Números 5:3 - Qullan Arunaca

³ Uca casta jakenacarojj campamentotjja ankaru jakonucupjjpan, chachäpasa, warmïpasa. Uqhamatsti janiw campamentoru k'añu tucuyapcaniti, nayan uca campamenton jacascatajj laycu.”

Aymar Bibliia 1986

³ Uca casta jakenacarojj campamentotjja ankaru jakonucupjjpan, chachäpasa, warmïpasa. Uqhamatsti janiw campamentoru k'añu tucuyapcaniti, nayan uca campamenton jacascatajj laycu.”

Qullan Arunaka DC

³ Chachäpasa, warmïpasa campamento anqar jaqunukupxpan. Ukham lurasax janiw campamentor q'añu tukuyapkaniti, nayan jupanak taypin jakatax layku.”

Números 5:3 Jak'a apnaqawi uñst'ayäwi

1 Reyes 7:3

Aca viga maderanacasti pusi tunca pheskanïnwa, ucasti quimsaru jaljatänwa sapa mayajj tunca pheskancama, ucatsti takjjatayapjjänwa uca sayt'ayata maderanacaru. Viga maderanacjjarusti cedro maderata c'achachatanacampi luratänwa.

Salmos 68:18

Diosay, alajjpacharuw maqhattajja, catuntat jakenac anaquisa; churäwir uñtat jakenac catokastajja. Tatay, jumar kallcatir jakenacamppachaw jumar maqhatjjapjjtamjja.

Éxodo 25:8

Nayataquisti mä kollana utjäwi lurarapipjjetäta, ucan nayajj jacañajjataqui.

Éxodo 29:45

Uqhamaraqui nayajja israelitanac taypinwa jacäjja, nayawa jupanacan Diosapäyäjja.

Isaías 12:6

Sionan utjasiranaca, cusisiñat arnakasipjjam, Israelan Kollan Diosapajj jumanac taypincatapata, take acapachan jach'a ch'amapampi.”

Levítico 14:8

“Uca k'omachasiri jakesti isinacapjja t'ajjsokasjjañapawa, jupa pachpasa jarekasjjañaparaquiwa, uqhamarac k'alwa ñic'utapsa mururasiñaparaqui, uqhamat k'oma uñjasjjañapataqui. Uca khepatsti puedjjaraquiniwa campamentoru mantawayjjaña, ucampisa pakallko urunacampiw carpapat ankäjjana jacaraquini.

Levítico 15:31

Uqhamatwa jumanacajj israelitanacatjja take k'añunacjja jayaru apanucjjapjjäta, jan jiwarapjjañapataqui cawqhantejj nayajj utjcta uca cheka k'añuchapjjatap laycu.”

Números 16:3

Take jupanacaw tantachasisinjja Moisesana Aaronampina nayräjjaparu uñstapjjäna, aqham sasa: —¡Jumanacaquiw take cunsa lurasipctajja! Takpach marcaw Tatitu Diosar catuyata, Tatitusti take nanacampïscaraquiwa. ¿Cunatsa jumanacajj mä jilïrinacjama Tatitun marcapjjaru sartapjjta? —sasa.

Números 19:22

Take cuntejj k'añu jakejj llamct'cani ucajj k'añuchatäniwa, cawquïritejj mä k'añu jaquir llamct'cani, ucasti k'añuchataraquiw jayp'ucam uñjasini.”

Números 35:34

“Janiraqui k'añuchapjjamti cawquïri orakentejj jacapcta ucarojja, cawqhantejj nayas jaccä ucarojja, naya Tatitojj israelitanac taypin jacascatajj laycu.”

Números 5:4

Israelitanacasti jaysapjjaraquïnwa cuna arunactï Tatitojj Moisesaru churcatayna ucarojja, ucatsti take uca casta jakenacaruw campamentot jakonucupjjäna.

Deuteronomio 23:14

Jumanacan Tatitu Diosamasti jumanac taypinwa sarnake, campamento chekana, jumanacar imañataqui uqhamata uñisirinacamar atipjayañataqui, ucat sipansa jumanacan campamento utamajj kollanäñapawa, uqhamata Diosajj jan cuna k'añunac uñjañapataqui; janitejj uqhamäcaspa ucqhajj Diosajj janiw jumanacampïcaspati.

Deuteronomio 23:15

“Cawquïri esclavotejj patronapat jaltanisina imantasiña mayipjjätam ucapachajj jan jumanacajj nayrïri patronapar catuyapjjamti.

2 Tesalonicenses 3:6

Jilatanaca, ewjjt'apjjsmawa Tatit Jesucristosan sutiparu, jithektapjjam cawquïr jilatatejj jan irnakañ munqui ucatjja, uqhamarac cuntejj nanacajj yatichapjjsma ucarjama jan sarnakañ munirinacatjja.

Tito 3:10

Maynitejj iglesian jan walt'aycchi jaljtayasa, ucarojj mä pä cuti ewjjt'am, ucattejj jan ist'ätam ucqhajja, ankar jakonucjjam.

Apocalipsis 21:27

Janipuniw uca marcarojj cuna k'añus mantcaniti, ni qhiti jan walinacasa, uqhamarac sallkjañanaca luririsa. Qhitinacatejj Corderon jacañ libropan kellkatäquis ucanacaquiw uca marcarojj mantapjjani.

Apocalipsis 21:3

Ucatsti mä jach'a aru ist'aracta alajjpachat art'asiniri: “¡Acajjay, Diosajj jichhajj jakenac taypinwa jaqui! Jupanacampiw jacani, jupanacasti marcapäniwa. Dios quipcaraquiw jupanacampïni, jupanacan Diosaparaquïniwa.