Números 16:35 - Qullan Arunaca

³⁵ Uqhamaraquiw Tatitojj mä nina apayanïna, ucatsti jiwarayänwa, pä patac pheska tuncan jakenacaru, cawquïrinacatejj incienso loktapcän ucanacaru.

Aymar Bibliia 1986

³⁵ Uqhamaraquiw Tatitojj mä nina apayanïna, ucatsti jiwarayänwa, pä patac pheska tuncan jakenacaru, cawquïrinacatejj incienso loktapcän ucanacaru.

Qullan Arunaka DC

³⁵ Ukxarusti, Tatitux mä nina apayanïna, uka ninasti incienso luqtapkatayna uka pä patak phisqa tunkan levita jaqinakaruw nakhantas jiwarayäna.

Números 16:35 Jak'a apnaqawi uñst'ayäwi

Salmos 106:18

Ninaw jupanacataquejj naqhäna, nina lawrajj ñankha luririnacaruw naqhantäna.

Salmos 50:3

Diosasajj jutasquiwa, janiw amuc jutquiti: naqhantir ninaw nayrakatapanjam jutasqui, jach'a tutucamp muyuntataw jutascaraqui.

Ezequiel 8:11

Ucansti pakallko tunca israelita jilïri jakenacawa ucancasipcäna, ucancascaraquïnwa Jaazanías sat jakesa, cawquïritejj Safán sat jaken yokapäcän uca, jupanacasti uca yakha diosanacaruw yupaychasipcaraquïna. Sapa maynis mä incensario wayt'atcamaquïpjjänwa, ucanacatsti incienso jewk'ew wali mistuscaraquïna.

Levítico 10:2

Ucatwa mä ninajj Tatitun nayrakatapat mistunïna, jupanacarusti k'alwa naqhantaraquïna. Uqhamwa jupanacajj Tatitun nayrakatapana jiwarapjjäna.

Números 14:37

Uca jakenacarojj Tatituw acatjamat jiwarayäna, uñjanipcatayna uca oraket jan wali parlapjjatap laycu.

Números 16:17

Sapa mayniw incensariop apasini, ucatsti incienso uchapjjani. Jumasa, Aaronasa, apasipjjätaw incensarionacamjja, incienssti uchapjjätaw sapa mayni, pä patac pheska tuncanimp chica, Tatitun nayrakatapana —sasa.

Números 16:2

Jupanacasti Moisés contraw sartapjjäna, jupanac chicasti sartapjjaraquïnwa pä patac pheska tuncani israelitanacampi cuna, uca jakenacasti marcanjja jilïrinacäpjjänwa, uqhamarac amuyt'ayiri jakenacäpjjänwa, takeninsa wali uñt'ata.

Números 16:34

Take cawquïri israelitanacatejj uca thiyanacan jicjjatasipjjäna ucanacajj warariri ist'asinjja, walpin jaltjjapjjäna aqham sasa: “Inampis jiwasarus uqham mank'antcaraquistaspa” sasa.

Números 16:36

Ucatsti Tatitojj Moisesarojj sänwa:

Números 16:49

Uca usumpi jiwatanacajj tunca pusin waranka pakallko patacani jakenacänwa, ucampisa janiraquiw jact'atäpcänti cawquïri jakenacatejj jiwarapcäna Coré chachas Dios contra sartascäna ucanacatjja.

Números 26:10

Ucampisa orakew jist'artasin jupanac paniniru, Coré chachampirojj mank'antjjäna, ucatsti takpach tamaw jiwaräna, uqhamaraquiw pä patac pheska tunca jakenacasa ninan jiwarapjjäna. Acasti mayninacataquejj mä uñacht'äwi castigönwa.

Números 3:4

ucampis Nadab uqhamarac Abiú chachanacajj Tatitu nayräjjanwa jiwapjjäna, jupanacan mä jan uñt'ata nina Sinaí kollun loktapjjatap laycu. Jupanac paninisti janiraquiw wawanïpcänti, ucatwa Eleazar uqhamarac Itamar chachanacajj sacerdotet sarnakapjjäna, Aarón awquipan uñjata.

Apocalipsis 11:5

Qhititejj aca pani testigonacar cuna jan walsa lurañ munanejja, jupanacajj lacanacapat nina ajjsupjje. Uca ninasti uñisirinacaparojj k'al naqhanti, uqhama naqhantataw jiwani qhititejj cuna jan walsa aca pani testigor lurapcani ucanacajja.