Números 26:28 - Qullan Arunaca

²⁸ José tribun jach'a familianacapan wawanacapajj acanacänwa: Manasés, Efraín ucanaca.

Aymar Bibliia 1986

²⁸ José tribun jach'a familianacapan wawanacapajj acanacänwa: Manasés, Efraín ucanaca.

Qullan Arunaka DC

²⁸ José chachat saraqir wila masi tamanakan wawanakapax Manasés, Efraín jupanakänwa.

Números 26:28 Jak'a apnaqawi uñst'ayäwi

Génesis 46:20

Josean wawanacapasti Asenat warmimpejja acanacänwa: Manasés, Efraín ucanaca. Jupanacasti Egipton nacirïpjjänwa. Asenat warmisti Potifera sat On sacerdoten phuchapänwa.

Génesis 48:5

Jichhajja Egiptor janïra nayajj purinctsa ucqha nazqui uca Efraín, uqhamarac Manasés wawanacamajj nayancjjewa. Jupanacajj Rubén, uqhamarac Simeón wawanacajj-jamaraquiwa.

1 Crónicas 5:23

Manasés chicat tribut jutir wawanacapasti jacapjjänwa Basán chekata, Baal-hermón uca chekacama, Senir, uqhamarac Hermón sat kollucama, jupanacajj waljanïpjjatap laycu.

1 Crónicas 7:14

Manasés chachajj sirianquiri uñt'atapampejja pani wawanacanïnwa: Asriel, Maquir ucanaca, jupasti Galaad ucan awquipänwa.

Deuteronomio 33:16

Suma achunacajj aca orake phokt'quis ucanacampi, take chuymapampi jacpan ch'aphinac taypin jacquis ucataqui. Take acanac José chachataquejj jutpan, cawquïritejj jilanacap taypit ajllitäqui ucataqui.

Josué 14:4

José chachan wawanacapajj paninïnwa, Manasés, uqhamaraqui Efraín sutini. Ucanacasti pä tribüpjjaraquïnwa, ucatsti Leví triburojj janiw cunsa churcänti, jan ucasti cawqhantï jacapcaspa uca marcanacaqui churänjja, uqhamaraqui paston chekanaca uywanacap awatisiñataqui