Números 15:39 - Qullan Arunaca

³⁹ Cunapachatejj fleconacan uchat uñjapjjät ucqhajj, take camachi arunac churapcsma ucanacat amtasipjjäta, ucatsti phokhapjjaraquïtawa, janiraquiw jumanacan pachpa amtäwinacamampi, munañanacamampi apayasipjjätati, cawquïrinacampitejj jumanacajj jan iyawsañani tucupcta ucanacampi.

Aymar Bibliia 1986

³⁹ Cunapachatejj fleconacan uchat uñjapjjät ucqhajj, take camachi arunac churapcsma ucanacat amtasipjjäta, ucatsti phokhapjjaraquïtawa, janiraquiw jumanacan pachpa amtäwinacamampi, munañanacamampi apayasipjjätati, cawquïrinacampitejj jumanacajj jan iyawsañani tucupcta ucanacampi.

Qullan Arunaka DC

³⁹ Uka t'ikhachatanak uñjasin jumanakax nayan churat taqpach kamachi arunakat amtasipxäta, ukat phuqhapxarakïta; janirakiw jumanakan pachpa amtäwinakamampi, munañanakamampi apayasipxätati, ukanak laykuw jumanakax nayar iyawsañ apanukupxtaxa.

Números 15:39 Jak'a apnaqawi uñst'ayäwi

1 Reyes 12:33

Uqhamawa quimsakallkör phajjsina tunca pheskani uru sarakataru Jeroboam reyejj sacrificionaca loktäna, Betel chekana altar luraycäna ucjjaru. Acasti munañaparjama israelitanacataqui uñstayäna phajjspacha fiestäñapataqui ucawa, uca pachpa phajjsiraquiw maqhatasina altarjjaru incienso naqhantayaraquïnjja.

Job 31:7

Nayatejj cheka thaquit saranucstjja, inas inampst'añanacampi atipjayasiracstjja, inas jaken cuna yänacapsa catuntasiracsta,

Salmos 106:39

luräwinacapampiw k'añuchasipjjäna, ñankha luratanacapampiw wachokapjjäna.

Salmos 73:27

Jumat jayarst'irinacajj tucusipjjaniwa, arsutam jan phokherinacarusti t'unjätawa.

Éxodo 13:9

‘Jumanacasti amparanacamaru, uqhamarac para patanacamaruw mä unancha apapjjäta, ucawa amtayapjjätam Tatitun camachipat parlapjjañamataqui, jupawa jach'a ch'amapampi Egipto marcatjja apsunipjjtamjja.

Proverbios 28:26

Jan amuyt'an jakewa, jupa pachpan amuyt'aparu alcatasqui ucajja, ucampis qhititejj yatiñ cancañampi cunsa lurqui ucawa khespiyatäni.

Proverbios 3:1

“Munat wawajjay, jan armasimti nayan yatichäwinacajjata; camachi arunacajjsti chuymamarupuni imam,

Eclesiastés 11:9

Jumajj wayna cusisim, wayna cancañamana; c'uchiqui sarnakaraquim waynäcasina. Chuymamajj cawquirutejj sarañ munqui, nayramas cuntï uñjqui ucar sararaquim; ucampis amtasim take ucanacatjja Diosar cuenta churañamäniwa.

Jeremías 9:14

Jan wali chuymanacapan amtatanacaparuquiw arcapjjänjja, ucatsti c'ari diosanacaruw quillt'asipjjaraquïnjja, cunjämtejj awquinacapajj yatichcatayna uqhama.

Ezequiel 6:9

Uca jilt'irinacasti, uca jaya marcanacanjja nayatwa amtasipjjaraquini; cunjämtejj nayajj jupanacaru t'akhesiycäyätjja, jan nayaru take chuymampi arcapjjatapata, uqhamaraqui nayatsa jayarst'awayapjjatapata yakha diosanacar yupaychañ laycojja, take ucanacwa amtasipjjani. Jupanacasti take ñankha luräwinacapa amthapisisajja, jupanacpachaw ajjtasipjjani, take uca ajjtascaña luräwinacapatsa.

Oseas 2:2

Tatitojj siwa: “¡Taycamar juchañchapjjam, juchañchapjjam, jupasti janiw jichhajj warmejjäcjjeti, janiraquiw nayas chachapäcjjti! ¡Yakha chachanacampi sarnakañapjja apanucjjpan!

Deuteronomio 29:19

“Uqhamasti aca juramento arunac ist'awayasina, cawquïrisa jumanacat jupa pachpa suma jakëtap amuyasi, ucatsti aqham sani: ‘Take cunaw nayataquejj walt'ascani, munañajjar lurcä ucqhasa’ sasa. Uca jakew jumanacan jan cunanïñanacataqui juchaninejja.

Deuteronomio 4:23

Ucampis amuyasipjjam janirac armasipjjamti cuna suma arust'äwirutï Diosampi mantapcta ucanacjja. Janiraqui cuna casta ni cunar uñtat yakha diosanacsa lurasipjjamti, cawquïri lurañjjattï Tatitojj sapctam: ‘Janiw cunsa lurapjjätati’ sasa.

Deuteronomio 6:12

Take ucanac pasjjani ucqhajj janipun jumanacajj Tatitu Diosat armasipjjamti, qhititï Egipto marcat irpsunipjjtam, cawqhantï esclavot sarnakascayäta ucata.

Deuteronomio 8:11

“Tatitu Diosamatsti janipun armasipjjamti, janirac armasipjjamsa camachi arunacapa, arsutanacapa, leyinacapsa jichha uruna churapcsma ucanac phokhañsa.

Deuteronomio 8:14

ucatsti jan jumanacajj jach'a jach'a tucupjjamti ni Tatitu Diosamatsa armasipjjamti, cawquïri Diosatï Egipto marcat irpsunipjjtam, cawqhantï esclavot sarnakasipcäyät ucata.

Santiago 4:4

¡Jan Diosa chuyma jakenaca! ¿Janit jumanacajj yatipcta acapachampi sumancañajj Diosampi jan walincañätapjja? Qhititejj aca pachampi sumancañ munqui ucajj Diosan uñisiripawa.