Números 31:6 - Qullan Arunaca

⁶ Moisesasti qhitänwa nuwasiñataquejj Finees sat Eleazar sacerdoten yokapampi chica, cawquïritejj kollana yänaca, uqhamarac trompetanaca apcäna nuwantañ kalltapjjañapataqui.

Aymar Bibliia 1986

⁶ Moisesasti qhitänwa nuwasiñataquejj Finees sat Eleazar sacerdoten yokapampi chica, cawquïritejj kollana yänaca, uqhamarac trompetanaca apcäna nuwantañ kalltapjjañapataqui.

Qullan Arunaka DC

⁶ Moisesasti jupanakar nuwasïwiruw khithäna, Finees chachamp chika, Eleazar sacerdoten yuqapa. Finees chachax qullan yänak apäna, nuwasïwi qallantañ yatiyañatakisti trompetanak aparakïna.

Números 31:6 Jak'a apnaqawi uñst'ayäwi

2 Samuel 11:11

Uriasasti saraquïnwa: —Tatitun arcapasa, israelita soldadonacasa uqhamaraqui Judá soldadonacasa ramanac mankhanacwa iquipjjejja; uqhamaraqui Joab jilïrejjasa, juma jach'a reyin oficialanacamasa, pampanacanacwa iquipjjejja, ¿ucatti nayasti utajjaru sarästi ucan mank'asiñataqui, umañataqui, uqhamaraqui warmejjampi iquiñataquiraqui? ¡Juma jach'a reyin sutimjjaruw arsta, janipuniw utajjarojj sarcäti! —sasa.

Esdras 7:5

Abisúa, Finees, Eleazar, uqhamarac Aarón kallta sacerdotetaraqui.

Éxodo 25:9

Ucampis uca utjäwjja, uqhamarac take yänacapsa cunjämtejj nayajj uñacht'aycäma uqhamarjamaw luräta.

Números 14:44

Ucatsipansa jupanacajj jan ist'asisajj maqhatasipcaquïnwa, alay kollu chekanacarojja, ucampisa Tatitun sumancayiri arcapasa, Moisesasa janiw campamentotjja onjjtapcänti.

Números 31:5

Uqhamaw sapakat tributjja waranka jakenac ajllipjjäna, junturusti tunca payan waranka jakenacaw nuwasiñatac sarthapipjjäna.

Deuteronomio 20:2

Cunapachatejj nuwasiñ horasajj purinini ucqhajj sacerdotejj takpach ejercitoruw parlani,

Josué 22:13

Ucatsti israelit jakenacajj Eleazar sacerdoten, Finees yokaparuw qhitapjjäna Galaad oraker sarañapataqui, cawqhantï jicjjatasipjjäna Rubén, Gad, uqhamaraqui chicat Manasés tribunacajj ucaru.

1 Samuel 14:18

Ucürusti Diosan efod sat isipajj israelitanac taypincascänwa, ucat Saúl reyejj Ahías jakeru saraquïna: “Acar apanim uca Diosan efod sat isipa” sasa.

1 Samuel 23:9

Ucampisa, Davidajj Saúl reyin uqham nuwantaña amtatap yatisinjja, Abiatar sacerdoterusti efod isip mayiraquïna aptaniñapataqui, ucat Tatituru jisct'añataqui.

1 Samuel 4:17

—Israelitanacajj filisteonacan nayrakatapatjja jaltjjapjjewa. Uqhamarus jakenacajj waljaniw jiwaratäpjjaraqui, Ofni, uqhamarac Finees sat pani yokanacamas jiwatäpjjaraquiwa, Diosan arcapasti filisteonacan amparapancaraquiwa —sasaw uca jakejj saraquïna.