Números 24:24 - Qullan Arunaca

²⁴ Chipre thiyanacatwa barconacas jutapjje, ucatsti k'al tucjapjjani, Asiria, uqhamarac Heber marcanacjja, Heber marcas t'unjataraquïniwa” sasa.

Aymar Bibliia 1986

²⁴ Chipre thiyanacatwa barconacas jutapjje, ucatsti k'al tucjapjjani, Asiria, uqhamarac Heber marcanacjja, Heber marcas t'unjataraquïniwa” sasa.

Qullan Arunaka DC

²⁴ Chipre quta thiyanakatpach barconakax jutani, Asiria, Éber markanakaruw tukjani, Éber markas t'unjatarakïniwa” sasa.

Números 24:24 Jak'a apnaqawi uñst'ayäwi

Génesis 10:4

Javanan wawanacapasti acanacänwa: Elisa, Tarsis, Quitim, uqhamaraqui Rodanim ucanaca.

Génesis 14:13

Ucampisa mä jakew jaltjjasinjja, hebreo Abramar take ucanac avisiri jutäna, Abramasti Encinas de Mamre ch'uminwa jacasiraquïna, uca Mamresti amorreo jakënwa; Escol, uqhamarac Aner sisqui ucanacan jilaparaqui, jupanacasti Abramat arjjatasipjjaraquïna.

Isaías 10:12

Cunapachatejj Tatitojj take lurañanacap phokhani, Sión kolluna, Jerusalenansa ucqhajja, Asirianquir reyirojj mutuyaniwa jach'a jach'a tucutapata, wali jach'a chuymäña jach'a amtañampiraqui luratanacapatsa.

Isaías 10:5

“¡Asiria marcanquir rey! Jupajj nayataquejj mä lawäcaspas uqhamawa, ucampiraquiw colerasiñajjanjja marcajjarojj mutuyäjja, uca varampiraquiw colerasiñajjanjja nayajj mutuyaraquëjja,

Isaías 23:1

Tiro marca toke profecía arunaca. Tarsisanquir barconaca, aykopjjam, puertonacan t'unjatätap laycu. Chipret puriniña puertosti k'ala t'unjatawa.

Ezequiel 27:6

barconacaman remonacapsa Basán chekata apanit roblenacatwa lurarapipjjaractam. Patjja maderanacamsa Chipre tokenquiri ciprés sat maderanacatwa lurarapipjjaractam, marfilanacampisa q'iñaquipataraqui.

Daniel (hebreo) 10:20

Ucatsti jupajj saraquituwa: ‘¿Yattati cunatsa jumar uñjiri jutta ucjja? Jichhajj Persia marcar arjjatiri angelampi nuwasiri sarañajjawa. Cunapachatejj nayajj jupampi nuwasiña tucuyjjä ucjjarusti Grecia marcanquiri angelaraquiw naya tokejj jutani.

Daniel (hebreo) 11:30

Ejercitopasti inti jalanta tokenquir ejercitompi nuwantataw uñjasini, uca ejercitosti barconacat apanitäniwa. Uqhamasti ajjsarañan phokhantatäsinjja jaltjjapjjaquiniwa. Ucapachasti amstanquir ejerciton reyipajj uca kollan arust'äwjjaruw take colerasiñapjja samarayasini, qhitinacatejj uca arust'äwi toke sayt'apcaraquïna juparu sirviñataqui ucanacamp chica.

Daniel (hebreo) 11:45

Ucatsti campamentopjja jach'a kotampi, uqhamaraqui Suma Oraken kollan kollupäqui uca taypiruw utt'ayasiraquini. Ucampisa uca pachparuw jiwañapa horasajj puriniraquini, janiraquiw qhitis jupar yanapt'irejj utjcaniti.

Daniel (hebreo) 2:35

Ucapachasti hierro, ñek'e, bronce, kollke, uqhamaraqui kori ucanacasti lak'aru tucuyataw uñjasiraquïna, cunjämatejj jawk'a horasajj trigojj jawc'sutajj uqhama, ucatsti thayaw take ucanacjja apasjjaraquïna jan cunsa jilt'ayasa. Ucampisa uca jakeru t'unjcäna uca kalasti mä jach'a kolluruw tucuwayjjaraquïna ucat uca kollojj take aca orakpacharuw phokhantäna.

Daniel (hebreo) 2:45

Ucwa sañ muni cuntejj juma, jach'a reyejj, uca kollut mä jach'a kala jan qhitin nuct'ata sarakasinquiri uñjcäyäta ucajja, uca kalasti lak'aruw tucuyaraqui uca hierro, bronce, ñek'e, kollke uqhamaraqui korsa. Jach'a Diosasti juma, jach'a reyirojj, uñacht'ayaractamwa cunatejj acat kheparu pascani take ucanacjja. Uca samcajj chekäscapuniwa uqhamaraqui khanañchäwisa chekaraquiquiwa.”

Daniel (hebreo) 8:21

Cabritosti Grecia marcan reyipawa, cuna jach'a wajjrapatejj pä nayrapa taypin utjqui ucasti nayrïri reyipawa.

Números 24:20

Ucatsti Balaamajj Amalec orak tokeru uñtasajj aca arunacwa arsüna: “Amalec marcajj take marcanacan p'ekepawa, ucampisa k'ala t'unjataw uñjasini” sasa.

Números 24:23

Ucjjarusti mayampiw aca arunaca arsüna: “¡Ay! ¿Qhitis jacani cunapachatejj Diosajj take acanac lurascani ucqhajja?

Mateo 24:15

“Daniel profetajj kellkänwa cunatejj jan wali lurirïqui tucjirïcaraqui ucjjata. Cunapachatejj jumanacajj kollana chekar uc purir uñjapcäta ucqhajja, ac leet'irejj amuyt'pan,

Lucas 20:24

Uñacht'ayapjjeta mä kollke. ¿Qhitin ajanupasa, uqhamarac qhitin sutipanisa? —sasa. Jupanacasti sapjjänwa: —Cesaranquiwa —sasa.

Juan 11:48

Uqhamactejj jaytañäni ucajja, takeniw juparu iyawsapjjani; romanonacajj jutasin templosa t'unjani uqhamarac marcasa —sasa.