Números 15:24 - Qullan Arunaca

²⁴ “Marcpachatejj jan muncasina pantjasini ucapachajj acanac lurapjjäta: takpach marcaw mä suma k'apquir vaca kallu naqhantayasa loktitani, juyra achunacampi, vinompi ofrendanac chica, cunjämtejj Tatitu Diosajj ewjjawayqui uqhama, ucatsipansa mä cabrito loktapjjetäta juchanacat sacrificiotaqui.

Aymar Bibliia 1986

²⁴ “Marcpachatejj jan muncasina pantjasini ucapachajj acanac lurapjjäta: takpach marcaw mä suma k'apquir vaca kallu naqhantayasa loktitani, juyra achunacampi, vinompi ofrendanac chica, cunjämtejj Tatitu Diosajj ewjjawayqui uqhama, ucatsipansa mä cabrito loktapjjetäta juchanacat sacrificiotaqui.

Qullan Arunaka DC

²⁴ “Markpachatix jan amuyasis pantjasinixa, taqpach markaw mä urqu vaca qallu luqtitani, nakt'ayat suma q'apkir luqta, wakiski uka grano achunakampi, vino waxt'apampi, Diosan arsutaparjama; ukxarusti, jucha luratat mä chivo wilañcha luqtapxitäta.

Números 15:24 Jak'a apnaqawi uñst'ayäwi

Esdras 6:17

Uca urunsti sacrificionacjja loktapjjänwa pataca vaca kallunaca, pä pataca qhariñ ovejanaca, uqhamarac pusi pataca mä marani ovejanaca, ucjjarusti tunca payan chivonaca, israelitanacan tribunacapatjja mayacama take Israel marcpachana juchanacapata loktasisina.

Esdras 8:35

Ucjjarusti jayar apayatanacajj cutt'anjjapjjäna ucanacasti, churapjjänwa nact'at loktäwinaca Israelan Diosaparu loktatäñapataqui, uqhamarac take israelitanacan sutiparuraqui, churapjjänwa tunca payan vaca kallunaca, llätunc tunca sojjtani qhariñ ovejanaca, pakallk tunca pakallkoni mä maran ovejanaca, uqhamarac tunca payan chivonaca juchata ofrenda loktañataqui. Take ucanacasti Tatitutaqui nact'ayatänwa.

Levítico 23:19

“Jucha luratanacatsti mä cabrito sacrificiot loktapjjaraquïta, uqhamarac pä orko ovejanaca sumancthapiñataqui ofrendanaca loktapjjaraquïta, uca ovejanacasti mä marani ovejanacäñapawa.

Levítico 4:2

“Israelitanacarusti saraquim: Maynitejj jan amuyasisina Tatitun arunacap contra juch lurani cunatejj jan waquisqui ucanac lurasa, ucatsti aqham lurañapawa:

Levítico 4:22

“Mä jilïritejj jan amuyascasina Tatitu Diosan arunacap contra jucha luranejja, uca jilïrejj juchanipuniwa, jan amuyasisa lurcchi ucasa.

Levítico 4:23

Cunapachatejj uca jucha luratapa amuyasjjani ucapachasti mä c'umara orko cabrito ofrendat apjjaraquini.

Levítico 5:15

“Mayni jaketejj jan muncasina jucha luranejja, ucatsti, Tatitur loktat yänacata engañatapajj uñstani ucapachasti, tamanacapatjja mä orko oveja wayokaniraquini ucasti c'umara jan cuna camacht'atäñaparaquiwa, ucat jucha luratapat sacrificio loktaraquini, Tatitun ucar apasa. Uca orko ovejan alapasti kawkhäquitejj santuarion kollkepajj ucarjamaw chaniñchasiñaparaqui, cunjämatejj jucha luräwit ofrenda loktañajj waquisqui uqhamarjama.

Levítico 5:18

Uqhamasti oveja tamanacapatjja mä c'umara jan camacht'ata orko oveja apaniraquini, uca ovejan alapsti jumaw tantiyaraquïta, ucatsti sacerdoten ucaruw apataraquïni, uca jucha luräwit loktañataqui, uqhamat cuntejj uca jakejj jan amuyascasina jucha lurcatayna ucat perdón jicjjatañataqui, ucat uca juchapasti perdonatäjjaraquiniwa.

Números 15:23

Kallta urutpacha jumanacasa khepa wawanacamasa phokhapjjañapataqui ucqhajj, acanac lurapjjäta:

Números 15:26

Nayaw perdonä take Israel marcaru, uqhamarac yakha marcat jutasin jumanac taypin jacapquis ucanacarusa, marcan pantjasitapajj jan munasina luratächi ucqhajja.

Números 28:15

Uqhamarus sapüru nact'ayat ofrenda loktatat sipansa, Tatitu Diosarusti mä cabritwa sacrificiot juchanacatjja loktapjjäta, vino ofrendampi chica.