Números 29:12 - Qullan Arunaca

¹² “Pakallko phajjsit tunca pheskan uru sarakquipanjja, jumanacasti mä k'oma tantachasïwi lurapjjäta. Uca urusti janiraquiw cuna casta irnakañanacsa lurapjjätati. Pakallko urunacaw Tatitun jach'a cancañaparu fiesta amtapjjäta.

Aymar Bibliia 1986

¹² “Pakallko phajjsit tunca pheskan uru sarakquipanjja, jumanacasti mä k'oma tantachasïwi lurapjjäta. Uca urusti janiraquiw cuna casta irnakañanacsa lurapjjätati. Pakallko urunacaw Tatitun jach'a cancañaparu fiesta amtapjjäta.

Qullan Arunaka DC

¹² “Paqallqür phaxsina, tunka phisqan uru saraqatarusti, jumanakax qullan tantachasïwi lurapxäta. Uka urux janiw kunanaksa irnaqapxätati. Paqallqu uruw Tatitun jach'a kankañapar jach'añchasa uruyapxäta.

Números 29:12 Jak'a apnaqawi uñst'ayäwi

1 Reyes 12:32

Uqhamarus uñstayaraquïnwa fiesta luraña diosanacapataqui, quimsakallko phajjsïrina tunca pheskani uru sarakataru, cunjämatï Judá oraken fiestajj lurasirïqui uqhama, jupa pachparaquiw altarana sacrificionaca loktirïna. Ucsti Betel chekanwa luräna, vaca kallunaca luraycäna ucanacaru sacrificionaca loktasina. Ucjjarusti Betel chekanjja sacerdotenacwa utt'ayaraquïna, yakha diosanacataqui santuario utanaca luraycäna ucanacataqui.

Esdras 3:4

Ucjjarusti Chhujllanaca luraña fiestwa lurapjjäna, cunjämatï leyin kellkatäcäna uqhamaru, sapüruraquiw nact'at loktäwinaca loktapjjerïna, cunjämtï lurapjjirïcäna, sapürus cawkhay munaschi uqhamarjama,

Nehemías 8:14

Jupanacajj jicjjatapjjänwa uca leyi libronjja, Diosajj Moisés toke arscatayna lurañataqui, pakallköri phajjsi fiesta urunacanjja israelita jakenacajj chhujlla mankhena jacapjjañapäqui ucjjata.

Nehemías 8:18

Uca fiestjja lurapjjänwa pakallk uru, nayrïr uruta kalltasina khepa urucama, Esdrasasti sapüruwa librota Diosan leyipa leet'erïna; ucatsti quimsakallkör urunsti mä jach'a asqui tantachasïwiwa utjäna, cunjämtï lurañäcäna uqhama.

Éxodo 23:16

“Ucjjarusti luraraquïtawa fiestjja cosecha apthapiñ kalltañataqui, cunapachatejj yapunacamata nayrïr achunaca apscäta ucqha. Ucjjarojj luraraquïtawa fiestjja mara tucusiru, cunapachatejj jumajj yapunacamata take cosecha apthapiña tucuyjjäta ucqha.

Éxodo 34:22

“Semana fiestjja lurapjjaraquïtawa trigona nayrïr achunacapa apakcasina, uqhamarac mara tucusejja cosechanac apthapisajj lurapjjaraquïtawa.

Ezequiel 45:25

“Cunapachatejj Chhujllanacan fiestanaca lurapjjäta ucapachasti cunatejj tunca pheskani uru sarakataru pakallköri phajjsina lurasqui, marca apnakerejj pakallko urunacaraquiquiw sacrificionac jucha luratanacatjja loktaraquini, nayrïri loktäwinjja kawkha uywanactejj Tatitur sacrificion loktcäna uqhamaraqui granonacatsa, aceitetsa kawkhtejj churcän ucqharaquicwa churaraquini.

Levítico 23:7

Kallta urusti mä kollana tantachasïwi lurapjjäta. Uca urusti janipuni cuna casta irnakañanacsa lurapjjamti.

Números 29:1

“Pakallko phajjsin kallta urupanjja, jumanacasti mä k'oma tantachasïwi lurapjjäta. Uca urusti janiraquiw cuna casta irnakañsa lurapjjätati, ucatsti uca urjja trompetanac phust'asaw yatiyapjjäta.

Números 29:13

Kallta urusti Tatitu Diosarojj loktapjjätaw, mä suma k'apquir nact'ayat ofrendjamjja, tunca quimsani vaca kallunaca, pä orko ovejanaca, uqhamarac tunca pusin mä marani orko oveja kallunaca, jan cuna usuchjata.

Números 29:35

“Quimsakallko urusti mä jach'a fiestwa lurapjjäta; uca urojj janiraquiw cuna casta irnakañanacsa lurapjjätati.

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.