Números 16:38 - Qullan Arunaca

³⁸ Cawquïri jakenacatejj juchanacapat jiwapqui ucanacan incensariopajj k'omachatäjjewa nayan nayrakatajjana, incienso loktañataqui. Uca metalanacjja laphinacaru tucuyapjjam altararu muyuntayañataqui, uqhamarac israelitanacataquejj amtasiñatac uchatäpan.”

Aymar Bibliia 1986

³⁸ Cawquïri jakenacatejj juchanacapat jiwapqui ucanacan incensariopajj k'omachatäjjewa nayan nayrakatajjana, incienso loktañataqui. Uca metalanacjja laphinacaru tucuyapjjam altararu muyuntayañataqui, uqhamarac israelitanacataquejj amtasiñatac uchatäpan.”

Qullan Arunaka DC

³⁸ 38 (3) Jucha luratapat uka jaqinakax jiwaraski, jupanakan incienso q'aphichañanakapax, qullanañchatäxiwa, naya nayraqataxan incienso luqtañatak apnaqasitap layku. Altarar apakipañatak uka metalanak sillp'ar tukuyapxam, ukanakasti israelitanakan amtasiñapatak uchatäpan” sasa.

Números 16:38 Jak'a apnaqawi uñst'ayäwi

1 Reyes 2:23

Uqham sasinsti, Salomón reyejj Tatit laycuw juramento luräna: “Diosajj nayarojj mutuyitpan uqhamarac juc'amp yapt'araquitpan, aca arunacjja Adoniasajja jacañapa tokequiwa parli.

Proverbios 1:18

ucampis uca jakenacajja jupanac pachpataquiquiw sipita waquichasipjje, ucatsti jacañanacapjja jan walt'añanacaruwa puriyapjje.

Proverbios 20:2

Mä colerata reyejj warariri leonar uñtatawa; qhititejj jupar colerayqui ucajja, jacañapjja jan walt'añaruw puriyasqui.

Proverbios 8:36

Ucampis qhititï nayar jan jicjjatquitu ucajja, jacañapwa aynacht'añaru apasqui; ¡nayar take uñisirinacasti jiwaruwa munasipqui!”

Jeremías 44:7

‘Uqhamapï naya take ch'amani Israelan Diosapajj sistjja: ¿Cunatsa jumanacpacha uca jach'a ñankha apasinipjjta? ¿Cunatsa jumanacajj jiwarañaru apt'apjjtajja take Judá orakenquiri jakenacjja, chacha, warmi, wawanaca, uqhamaraqui asu wawanacsa, jan maynini jiwarañapataquejja?

Ezequiel 14:8

Uca jakempisti nayajj jiquintasïwa, takeninsa uñjcañwa mutuyaraquëjja takenis ucat parlapjjañapataqui, uca jakerusti marcajjatjja chhaktayaraquïwa. Ucapachaw jumanacajj yatipjjäta nayan Tatitütajja.

Habacuc 2:10

Uqhamatwa utamjja mä p'enka tucuytajja, juma quipca tucjatäñaruw purtajja walja marcanacaru tucjatamata.

Números 16:37

“Aarón chachan Eleazar sat yokapar qhitam, uca nina naqhantat taypinacat incensarionac apsuniñapataqui, ucatsti jayaru jaktanpan cuna akasquir q'illiminacatejj utjasqui ucanaca.

Números 16:39

Eleazar sacerdotesti uca jakenacan broncet lurat loktañanacapa apthapisinjja, laphinacaruw tucuyjjäna, altarar muyuntayañataqui.

Números 16:40

Ucasti israelitanacan amtasipjjañapataquïnwa, Aarón chachan wawanacapat sipansa, janiraquiw qhitisa altarar jac'achasiñapäcänti, Tatituru incienso loktañataquejja. Janitejj ist'asipcani ucqhajja, Coré chacharu, jilanacapampiru pasqui uqhamaw lurasiraquini cawquïri jaketejj loktañ munqui ucampejja. Uqhamaw phokhasïna cunjämatejj Tatitojj Eleazarar siscatayna Moisés toke uqhamarjama.

Números 17:10

Ucatsti Tatitojj Moisesarojj sänwa: “Wasitat uchanim Aaronan varapjja sumancayiri arcan nayrakataparu, ucqharu imaniraquim aca naya contra sayt'asir marcatac mä chimpüñapataqui. Uqhamatwa naya nayrakatat jan wali parläwinac apakäta, ucatsti janiw jiwapcaraquiniti” sasa.

Números 26:10

Ucampisa orakew jist'artasin jupanac paniniru, Coré chachampirojj mank'antjjäna, ucatsti takpach tamaw jiwaräna, uqhamaraquiw pä patac pheska tunca jakenacasa ninan jiwarapjjäna. Acasti mayninacataquejj mä uñacht'äwi castigönwa.

1 Corintios 10:11

Take acanacaw nayra awquinacasarojj pasatayna. Ucanacasti kellkatawa jiwasanacan amuyt'asipjjañasataqui, ucatsti jan uqham lurañasataqui.

2 Pedro 2:6

Diosajj ninampiraquiw Sodoma, uqhamarac Gomorra sat marcanacarojj naqhantayänjja khellar tucuyasa, khepa urunacan jaquir jan wali jakenacan amuyt'asipjjañapataqui.