Nehemías 8:1 - Qullan Arunaca

¹ Pakallko phajjsïri purinjjäna ucqhajja, israelita jakenacajja lugaranacaparojja suma utjantatäjjapjjänwa. Ucatsti take jakenacawa plazana mayaqui tantacht'asipjjäna, Uma puncu satäqui uca nayräjjana, ucatjja yatichiri Esdrasarojja sapjjänwa: —Tatitojj Israel marcaru Moisesan leyipa churcäna uca libro aptanim —sasa.

Aymar Bibliia 1986

¹ Pakallko phajjsïri purinjjäna ucqhajja, israelita jakenacajja lugaranacaparojja suma utjantatäjjapjjänwa. Ucatsti take jakenacawa plazana mayaqui tantacht'asipjjäna, Uma puncu satäqui uca nayräjjana, ucatjja yatichiri Esdrasarojja sapjjänwa: —Tatitojj Israel marcaru Moisesan leyipa churcäna uca libro aptanim —sasa.

Qullan Arunaka DC

¹ Ukhamasti markachirinakax taqpachaniw plazan mayaki tantacht'asipxäna, Uma punku satäki uka nayräxana, ukatxa yatichiri Esdrasaruw sapxäna: “Tatitux Israel markaru Moisés tuqi kamachip churkatayna uka qillqat aptanim” sasa.

Nehemías 8:1 Jak'a apnaqawi uñst'ayäwi

2 Reyes 23:2

Ucjjarusti Tatitun temploparuwa sarapjjäna reyisa, Judá orakenquiri take jakenacasa, uqhamarac Jerusalenanquir jakenacasa, sacerdotenacasa, profetanacasa, uqhamarac wawanacasa, jach'a jakenacasa, take marcpachaw sarapjjäna. Tatitun templopansti jach'atwa reyejj jupanacatac leet'arapïna cuntï sumancäwir mantat librojj siscäna uca cawquïr librotï Tatitun templopana jicjjatatäcäna ucata.

2 Crónicas 34:15

Ucat ucspachaw Safán sat kellkeriru yatiyäna leyi libro Tatitun templopana jicjjatatapata; ucasti Safán chacharuw uca librjja catuyjjäna,

2 Crónicas 34:30

Ucatjja reyejj Tatitun temploparuw saräna, uqhamarac Judá orakenquir jakenacasa, Jerusalenanquirinacasa, sacerdotenacasa, levitanacasa, uqhamarac take marcpachata, jisc'at jach'acamaw sarapjjäna. Ucanwa reyejj wali jach'ata leet'äna cawquïr sumancäwi librotejj Tatitun templopana jicjjatascäna ucata, take cunanactejj ucan sisqui ucanaca.

Esdras 7:1

Uca khepa maranac pasjjatapatjja, cunapachatï Persia marcanquir Artajerjes reyejj apnakascäna ucqhajja, mä chachaw Esdras sat utjäna, jupasti aca familianacata sarakerïnwa: Seraías, Azarías, Hilcías,

Esdras 7:10

Esdras chachasti take chuymawa amtasïna Tatitun leyipa yatjjataña, uqhamarac uca leyinac phokhañsa, ucatsti israelita jakenacarusa yatichañaraqui Tatitun leyinacapa, camachinacapa.

Esdras 7:11

Artajerjes reyejj carta churcäna Esdras chacharu, qhititejj sacerdotëcäna, yatichiriraquïna Israelan Diosapan camachi arunacaparu, leyinacaparu suma yatichataraqui, uca cartan arunacapasti aqhamänwa:

Esdras 7:6

Esdras chachasti suma yatichirïnwa, Israelan Dios Tatitun leyipsa suma yatiraquïna, cuntï Diosajj Moisés toke churcäna ucanaca, ucatsti Esdras chacharojja Tatituw yanapascäna, uqhamatwa Artajerjes reyejj churäna take cuntï jupajj maycäna ucanaca.

Nehemías 12:26

Take acanacawa jacapjjäna Joiacim chachan urunacapana, jupasti Josué chachan yokapänwa, Josadac chachan allchhiparaqui, Nehemías gobernadoran urunacapana, Esdras sacerdote, yatichirina urunacapanaraqui.

Nehemías 12:37

Uma Jalsu puncu satäqui ucanjama sarcasina, uqhamarac wali alto perkäqui uca chekanjama nayraru sarcasinjja, maqhatapjjänwa Davidan marcapar maqhatqui uca escaleranjama, Davidan palaciop patäjjcama, uqhamarac inti jalsu tokena Uma Puncu satäquis ucacama.

Nehemías 3:26

Uma Puncu satäquis uca nayräjjcama, inti jalsu toke cunjämatï jach'a jilsuta torrëquejja ucqha. (Qhitinacatejj Ofel chekana jacapcäna ucanacasti templona sirvirinacäpjjänwa.)

Nehemías 8:16

Ucatsti jakenacajj mistusinjja cutt'anipjjänwa ramanacas apt'ata sapa maynis chhujllanacapa lurasiñataqui, terrazanac patjjarusa, pationacaparusa, uqhamarac Diosan templopa patiorusa, Uma Puncu satäqui uca plazarusa, uqhamarac Efrainan puncupa satäquis uca plazarusa.

Nehemías 8:3

Ucatsti alwata chica urucamawa take jupanacan nayrakatapana leet'äna plaza nayräjjana, uqhamarac Uma puncu satäquis uca uñcatasina. Take jakenacaraquiw suma ist'apjjäna librota ley leet'äna ucqhajja.

Isaías 8:20

¿Uqhamat mä cuna yatiyäwsa catokañataqui?’ sasa. Uqhampunwa parlapjjani, ucampis uca parlatanacapajj mä lokhe jaken parlatanacapjamawa.

Levítico 9:5

Israelitanacasti, cuntejj Moisesajj siscatayna uqhamarjamaw Tatitumpi Jiquisiñ Carpäquis uca nayräjjaru apapjjäna, ucatsti take jakenacaw ucancapjjäna, jac'achasipjjaraquïna, ucanwa Tatitun nayrakatapan sayt'ata jicjjatasipjjaraquïna.

Malaquías 4:4

“Jumanacajj amtasipjjamaya cawquïri leyinactï Moisés uywatajjaru Horeb sat kolluna churcta ucanacata. ¡Ucanacasti ewjja arunacänwa, camachi arunacaraquïnwa take Israel marcan phokhañapataqui!

Mateo 13:52

Jesusasti ucjjarojj saraquïnwa: —Cunapachatejj mä ley yatichirejj Diosan reinopata sum yatjje ucajja utan jakjamawa. Jupasti suma imat yänacapatjja yatiwa machak yänacsa, merk'e yänacsa apsuniñjja —sasa.

Mateo 23:13

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti alajjpacha puncjja jist'antapjjtawa yakhanacan jan mantapjjañapataqui; ni jumanacas mantapcaractati ni yakhanacarus mantayapcaractati.

Mateo 23:2

“Ley yatichirinacajja, fariseonacasa Moisesan yatichäwinacap yatichañatac uscutäpjjewa.

Mateo 23:34

Jichhajj ucatpï nayajj jumanacarojj qhitanëjja profetanaca, yatichirinaca, amuyt'irinacaraqui. Ucampis jumanacajj janiw jupanacarojj catokapcätati; mayninacarojj ch'accatapjjätawa, mayninacarusti sinagoganacan nuwjapjjaraquïta, ucatsti marcat marcrac arcnakapjjaraquïta.

Deuteronomio 31:11

cunapachatejj take israelitanacajja Tatitu Diosan ajllit orakeparu tantachasipcani, ucqhajj take aca leyinacajj jupanacan nayräjjapan leet'asini.

Jueces 20:1

Ucatsti take israelitanacajj Dan, Beerseba, Galaad sat chekanquirinacajj mayaquiw tantacht'asipjjäna Mizpa sat chekana Diosan nayrakatapana.

Jueces 20:8

Israelitanacajj mä jakeru tuct'asinjja takeniwa sayt'asisa sapjjäna: —Janiwa jiwasanacat maynisa utasarojj cutt'cañäniti.