Números 26:55 - Qullan Arunaca

⁵⁵ Orakenac laquintañasti suertetjamäniwa. Sapakat mayniw partepjja catokani cawquïri triburutejj awquip tokejj wact'qui uqhamarjama.

Aymar Bibliia 1986

⁵⁵ Orakenac laquintañasti suertetjamäniwa. Sapakat mayniw partepjja catokani cawquïri triburutejj awquip tokejj wact'qui uqhamarjama.

Qullan Arunaka DC

⁵⁵ Uraqinak lakiñasti suertet wakt'atarjamäniwa. Sapaqat mayniw tunu awkit saraqir ayllunkiritjam uraqip katuqani.

Números 26:55 Jak'a apnaqawi uñst'ayäwi

Proverbios 16:33

Jakenacajja suertenacwa apsuyasipjje, ucampis Tatituw phokhayi munañaparjama cunjamäñapataquisa.

Proverbios 18:18

Ch'ajjwañanacarojj Tatituw chekaparu uñjañapampi tucuyi, ucatsti yakha yakharacwa ch'amaninacar jaljtayi.

Ezequiel 47:22

Uca orakesti jumanacarojj herenciatwa wact'apjjätam, cawquïri jakenacatejj yakha marcanacat jutasina jumanac taypina jacapcani, uqhamaraqui wawanacanïpcani ucanacarusa. Ucanacarusti Israel oraken yurirïpcaspasa uqhamwa uñjapjjäta. Cunapachatejj uca orake Israel tribunacar laquintapcäta ucapachasti jupanacarojj wact'araquiniwa.

Números 26:56

Orakenac laquintañasti suertetjamäniwa take jach'a tamanacansa, uqhamarac jisc'a tamanac taypinsa.”

Números 33:54

Ucampisa suertetcam jaljasipjjäta, take tribunacan familianacapampi chica, walja jach'a familianacarojj jach'a orakenacwa churapjjäta, jisc'a familiarusti jisc'a orakenaca churapjjaraquïta, sapakat familiaw catokani, cunjämatejj suertetjja wact'qui uqhamarjama.

Números 34:13

Moisesasti acnïri yatichäwinacwa israelitanacarojj churäna: “Aca orakenacwa jumanacajj suertetcama laquintasipjj: ta, uca orakwa Tatitojj churasiñapataqui arsu, llätunca chicatan tribunacajj kheparqui take ucanacaru.

Números 36:2

—Tatituw jumar sistam suertet laquintañamataqui take israelitanacaru, cawquïri oraketejj Zelofehad chacharu wact'añapäqui nanacan familianacajjata, ucanacjja imill wawanacaparu churjjañama.

Hechos 1:26

Oración tucuyjjasinsti, suertenacwa jaktapjjäna uca panita ajllitäñapataqui. Suertesti Matiasaruw wact'äna, jupampisti tunca payanpachäjjänwa.

Colosenses 1:12

uqhamata Dios Awquiru yuspagarapjjañamataqui. Juparaquiw jiwasarojj waquichistu ucjja khanan catokañasataqui, cuntï Diosajj jupanquirinacar churcän ucjja.

Josué 11:23

Uqhamaw Josué chachajj takpach orakenaca catuntänjja, cunjämtï Diosajj Moisesaru siscatayna uqhama, ucatsti tunca payan Israelan tribunacaparuw uca orakenac herenciat laquintäna, ucat acsarusti samarañaw uca orakenacanjja utj-jjäna.

Josué 14:2

Uca orakenacasti suertetwa laquintasïna uca llätunca chicani tribunacaru, cunjämatï Dios Tatitojj Moisesar siscatayna uqhamarjama.

Josué 17:14

Josean wawanacapajj Josué thiyaruw sarapjjäna aqham sasa: —¿Cunataraqui nanacarusti mä jisc'a orakec suertet churapjjestasti? Nanacajj walja familiäpjjtwa Diosasti wal bendicipjjaraquitu —sasa.

Josué 18:6

Ucjjarusti jupanacajj uca orakenac pakallkoru jaljapjjani ucqhajj yatiyapjjetaniwa cunjämätaynas uca, ucatwa nayajj Dios nayrakatana jaljapjjäma.

Josué 19:1

Ucatsti payïri orakejj Simeón tribun wawanacaparuw wact'äna. Uca orakesti Judá tribun orakepa taypincänwa.

Josué 19:10

Quimsïri orakesti Zabulón tribun wawanacaparuw wact'äna, korpasïwipasti Sarid chekacamaraquiw saräna.

Josué 19:17

Pusïri orakesti wact'änwa Isacar tribun wawanacaparu.

Josué 19:24

Pheskëri orakesti Aser tribun wawanacaparuw wact'äna.

Josué 19:32

Sojjtïri orakesti Neftalí sat tribun wawanacaparuw wact'äna.

Josué 19:40

Pakallköri orakesti Dan tribun wawanacaparuw wact'äna.