Números 26:3 - Qullan Arunaca

³ Moisesampi, Eleazar sacerdotempejj israelitanacaruw wayt'apjjäna Moab oraken pampanacapana, Jordán jawir jac'ana, Jericó marca uñcatasina,

Aymar Bibliia 1986

³ Moisesampi, Eleazar sacerdotempejj israelitanacaruw wayt'apjjäna Moab oraken pampanacapana, Jordán jawir jac'ana, Jericó marca uñcatasina,

Qullan Arunaka DC

³ Moisesampi, Eleazar sacerdotempisti Moab pampanakana, Jordán jawir jak'ana, Jericó marka uñkatasin jikxatasipkän ukapachaw israelitanakar sapxäna,

Números 26:3 Jak'a apnaqawi uñst'ayäwi

Números 22:1

Israelitanacajj thaquinjamjja sarasipcaquïnwa, ucatsti Moab pamparuw purintapjjäna, Jordán jawirat inti jalsu tokeru, Jericó marca uñcatasiru.

Números 26:4

takenin kellkayasipjjañapataqui, pä tunca maranit amstaru cunjämatejj Tatitojj Moisesaru siscatayna uqhamarjama. Take acanacänwa cawquïri israelitanacatejj Egiptot mistunipcatayna ucanacajja:

Números 26:63

Take acanacänwa israelitanacat censoru jacthapitajja Moisesampi, Eleazar sacerdotempi lurapjjatapajja, Moab pampanacana, Jordán jawir jac'ana, Jericó marca uñcatasina.

Números 31:12

ucanacsti Moisesan ucaruw apapjjäna, uqhamarac Eleazar sacerdoten ucaru, takpach Israel marca nayrakataru, cawquïrinacatejj Moab orake pampana sayt'asipcäna, Jordán jawira thiyana, Jericó marca uñcatasina.

Números 33:48

Abarim kollunacat mistuwayasajj Moab orake pampanacaruw kheparapjjäna, Jordán jawira thiyana, Jericó marca uñcatasina.

Números 35:1

Tatitusti Moisesarojj parlänwa Moab orake pampanacana, Jordán jawira jac'ana, Jericó marca uñcatasina, aqham sasa:

Deuteronomio 34:1

Moisesasti Moab sat wasaratjja, Nebo sat kolluruwa maqhatäna, Pisga sutini kollu pataru, cawquïritejj Jericó marca uñcatasincqui ucaru. Uca chekatwa Diosajj uñtayäna takpach Galaad sat orakenaca Dan tribun orakenacapcama;

Deuteronomio 34:6

Ucatsti imantatäjjänwa Moab oraken mä valleparu, Bet-peor sat oraken uñcatasipana, cawqha chekatejj jan jichhürcama uñjatäqui ucqhana.

Deuteronomio 34:8

Israelitanacajj quimsa tunca uruw Moisesat jachapjjäna, Moab wasarana, uqhamat uca jachaña, lutosiñ urunacaw jiwatapatjja phokhasïna.