Números 22:31 - Qullan Arunaca

³¹ Ucatsti Tatitojj angelaparuw Balaamampi uñjayäna chica thaquin sayasquiri mä espada ayt'asita. Ucapachasti Balaamajj oraker puriñcamaw p'ekep alt'asïna.

Aymar Bibliia 1986

³¹ Ucatsti Tatitojj angelaparuw Balaamampi uñjayäna chica thaquin sayasquiri mä espada ayt'asita. Ucapachasti Balaamajj oraker puriñcamaw p'ekep alt'asïna.

Qullan Arunaka DC

³¹ Ukapachaw Tatitux Balaaman nayrap jist'ari, Balaamasti Tatitun angelapar espadas ayt'at thakhin uñjäna. Ukat jupax ajanup uraqir puriyañkam alt'äna.

Números 22:31 Jak'a apnaqawi uñst'ayäwi

Génesis 21:19

Ucatsti Diosajj Agar warmirojj mä uma phuch'u uñacht'ayäna. Jupasti sarasinjja lip'ichi wayakaparojj uma phokhantäna, ucatsti Ismael wawaparuw umt'ayäna.

1 Crónicas 21:16

Davidasti Tatitun angelaparu uñtasinjja uñjänwa sayt'atäsquiri alajjpachampi, aca orakempi taypina amparaparusti espadapa apt'atäsquiri, uqhamaraqui Jerusalén toker ayt'asquiriraqui. Ucatsti Davidampi chuyman awquinacampejja luto isimpi isthapitcamaquïpjjänwa, orakeru ajanupsa puriyañcamaw liwirtapjjäna,

Salmos 9:20

Tatay, ajjsarañ chuymay jupanacar ucham. Marcanacajj jakequïpjjatap yatekapjjpan.

Éxodo 34:8

Ucat Moisesajj mäquiw quillt'asisa p'eke parapsa orakeru alnokasin Tatituru yupaychäna:

Números 22:30

Ucampis asnojj sänwa: —Take jacäwimanwa nayajj qhumnaksmajja, ucsti sum yattajja, janiw nayajj uqham lurirïcti jumampejja —sasa. —Ucasti chekaw —sasaw Balaamajj saraquïna.

Números 24:16

Cunapachatejj ajayuncqui ucqhajj juc'ampi sum uñji; yatiraquiw cuntejj alajjpachanquir Diosajj yatqui ucsa; arunacsa catokaraqui, uñacht'äwinacsa, jach'a ch'amani Dios toketjja.

Números 24:4

Cunapachatejj ajayuncqui ucqhajj juc'amp suma uñji, suma arunacwa catokaraqui, uqhamarac ajayun uñacht'äwinacsa take ch'amani Diosatjja.

Lucas 24:16

Jupanacajj Jesusarojj uñjapchïnsa, ucampis janiw jupan qhitïtaps amuyapcataynati.

Lucas 24:31

Ucapachaw jupanacan nayranacapajj jist'artäna, khanpachawa Jesusarojj uñt'jjapjjäna. Ucampis jupajj chhaktawayjjänwa.

Juan 18:6

Jesusajj jupanacaru “Nayätwa” sipanjja, jupanacajj kheparcam jithektasinwa tincurapjjäna.

Hechos 26:18

Jupanacan nayranacap jist'arañamataqui, jan juc'amp ch'amac thaquin sarnakapjjañapataqui. Janiraquiw juc'ampi supayan apnakatäcjjaniti, jan ucasti Diosaruw arcjjapjjani uqhamaraqui nayarus iyawsapjjetani. Uqhamatwa jupanacajj juchanacapat perdón catokapjjani, uqhamarac mä herencia catokapjjani Diosan ajllit jakenac taypina’ sasa.

Josué 5:13

Mä urojj Josué chachajj Jericó marca jac'ancasina, jupan nayräjjaparojj mä jakew uñstäna mä espada ayt'ata. Josué chachasti uc uñjasajj mäquiw uca jake jac'aru maqhatäna aqham jisct'asa: —¿Jumasti nanac castätati jan ucajj timajjätacha? —sasa.

Josué 5:14

Uca jakesti saraquïnwa: —Janiw nayajj cawquïrictsa, nayasti juttwa Diosan ejercitop toketa —sasa. Ucatsti Josué chachajj p'ekep oraker alt'asin jisct'äna: —¿Cun sasas Diosajj sirvirip qhitanitu? —sasa.