Números 28:26 - Qullan Arunaca

²⁶ “Nayra achunacan fiestapanjja, cunapachatejj Tatitu Diosarojj machak cosechanacaman achunacap loktasipcäta, Semanas sat fiestapana, ucqhajj mä k'oma tantachäwi lurapjjaraquïta. Uca urusti janiw cuna casta irnakañanacsa lurapjjätati.

Aymar Bibliia 1986

²⁶ “Nayra achunacan fiestapanjja, cunapachatejj Tatitu Diosarojj machak cosechanacaman achunacap loktasipcäta, Semanas sat fiestapana, ucqhajj mä k'oma tantachäwi lurapjjaraquïta. Uca urusti janiw cuna casta irnakañanacsa lurapjjätati.

Qullan Arunaka DC

²⁶ “Nayrïr achunak luqtañ urunxa, Tatitur yapunakamat machaq achunakap apthapisin luqtapkäta ukapachax, Semananaka sat uruyañ urunxa, qullan tantachäwi lurapxarakïta. Uka urusti janiw kunsa irnaqapxätati.

Números 28:26 Jak'a apnaqawi uñst'ayäwi

Éxodo 12:16

Ucampis nayrïr urumpi, pakallko urumpejja janiwa cunsa lurapjjätati, jan ucasti mä kollana tantachasïwi lurañataquiquiw tantachasipjjäta, uqhamaraqui mank'a waquichasiñataquiquiw tantachasipjjaraquïta.

Éxodo 23:16

“Ucjjarusti luraraquïtawa fiestjja cosecha apthapiñ kalltañataqui, cunapachatejj yapunacamata nayrïr achunaca apscäta ucqha. Ucjjarojj luraraquïtawa fiestjja mara tucusiru, cunapachatejj jumajj yapunacamata take cosecha apthapiña tucuyjjäta ucqha.

Éxodo 34:22

“Semana fiestjja lurapjjaraquïtawa trigona nayrïr achunacapa apakcasina, uqhamarac mara tucusejja cosechanac apthapisajj lurapjjaraquïtawa.

Levítico 23:10

“Israelitanacarusti aqham saraquim: Cunapachatejj jumanacajj cawquïri oraktejj churapcäma ucaru mantapjjäta ucanwa, trigo apthapipjjäta, ucapachasti nayrïri markjja sacerdoteruw churapjjäta.

Levítico 23:8

Pakallko urunacaw Tatiturojj ofrendanaca nact'ayasin loktapjjäta, pakallko uru purinjjepansti mä kollana tantachasïwi lurapjjäta. Janipuniw uca urojj cuna casta irnakañanacsa lurapjjätati.”

Números 28:18

Uca pakallko urunacatjja, nayrïri urojj mä k'oma tantachäwiw utjani. Uca urusti janiw jumanacajj cuna casta irnakañanacsa lurapjjätati.

Números 28:27

Tatiturusti loktapjjätaw mä suma k'apquir nact'ayat ofrendjama pä vaca kallunaca, mä orko oveja, uqhamarac pakallko orko ovejanaca ucanacasti mä maranïñapawa.

Números 29:1

“Pakallko phajjsin kallta urupanjja, jumanacasti mä k'oma tantachasïwi lurapjjäta. Uca urusti janiraquiw cuna casta irnakañsa lurapjjätati, ucatsti uca urjja trompetanac phust'asaw yatiyapjjäta.

1 Corintios 15:20

Ucampis janiw uqhamäquiti. Chekpachansa Cristojj jiwatanac taypitjja jacatatawayiwa, jupajj nayrakat achücaspas uqhamaraquiw take jiwatanacat jactirinacataquejja.

Santiago 1:18

Jacañwa churistu cheka arunacap toke, uqhamata jiwasajj nayräwiri achunacjamäñasataqui, cuntï jupajj lurqui ucanjja. Jupasti uqhamäñasracwa muni.