Números 15:35 - Qullan Arunaca

³⁵ Ucatsti Tatitojj Moisesarojj sänwa: “Uca jakesti juchañchat jiwañapawa. Take israelitanaca kalampi c'upjapjjpan campamento ankäjjana” sasa.

Aymar Bibliia 1986

³⁵ Ucatsti Tatitojj Moisesarojj sänwa: “Uca jakesti juchañchat jiwañapawa. Take israelitanaca kalampi c'upjapjjpan campamento ankäjjana” sasa.

Qullan Arunaka DC

³⁵ Ukapachaw Tatitux Moisesar säna: “Uka jaqix jiwañapawa. Taqpach marka jupar qalamp k'upjapxpan campamentot anqäxana” sasa.

Números 15:35 Jak'a apnaqawi uñst'ayäwi

1 Reyes 21:13

Ucjjarusti purinipjjänwa pä c'ari testigonaca, ucatsti khanañchapjjänwa Nabot chacha contra take jakenacan nayrakatapana: “Diosaru, uqhamarac reyiruw ñankhachi” sasa. Ucatsti marcat apsusinjja kalamp c'upjascamawa jiwayapjjäna.

Levítico 20:2

“Israelita jakenacarusti aqham saraquim: Cawquïri israelita jaketejja jan ucajj jumanac taypina jaquiri yakha marcat jutiri jakenacasa, wawanacapa Moloc sat diosaru sacrificiot loktani ucasti kalampi c'upjasina jiwayatäñapawa, take jakenacaw juparojj c'upjapjjañapa.

Levítico 20:27

“Cawquïri chachatejja jan ucajj warmisa ñankha ajayunïni, jan ucajj yatirïnisa, ucanacasti kalampi c'upjasin jiwayatäñapawa, ucatsti jupapacharaquiwa uca jiwäwipatjja juchanïscani.”

Levítico 24:23

Moisesasti israelitanacampiw parläna, uqhamasti jupanacajj cawquïri jaketejj uqham Tatituru ñankhachcatayna uca jakerojj campamentot ankäjjaruwa irpsuwayapjjäna, ucanwa kalampi c'upjasin jiwayapjjäna. Cunjämtejj Tatitojj Moisesarojj siscatayna uqhamarjamaw israelitanacajj phokhapjjäna.

Números 15:36

Ucatsti israelitanacajj campamento ankäjjaru irpsunisinjja, kalampiw c'upjapjjäna jiwayañcama, cunjämatejj Tatitojj Moisesaru siscän uqhamarjama.

Lucas 4:29

Sartasinsti Jesusarojj marcat ankäjjaruw alissupjjäna, ucatsti cawqharu sayt'atäcäntï uca marcajja, uca kollu pataruw irpsupjjäna, ucqhat Jesusar nuct'añataqui.

Hechos 7:58

Ucatsti marcat ankäjjar irpsusinwa kalamp c'upjapjjäna. Uc lurir testigonacasti isinacap thatsusisinjja, mä waynaruw catuyapjje. Uca waynasti Saulo sutinïnwa.

Deuteronomio 21:21

Ucapachasti takpach marcan jakenacawa kalampi c'upjasin jiwayapjjani. Uqhamatwa jumanacajj marcaman uca ñankha luririnacjja tucjapjjäta, uca yatisinsti israelit jakenacajj wal ajjsarapjjani.