Números 21:24 - Qullan Arunaca

²⁴ Ucampisa israelitanacajj sayt'asipjjänwa, jupanacarusti atipjapjjaraquïnwa, ucatsti orakenacapwa catuntasipjjäna, Arnón jawirata Jaboc sat jawircama, uqhamarac amonitanacampi korpasqui uca chekcama, cawquïritejj wali suma sayt'ayatäna.

Aymar Bibliia 1986

²⁴ Ucampisa israelitanacajj sayt'asipjjänwa, jupanacarusti atipjapjjaraquïnwa, ucatsti orakenacapwa catuntasipjjäna, Arnón jawirata Jaboc sat jawircama, uqhamarac amonitanacampi korpasqui uca chekcama, cawquïritejj wali suma sayt'ayatäna.

Qullan Arunaka DC

²⁴ Ukampis israelitanakax sayt'asipxänwa, jupanakarux atipjapxarakïnwa, ukatsti uraqinakap katuntasipxäna, Arnón jawirata Jaboc sat jawirkama, amonitanakan uraqipampi qurpaski uka chiqkama, uka uraqisti suma uyuchrantatänwa.

Números 21:24 Jak'a apnaqawi uñst'ayäwi

Génesis 32:22

Uca arumpachaw Jacobojj sartasisin pä warmipa, pä sirvientanacapa, tunca mayani wawanacapa, Jaboc sat jawir pata chekanjam maqhatayäna,

Nehemías 9:22

“Jupanacarusti catuyäyätawa marcanacsa, uqhamarac jakenacapsa, ucatjja jupanacaruw orakjja jalanokäyäta, uqhamaraqui jupanacajj catuntasipjjänwa Hesbón sat orake, ucasti Sehún sat reyin orakepänwa, uqhamarac Basán, Og sat reyin orakeparaqui.

Salmos 136:19

Amorreo jakenacan Sehón reyipar jiwayiriru: qhuyapayasiñapajj wiñayawa.

Amós 2:9

Ucampis nayajj jumanac laycuwa amorreonacaru k'alpuni tucjtjja; cedro kokanacjam jach'anacäquipansa, uqhamarac roble kokanacjam ch'ollkhëquipansa.

Números 21:13

Uca chekat sartawayasinjja Arnón sat jawir qhurcataruw sayt'apjjäna. Aca jawirasti wasarana jicjjatasiraqui, amorreonacan orakepatwa mistuniraqui, ucsti Moab orakempi, amorreonacan orakepampwa jaljaraqui.

Deuteronomio 1:4

Cunapachatï jupajj atipjatayna amorreonacan Sehón sat reyiparu, cawquïrinacatï jacapjjäna Hesbón orakena, uqhamaraqui Basán marcan Og sutini reyiparu, cawquïrinacatï jacapjjäna Astarot marcana, Edrei sat chekana.

Deuteronomio 29:7

“Cunapachatejj acsa tokenacar purintan ucqhajja, Sehón sat Hesbón marcan reyipaw jiwasampi nuwasir mistunïna, uqhamaraqui Og sat Basán marcan reyipasa, ucampis jiwasajj atipjayätanwa.

Deuteronomio 3:16

Rubén, uqhamarac Gad tribunacarusti Galaad oraketa Arnón jawircamäquis uca orakenacwa churäyäta chica vallenjam pasasa, Jaboc sat jawircama, cawquïritï amonitanacan orakepat korpäqui ucacama.

Deuteronomio 31:4

Tatituw lurascani cunjämtejj Sehón, uqhamaraqui Og sat amorreo reyinacarojj takpach marcapampi t'unjcäna uca quipcaraquiw aca marcanacarojj t'unjani.

Deuteronomio 4:46

cunapachatï jupanacajj Jordán jawirat inti jalsu tokena jicjjatasipjjäna, cawquïri valle Bet-peor sat orake uñcatasincqui ucqhana; Sehón sat amorreonacan reyipan orakepana. Sehón reyisti Hesbón marcan jacäna, ucatsti Moisesampi Israel marcampiw juparu atipjapjjäna, cunapachatï israelitanacajj Egipto marcat mistunipcän ucqha.

Josué 13:12

Og sutini Basán reyin orakepamppacha, cawquïritï Astarot, Edrei sat marcanac apnakcaraquïna, jupasti khepa refaíta tamatänwa, cawquïrinacarutï Moisesajj atipjäna uqhamaraqui uca chekatsa jakonucüna ucanaca.

Josué 24:8

Nayaraquiw amorreonacan orakeparojj irpanipjjsma, Jordán jawirat inti jalsu tokeru. Jupanacasti jumanacampiw nuwantasipjjäna, ucampis nayawa ch'am churapjjsma jumanacan atipjapjjañamataqui, uqhamaraqui orakenacapsa catuntasipjjañamataqui.

Josué 9:10

uqhamaraqui cunjämtï lurcatayna uca pani amorreon reyipampisa, cawquïrinacatï Jordán jawir qhurcatan jacapcän ucanacampi, Hesbón sat marcan reyipa Sehón sutini; uqhamaraqui Basán marcan reyipa ucasti Og sutiniraqui, cawquïritï Astarot sat oraken jaccäna ucaru —sasa.

Jueces 10:11

Ucat Diosajj saraquïnwa: “Jumanacasti t'akhesiyatäpjjayätawa egipcionacana, amorreonacana, amonitanacana, filisteonacana,

Jueces 11:13

Amonitanacan reyipajj Jeften yatiyirinacaparojj saraquïnwa: “Jumanaca israelitanacasti Egiptota mistunisajj nanacan orakenacajj aparapjjistajja Arnón sat jawirat kalltasina, Jaboc, Jordán sat jawiranaccama. Jichhasti sumataquiy uca orakenac cutt'ayjjapjjeta” sasa.

Jueces 21:8

¿Acanjja utjpachati Mizpa marcana Dios nayrakataru jan jutir israelitajja?” sasa. Ucampis jupanacajj amtasipjjänwa Galaad sat ucqhanquir Jabes sat marcata, jan maynisa uca tantachasïwiru jutapjjatanacapa.