Números 25:13 - Qullan Arunaca

¹³ Ucatwa jupampiru, wawanacapampirojj wiñayatac sacerdote sarnakañ churä, jupan nayjama coleratap laycu, uqhamata israelitanacataqui perdón jicjjatatap laycu —sasa.

Aymar Bibliia 1986

¹³ Ucatwa jupampiru, wawanacapampirojj wiñayatac sacerdote sarnakañ churä, jupan nayjama coleratap laycu, uqhamata israelitanacataqui perdón jicjjatatap laycu —sasa.

Qullan Arunaka DC

¹³ ukat jupampiru, wawanakapampirux sacerdote luräwi wiñayatak katuyta, nayan aytat kankañax waqaychatap layku, ukhamarak israelitanakatak jucha luratat pampachäwi jikxatatap layku —sasa.

Números 25:13 Jak'a apnaqawi uñst'ayäwi

2 Samuel 21:3

Davidasti jupanacarojj jisct'araquïnwa: —¿Cunsa jumanac laycojj lurirista? ¿Cunjämatsa asquicharaquiristjja cuna jach'a ñankhatï jumanacaru luratäcän ucjja, uqhamat Tatitun marcaparu bendicipjjañamataquejja? —sasa.

1 Reyes 19:10

Jupasti sänwa: “Nayajj uñjtwa jumana munasiñama take ch'amani Dios Tata, israelitanacasti juman sumancäwi arunacamjja apanucupjjewa, uqhamarac altaranacamsa allinucupjje, ucatsti espadan puntapampiwa profetanacamarojj jiwarayapjje. Naya sapaquiwa kheparjjta, jichhasti thakasipquituwa jiwayañataqui” sasa.

1 Reyes 19:14

Jupasti sänwa: “Nayajj uñjtwa jumana munasiñama take ch'aman Dios Tata, israelitanacasti juman sumancäwi arunacamjja apanucupjjewa, uqhamarac altaranacamsa allinucupjjewa, ucatsti espadan puntapampiwa profetanacamarojj jiwarayapjje. Naya sapaquiwa kheparjjta, jichhasti jiwayañataquiw thakasipquitu” sasa.

1 Reyes 2:27

Uqhamatwa Salomonajj Abiatararojj apanucüna Tatitun sacerdotëñapatjja, uqhamaraqui phokhasiscaraquïna cuntejj Tatitojj Silo chekana arscäna Elí familiatjja.

Nehemías 13:29

“¡Nayan Diosajja, amtasim qhitinacatejj k'añuchapqui sacerdote cancañaru, uqhamarac suma amtäwirusa sacerdotëñataqui, ucatsti levitäñataquisa!”

Salmos 106:31

Tatitusti qhä asqui luräwip aytapunïnwa, khepa mita jakenac taypina.

Salmos 119:139

Arunacamar munañaw take cun armayitu, uñisirinacajjajj arunacamat armt'asipjje.

Salmos 69:9

Utamar munañaw nayar tucuntitu, jumar tokerinacan arunacapajj, nayjjarcamaw wact'i.

Éxodo 29:9

Aaronampiru, wawanacapampirusti cinturonampiw isinacap suma chinthapis catuyäta, uqhamarac turbante satsa sumarac ucharaquïta. Ucatsti churaraquïtawa jilïr cancaña, uqhamata jupanacajj wiñayatac sacerdotenacajjäpjjañapataqui.

Éxodo 32:30

Ucat khepa arumarjisti Moisesajj jakenacarojj sänwa: —Jumanacajj wali jach'a jucha lurapjjtajja. Jichhasti nayajj cawqhancquitejj Tatitojj ucqharuw maqhatäjja mayiñataqui, ucat inacha uca juchat perdonapjjeristam —sasa.

Éxodo 40:15

Ucatsti aceitempiw jupanacar warjjataraquïta cunjämtejj Aarón awquipar lurctajj uqhama, uqhamata nayan sacerdotejjäpjjañapataqui. Aca aceitempi jupanacjjaru warjjatatasti wiñayataqui sacerdotëpjjañapataquiwa wawanacapan wawanacapataquisa.”

Isaías 61:6

Jumanacarusti: ‘Tatitun sacerdotenacapa’ sasaw sutichapjjaraquïtam, Diosan sirvirinacapa sasaraqui. Yakha marcanacanquir kamir cancañanacapampiw cusisipjjaraquïta, uca c'ajquir cancañanacapampiw c'achachasipjjaraquïta.

Jeremías 33:18

uqhamaraqui Leví tribut jutiri sacerdotenacas utjapuniniwa, sapa uru nayaru loktäwinaca loktañataquejja, grano loktäwinaca nayan sutejj-jjaru naqhayañataqui, uqhamaraqui yakha loktäwinaca nayaru loktañataquisa.”

Jeremías 33:22

David sirvirejjan wawanacaparusti uqhamaraqui nayaru sirviri Leví tribunquirinacarusa waljaptayäwa, alajjpacha warawaranacjama, uqhamaraqui kota iramanquiri ch'allanacar uñtata jan qhitinsa jact'cayaraquïniwa” sasa.

Levítico 15:15

Sacerdotesti mayjja jucha luratat sacrificio loktjjaraquini, maysti takpacha nact'ayasaw loktjjaraquini. Uqhamatwa take uca k'omachasïwi lurañanacjja Tatitun nayrakatapana phokharaquini, uca jatha aywiyiri usun jaketaquejja.

Malaquías 2:8

“Ucampisa jumanacajj sacerdotenaca, sarakapjjaractawa suma cheka thaquitjja. Yatichäwinacamampisti waljaniruraquiw jucharu jalantayapjjtajja. Uqhamwa jumanacajj Leví tribumpi suma arust'äwejja p'aquintapjjtajja.

Números 16:46

Moisesasti Aaronarojj sänwa: —Aptanim incensarioma, altarata ninjja ucharaquim, ucatsti incienso warjjatam. Ucatsti saram marca thiyaru, jupanacataqui Diosat perdón mayiraquim, Tatitun colerasiñapaw sartani uca laycu, usunacas niyaw kalltaniraqui.

Números 16:47

Aaronasti luränwa Moisesan arsutaparojja, ucatsti jalasaw saräna cawqhantejj marcajj tantachasïna ucqharu. Cawquïri ustejj Diosajj apayanïna ucajj niyaw marcan jakenacarojj usurayäna. Ucatwa Aaronajj incienso uscusina Diosatjja perdón mayïna marcpachataqui.

Números 17:12

ucampis israelitanacajj Moisesarojj sapjjänwa: “Aynacht'atätanwa. ¡Takpachaniw jichhajj jiwarapjjañäni!

Números 25:14

Cawquïri israelitatejj jiwayatäcäna madianita warmimpi chica ucasti Zimri satänwa, jupasti Salu chachan yokapänwa, uqhamarac mä familian jilïripa, Simeón tributa.

Juan 2:17

Discipulonacapajj uc ist'asinjja amtapjjänwa Kellkatan aqham siri: “Utamar munañaw tucuntitu” —sasa.

Hebreos 2:17

Ucataquipï waquisïnjja take cunansa jilanacapjam tucuyatäñapajja, qhuyapayasiri, cheka jach'a sacerdotëñapataqui Dios nayrakatana, uqhamarac sacrificio toke take jakenacaru juchanacap apakañataqui.

Hebreos 7:11

Israel marcajja Leví casta sacerdotenac tokew leyjj catokäna, ucanacajja Aaronan wawanacapat jutirïnwa. Jichhasti, acanacatejj chekpachan ley arquirinacarojj k'om tucuyasapänjja, ucapachajj janiw waquiscasapänti yakha sacerdoten uñstaniñapajja, janiw Aarón castatti, jan ucasti Melquisedec castata.

Josué 7:12

Ucatpï israelitanacajj jan uñisirinacapampejj nuwasiñ puedcanitejja, jupanacajj jaltapjjaniwa, nayasti maldicipjjämawa janitï jumanac taypit uca juchan jakeru jiwayapcät ucajja.

1 Pedro 2:5

Jumanacasti mä jacquir kaläpcasmas uqhamaraqui Diosarojj catuyasipjjam, ucatsti Diosajj jumanacampejj mä suma ajayun templjama sayt'ayañapataqui, uqhamarac jumanac quicpas Diosar sirvir sacerdotenac tucupjjañamataqui, Jesucristo toke take ajayun sacrificionac Diosar loktapjjañamataqui, Diosajj catokañapataquiraqui.

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.

1 Juan 2:2

Tatit Jesucristow jacañap loktasiwayi uca tokew juchanacasajj perdonatäjje, janiw jiwasan juchanacasacti, jan ucasti take aca orakpachan juchanacapa.

Apocalipsis 1:6

Ucatsti reyinaca sacerdotenacaracwa jiwasarojj tucuyistu Dios Awquiru sirviñasataqui. ¡Jach'a cancañasa, munañanïñasa jupancaracpan wiñayataqui! Uqhamäpan.

1 Samuel 2:30

Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: ‘Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.’