Nehemías 9:2 - Qullan Arunaca

² Ucatsti jaya marcat jutir jakenacat jithektasinjja, sayt'asisinwa juchanacapa arsusipjjäna, uqhamarac nayra awquinacapan juchanacapatsa.

Aymar Bibliia 1986

² Ucatsti jaya marcat jutir jakenacat jithektasinjja, sayt'asisinwa juchanacapa arsusipjjäna, uqhamarac nayra awquinacapan juchanacapatsa.

Qullan Arunaka DC

² ukatsti yaqha markat jutir jaqinakat jithiqtasinxa, sayt'asisin juchanakap arsusipxäna, nayra awkinakapan juchanakapat arsusipxarakïna.

Nehemías 9:2 Jak'a apnaqawi uñst'ayäwi

1 Reyes 8:47

ucatsti cawqha jaya marcarutejj apanucutäqui ucqhatpacha jumar cutcatjjapjjätam, ucatsti achict'asipjjaraquïtam jan wali jucha luratanacap uñt'asisa,

Esdras 10:11

Uqhamasti awquinacaman Tatit Diosapan nayrakatapanjja, juchanïpjjatamjja uñt'asipjjam, ucatsti Tatitun munañap phokhapjjam. Ucatsti saraktapjjam jaya marcanacanquir yakha diosanacar sirvir warminacatjja —sasa.

Esdras 6:21

Pascuana mank'añäqui uca mank'atjja take israelitanacaw mank'apjjäna, qhitinacatejj jayar apayatäsina cutt'anipcäna ucanaca, take qhitinacatejj saraktanipcäna jucharar marcana jucha lurañanacapata ucanacamp chicaraqui, jupanacasti chicachasipjjänwa Israelan Diosapar yupaychañana.

Esdras 9:1

Ucanac tuct'ayatarusti, jilïrinacajja nayar jac'achasisinjja sapjjetuwa: “Israelitanacasa, sacerdotenacasa, uqhamarac levita jakenacasa, aca orakenquir jakenacatjja janiw yakhachata jacapquiti, cananeos, hititas, ferezeos, jebuseos, amonitas, moabitas, egipcios, uqhamarac amorreos ucanacan ajjtcaña diosanacar loktasa sarnakäwinacapatjja.

Esdras 9:15

“Israelan Tatitu Diosapa, jumajj nanacampejja chekapwa lurtajja; jumaraquiwa wact'ayaracta nanac taypita mä tama khespiyasina jacañapsa, cunjämatï jichhürojj uñjapjjta uqhama. Nanacasti chekpachanwa juma nayrakatana juchanïpjjta, ucatwa jan juman nayrakatamancapquiristi.”

Esdras 9:2

Jupanacasa yokanacapasa uca jakenacan phuchanacapampiwa casarasipjje; uqhamasti Diosan marcapajj yakha marcanacanquir jakenacampiwa mayachasjjapjje. Nayrakatajja jilïrinacampi marca apnakerinacampiwa aca juchjja lurapjje” sasa.

Nehemías 1:6

Jichhasti nayajj mayissmawa ist'añamataqui, arumay uru oración luratajjaru israelita sirvirinacam laycu. Nanaca israelitanacajja uñt'asipjjtwa juchanac juma toke luratanacajjatjja. ¡Take familiajjasa, nayasa juchwa lurapjjta!

Nehemías 10:28

Ucat ucjjar marcanquir jakenacasti, sacerdotenaca, levitanaca, puncu uñjirinaca, k'ochurinaca, templon sirvirinaca, take qhitinacatejj marcanacata saraktanipcäna Diosan leyipa phokhañataqui, warminacapamppacha, uqhamarac take amuyuni yokall imill wawanacapamppacha,

Nehemías 10:29

mayachasipjjänwa familianacaparu, uqhamarac jilïrinacaparu, ucatsti amtasipjjänwa suma arust'äwir mantañataqui. Jupanacasti juramento lurapjjäna suma sarañataqui, cuntejj Diosajj churcäna leyinaca Moisés sirvirip toke, uqhamat suma phokhapjjañapataqui take camachi arunacapa, suma arsüwinacapa, uqhamarac Tatitusan leyinacapsa.

Nehemías 13:3

Uqhamasti, leyejj cuntï siscäna ucanac ist'asinsti, Israel marcatjja yakhachapjjänwa take qhitinacatejj jaya marcat jutir jakenacampi mayachascatayna ucanacaru.

Nehemías 13:30

Uqhamasti take jaya marcat jutir lurañanac k'omachta, uqhamarac sacerdotenacarusa, levitanacarusa suma utt'ayaracta, uqhamat sapa maynis lurañanacapan phokhapjjañapataqui.

Salmos 144:7

Alajjpachatpach amparam loktanim, lamar kota umanacat arjjatita, khespiyaraquita, yakha marcanquir jakenacan amparapat khespiyita,

Proverbios 28:13

Qhititejj juchap imantascani ucajja, janiw nayrar sarcaniti, ucampis qhititejj juchap arsusisina jaytanucjjani, ucasti perdonatäjjaniwa.

Isaías 2:6

Tatitu, wawanacamarojj apanuctawa, Jacobon marcaparojja; marcasti inti jalsu toket yatiri jakenacan phokhantatawa, filisteo yatiri jakenacan phokhantatjamawa, jaya marcanquir jakenacampiraquiw arust'äwinacas lurasi.

Jeremías 14:20

Tata, nanacajj juchanacajj-jja uñt'asipjjtwa, uqhamaraqui nayra awquinacajjan juchanacapsa; juma nayrakatan juchjja lurapjjaracta.

Jeremías 3:13

Juchamaqui uñt'asim, Dios Tatitutaquiw sayt'astajja, yakha munirinacan khepap jalaractajja, take jach'a kokanac c'uchuru, arunacajjsti janiw ist'caractati. Naya Tatituw ucjja arsta’ ” sasa.

Daniel (hebreo) 9:20

“Nayasti mayiscaquïyätwa Diosatjja, juchanacajjsa arsusisaraqui, uqhamaraqui Israel marcajjan juchanacapsa arsusina, Tatitu Diosajjan nayrakataparuw mayisitanacajjsa uscuraquïyäta, jupan kollan kollup laycu.

Oseas 5:7

Tatitutaquejj janiw take chuymäpcänti, ucatpï wawanacapas yakha awquinïpjjaraquejja. Uqham yakhampïpjjatap laycusti, mä phajjsinacwa orakenacapajj k'ala tucjatäni.