayanjjaraquïwa orakeparojja. Carmelo orakensa, Basán, Efraín kollunacansa, uqhamarac Galaad oraken walja pastonacani ovejar uñtatäniwa.

Ezequiel 39:25

Ucatpï jichhajj Tatitojj sejja: “Jichhajj take Israel marcpachatwa qhuyapayasëjja, take Jacobon wawanacapata. Jichhajj Israelan sarnakäwipajj sumäjjaniwa, uqhamat wayt'añajjataqui nayan kollan sutejjajj suma uñjatäñapataqui.

Oseas 2:1

Ucapachaw jumanacajj jilanacamarojj sapjjäta: “Diosan marcapa” sasa, cullacanacamarusti: “Qhuyapt'ayata” sasaraqui.

Oseas 3:5

Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Romanos 11:15

Judionacajj uqham apanucuta uñjasitap laycutï yakha marcanquirinacajj Diosampejj sumancañar purchi ucajja, ¿cunjämaraquïspa jupanacajj wasitata catokatäjjaspa ucqhasti? Ucajj jiwatanacata jactañäcaspas uqhamawa.