Números 31:23 - Qullan Arunaca

²³ take cawquïrinacatejj ninataqui ch'ollkhëqui ucanacsti ninaru apantasinwa k'omachapjjäta, ucatsti k'omachir umampiw jarekjjapjjäta. Ucampisa cawquïrinacatejj jan ninatac ch'ollkhëqui ucanacjja k'omachir umampiw jarekapjjäta.

Aymar Bibliia 1986

²³ take cawquïrinacatejj ninataqui ch'ollkhëqui ucanacsti ninaru apantasinwa k'omachapjjäta, ucatsti k'omachir umampiw jarekjjapjjäta. Ucampisa cawquïrinacatejj jan ninatac ch'ollkhëqui ucanacjja k'omachir umampiw jarekapjjäta.

Qullan Arunaka DC

²³ ninatak ch'ullqhïki uka yänakxa, ninar apantasin q'umachapxäta, ukatsti q'umachir umampiw jariqxapxäta. Ukampis ninatak jan ch'ullqhïki uka yänaksti, q'umachir umampikiw jariqapxäta.

Números 31:23 Jak'a apnaqawi uñst'ayäwi

Éxodo 19:10

Tatitojj Moisesarojj sascaquïnwa: —Saram, ucatsti marcaru waquichanim jichhüru, kharüru jupanacajj k'omachasipjjpan, uqhamarac isinacapsa t'ajjsusipjjaracpan.

Éxodo 19:14

Moisesajj kollutjja sarakanjjänwa israelit jakenacaru waquichañataqui, Diosaru catuyasipjjañapataqui; uqhamarac israelitanacajj isinacapjja t'ajjsusipjjänwa.

Isaías 43:2

Umanjam maqhatañamächejja, nayaw jumampïscäjja, jawiranac maqhatañamächejja, janiw jalantasin jiwcätati; ninanjam pasañamächejja, janiw naqhantcätati, ninas janiw jumanjja naccaniti.

Levítico 11:32

“Uca quipcaraquiwa uca jiwat animalanacatejj mä cunjjarusa liwjjattani ucajja k'añuchataw uñjasjjaraquini. Maderat lurata yänacäpasa, mä isïpasa, jan ucajj lip'ichïpasa, mä costaläpasa, jan ucajj mä cuna herramientäpasa, ucasti umaru uscuntatäñapawa, ucatsti jayp'ucama k'añuraquiw uñjasini; uca khepatwa k'omäjjaraquini.

Levítico 15:17

“Cuna isinacjjarutejj, jan ucajj mä lip'ichjjarusa uca jaken jathapajj ch'akjjatcani, ucasti umampi t'ajjsokatäjjañapawa ucanacasti k'añut uñt'atäjjaraquiniwa jayp'thapcama.

Zacarías 13:9

Uca jilt'iri parterusti nina tokeracwa pasayäjja, cunjämatejj kollkejj k'omachañäqui uqhamaracwa k'omachäjja, Cunjämatejj korejj k'oma tucuyañäqui uqhamaracwa k'oma tucuyäjja. Ucqhaw jupanacajj nayar art'asipjjetanejja, nayasti jaysaraquïwa. Saraquïwa: ‘Nayan marcajja’ sasa. Jupanacasti sapjjaraquiniwa: ‘Tatituw jiwasan Diosasajja’ sasa. Naya Tatituw ucjja arsta.”

Números 19:17

“Uqhama k'añunquirinacataquejj mä juc'a khella apthapisini, cawquïri vacatejj juchanacat sacrificiotaqui churatäqui ucata, ucsti mä vasijaruw uchani, suma k'oma jalsur umampiraquiw warjjatasini.

Números 19:9

Mayni k'omachat jakesti, naqhantayat vacan khellanacap apjjaruwayasinjja, mä k'oma chekaruw uchanini campamentot ankäjjaru. Uca khellatsti Israel marcajj k'omachasir umwa waquichapjjani. Take ucanacasti juchanacat sacrificiöniwa.

Números 31:22

Take korita, kollketa, bronceta, hierrota, estañota, plomota lurat yänaca,

Números 31:24

Pakallko urusti isinacam t'ajjsusipjjäta, ucatsti k'omachatäjjapjjätawa. Ucat campamentorojj mantjjapjjaraquïtawa.

Números 8:7

Uca k'omachäwsti aqham lurapjjäta: Jumaw ch'allaquipäta k'omachasiñ umampi, ucatsti jupanacajj janchipan ñic'utanacapsa take qhuchhurasipjjani, isinacapsa t'ajjsurasipjjaraquini, uqhamatwa k'omachatäpjjani.

Mateo 3:11

Nayasti chekpachansa umampiw bautisapjjsma, jumanacar arrepientisir uñjasina, ucampis qhititejj nayat khepajja jutcani ucajj Kollan Ajayumpi, ninampiraquiw bautisapjjätam. Jupapï nayat sipan juc'ampi ch'amanejja, nayasti jupan wisqhup apañataquis janiw asquïcti.

1 Corintios 3:13

Sapa maynin luräwipasti taripañ urunwa sum uñstjjani. Uca urojj ninampiwa sapa maynin luräwipajj yant'atäni, uca ninaraquiwa khanstayani cunjämas sapa maynin luräwipajj ucjja.

Efesios 5:26

Acjja iglesiaru Diosatac yakhachasawa luri, umampi uqhamarac arupampi k'omachasina,

1 Pedro 1:7

Jumanacan iyawsañanacamasti mä korir uñtataw ninampi yant'atäñaparaqui. Cawquïri iyawsañatï uca yant'anaca pasqui ucasti uca tucusir korit sipansa juc'ampi jila alaniwa. Uqhamatpï jumanacan iyawsañanacamajja, yant'atäsinjja sumat uñt'atänejja, jach'aru aptataraquïniwa cunapachatejj Tatit Jesucristojj jutcani ucapachajja.

1 Pedro 3:21

Uca umasti bautismo umaruw uñtasejja, uca tokeraquiw jichhajj khespitätanjja. Uca bautismosti janiw janchi k'omachañataqui asquïquiti, jan ucasti Diosat mä k'oma chuyma mayiñanquiwa; Jesucriston jactäwip tokeraquiw khespitätanjja,

1 Pedro 4:12

Munat jilatanaca, jan mayjt'asipjjamti uca jach'a yant'anaca jumanacjjaru jutatapatjja, mä cuna jan walis jutcaspa uqhama.

Apocalipsis 3:18

Ucatpï nayajj amtt'aysmajja ninar nacsuyata suma kori puro nayat alt'asiñamataqui, uqhamat chekpacha kamirïñamataqui, nayataraqui jank'o isi alasiñamataqui uca p'enka k'alal sarnakatamaru isjjatasiñamataqui, uqhamarac colirio sat kollsa nayramar ch'akt'ayasiñataqui, uqhamata uñjañamataqui.