Números 20:14 - Qullan Arunaca

¹⁴ Moisesasti Cades sat chekatwa, jakenacaru qhitäna Edom marcan reyiparu, aqham sañapataqui: “Israelita jilanacamajj aqham sañataquiw qhitanipjjetu: ‘Jumasti sum yattajja wali ch'ama tucutanacajj-jja.

Aymar Bibliia 1986

¹⁴ Moisesasti Cades sat chekatwa, jakenacaru qhitäna Edom marcan reyiparu, aqham sañapataqui: —Israelita jilanacamajj aqham sañataquiw qhitanipjjetu: “Jumasti sum yattajja wali ch'ama tucutanacajj-jja.

Qullan Arunaka DC

¹⁴ Moisesax Cadés chiqatpach jaqinakar khithäna Edom markan reyipar akham sañapataki: “Israelit jilanakamax akham siriw khithanipxitu: ‘Jumax sum yatta nanakan wali ch'ama tukutanakaxa.

Números 20:14 Jak'a apnaqawi uñst'ayäwi

Génesis 25:23

Tatitusti saraquïnwa: “Puracamanjja pä marcaw ucancasqui, jupanac pura ch'ajjwir pä marca; janïra nascasina. Maynïristi, maynit sipansa jila ch'amanïniwa, jilïristi sullcaruw jaysaraquini” sasa.

Génesis 25:25

Nayrakata nascän ucasti wila ñic'utanïnwa, janchipasti wali t'arwarara, Esaú sasaw sutichapjjaraquïna.

Génesis 25:26

Ucjjarusti jilaparaquiw nacïna, Esaú jilapan cayupat catt'ata, ucatwa Jacob sasa sutichapjjäna. Isaacasti sojjta tunca maranïnwa cunapachatejj Rebeca warmipajj wawachascän ucapachajja.

Génesis 32:29

—Jichhajj jumajj saraquita, ¿cunas sutimajja? —sasaw Jacobojj jisct'araquïna. Ucampisa uca jakejj saraquïnwa: —¿Cunataquis sutejj yatiñ munta? —sasa. Ucatsti uca jakejj ucqhanpachwa Jacoborojj bendisjjaraquïna.

Éxodo 18:8

Ucanwa Moisesajj awcch'iparu yatiyäna cuntejj Tatitojj faraonaru, uqhamarac egipcionacarus lurcäna israelitanacar arjjatasa. Uqhamarac yatiyaraquïnwa cuna jan walt'añanacatejj thaquin utjcäna, ucampis Tatitojj cunjämtejj jupanacar khespiycäna ucanacsa.

Amós 1:11

Aqham siw Tatitojja: “Edom marcanquir jakenacajj wali ñankhanacpuni lurapjje, ucatsti janiw jan mutuyatäpcaspati, Israelita jilanacaparu jan qhuyapt'ayasisa espada ayt'ata arcnakapjjatap laycu. Jach'a colerasiñapasa, uñisiñapasa jilapataquejj jan tucusquirïnwa.

Malaquías 1:2

“Nayasti jumanacarojj munapjjsmawa” siw Diosajja. Ucatsti jumanacajj sapjjestawa: ‘¿Cunjämatsa yatipjjerista juman nanacaru munatamjja?’ Diosasti ucjjarojj siwa: “Uca quipcaraquiw nayajj jumanacar munapjjsma. Cunjämatejj Esaumpi, Jacobompejj jila puränjja, ucampis nayajj Jacoboruw munayäta Esaurusti uñisiraquïyätwa, uca quipcaraquiw nayajj jumanacarojj munapjjsma. Esaun kollu orakenacapsti wasararuw tucuyaractjja, yapunacapsti monte animalanacataquiw tucuyaractjja” sasa.

Números 13:26

Cades sat chekaru, Parán wasararu. Ucanwa Moisesas, Aaronas uqhamarac take israelitanacas jicjjatasipjjäna, ucatsti yatiyapjjänwa cuntejj jupanacajj yatjjatanipcän take ucanaca, uqhamaraquiw uca oraken achunacapsa uñacht'ayapjjäna.

Números 20:15

Nanacan awquinacajjasti Egiptoruw sarjjapjjäna, ucatsti walja maranacaraquiw ucan jacapjjaraquïna, ucampisa egipcionacajj awquinacajjarjamaraquiquiw jan wali uñjapquitänti.

Números 20:22

Take Israel marcajj Cades sat chekat sartawayasajj, Hor sat kollu tokeruw sarapjjäna.

Deuteronomio 23:7

“Ucat sipansa janiw jumanacajj edomitas sat jakenacarojj jisc'achapjjätati jupanacajj jumanacan familianacamätap laycu.

Josué 2:10

Nanacasti yatipjjaractwa cunapachatï Egipto marcat mistunipcta ucqhajja, Diosasti uca Mar Rojo sat kotsa wañt'ayatapa jumanacan pasapjjañanacamataqui. Ucatsti yatipjjaractwa Sehón, uqhamaraqui Og sutini amorreonacan reyinacaparusa tucjanipjjatama, cawquïrinacatï Jordán jawir qhurcatan jacapcän ucanacaru.

Josué 2:9

—Nayasti yattwa Diosan jumanacaru aca orake churatapa, ucatsti nanacajj jumanacat parlasir ist'asinaqui qhathatipjjta, uqhamaraquiw aca marcan jaquir jakenacajj ajjsarañatsa jiwarirjamäpjjewa jumanacat ist'asajja.

Josué 9:10

uqhamaraqui cunjämtï lurcatayna uca pani amorreon reyipampisa, cawquïrinacatï Jordán jawir qhurcatan jacapcän ucanacampi, Hesbón sat marcan reyipa Sehón sutini; uqhamaraqui Basán marcan reyipa ucasti Og sutiniraqui, cawquïritï Astarot sat oraken jaccäna ucaru —sasa.

Josué 9:9

Jupanacasti sapjjänwa: —Nanacajj wali jaya marcat jutapjjta. Diosaman jach'a ch'amanïtap yatipjjta, cuntï Egipto marcampejj lurcatayna ucsa yatipjjaractwa, ucat jichhajj jutapjjta,