Números 19:9 - Qullan Arunaca

⁹ Mayni k'omachat jakesti, naqhantayat vacan khellanacap apjjaruwayasinjja, mä k'oma chekaruw uchanini campamentot ankäjjaru. Uca khellatsti Israel marcajj k'omachasir umwa waquichapjjani. Take ucanacasti juchanacat sacrificiöniwa.

Aymar Bibliia 1986

⁹ Mayni k'omachat jakesti, naqhantayat vacan khellanacap apjjaruwayasinjja, mä k'oma chekaruw uchanini campamentot ankäjjaru. Uca khellatsti Israel marcajj k'omachasir umwa waquichapjjani. Take ucanacasti juchanacat sacrificiöniwa.

Qullan Arunaka DC

⁹ Uka qhipatsti, mayni jan q'añuchat jaqiw nakhantayat vacan qhillanakap apthapini, uksti campamentot anqäxan mä q'uma chiqaruw uchxani. Uka qhillampiw Israel markax q'umachasir uma wakichani, taqi ukanakasti juchanakat wilañcha luqtäwïniwa.

Números 19:9 Jak'a apnaqawi uñst'ayäwi

Levítico 15:20

“Cawqhanacarutejj uca warmejj phajjsi wilanïcasina iquini uca iquiñapasti k'añut uñt'atäniwa. “Cawqhanacarutejj kont'asiraquini, ucqhasti k'añut uñt'ataraquïniwa.

Zacarías 13:1

“Qhä urunjja mä uma jalsuw jist'artanejja, ucana Davidat jutir familianacas, Jerusalenan jaquirinacasa juchanacapa, k'añu cancañanacapa jarekasipjjañapataqui.

Números 19:13

Cawquïritejj mä jiwat jaken janchipa llamct'cani, janiraqui k'omachascaniti, ucasti Tatitun kollan utapwa k'añuchi, ucapachasti jakonucutäñapaw Israel marcatjja, jan k'omachasir umampi ch'allt'atätapata, uqhamarac k'añuchata jicjjatasitap laycu.

Números 19:17

“Uqhama k'añunquirinacataquejj mä juc'a khella apthapisini, cawquïri vacatejj juchanacat sacrificiotaqui churatäqui ucata, ucsti mä vasijaruw uchani, suma k'oma jalsur umampiraquiw warjjatasini.

Números 19:18

Ucatsti mä k'omachat jakew mä hisopo rama aptasinjja umaru juricht'ani, ucampiw carparu ch'allaquipani, vasijanacaru uqhamarac cawquïri jakenacatejj ucan jicjjatasipqui ucanacaru, uca quipcaraqui cawquïritejj ch'aqhanacsa, jiwayat jaken janchinacapsa, jupa quipca jiwcatayna ucan janchipsa, sepulturanacsa llamct'catayna ucarusa.

Números 19:3

Jumanacasti Eleazar sacerdoteruw churapjjäta, ucatsti jupaw campamento ankäjjar irpsuwayasinjja jupan uñjcata qharinucuyani.

Números 19:8

Uqhamaraquiw cawquïri jaketejj vaca naqhantayqui ucajj isipa t'ajjsokasini, janchipsa jarekasiraquini, ucatsti janiw k'omachatäquiti jayp'ucamajja.

Números 6:12

Tatitur catuyasiñanjja yakhatwa kalltaraquini, nayra catuyasitapsti janiraquiw amtascjjaniti, cawquïri ñic'utaptejj catuyascän ucajj k'añuru tucutap laycu. Uqhamaraquiw Tatitun ucaru aparaquini mä maran orko oveja juchanacapat sacrificio loktañataqui.

Números 8:7

Uca k'omachäwsti aqham lurapjjäta: Jumaw ch'allaquipäta k'omachasiñ umampi, ucatsti jupanacajj janchipan ñic'utanacapsa take qhuchhurasipjjani, isinacapsa t'ajjsurasipjjaraquini, uqhamatwa k'omachatäpjjani.

Números 9:13

Ucampisa cawquïritejj Pascua fiesta amtañ apanucuni, k'oma jicjjatascasina, uqhamarac jan saräwinccasina, ucajj jilanacap taypitjja apanucutäniwa, uqham Tatitu Diosar jan ofrenda loktatap laycu, juchanacapatjja mutuyäwi catokaraquini.

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.

2 Corintios 7:1

Uqhamapï munat jilatanaca, Diosan take aca arsutanacapajj jiwasataquiwa. Ucatpï take cunatejj k'añuchquistaspa ucatjja jithektañasajja, ucatsti k'oma sarnakañasawa janchisansa, uqhamaraqui ajayusansa. Diosar ajjsarasaraquiw juparojj take catuyasjjañasajja.

Hebreos 7:26

Uqhamapï Jesusajj cuna jilïri sacerdottejj suycäyätan ucajja. Jupajj kollanawa, jan juchaniraquiwa, juchaninacats jithektata, alajjpachats juc'amp alayar aptataraqui.

Hebreos 9:13

Chekaraquïnwa toronacana, cabritonacan wilanacapampi, uqhamarac kachu vaca kallunacan khellanacapampi altaran naqhantqui, juchararanacjjaru ch'alljjatatäcaraqui ucajja, ch'amaniraquiw ankäjjat k'omachañataquejja.